117
götürmək vaxtı gəlib çatmışdır. Sənin bu yolda inkar edilməz, açıq-aydın bir
müvəfəqiyyətə çatmağına, öz nailyyətini görəcəyinə əslən inanmaq olmaz.
Əgər sən inqilab və mübarizə üçün maddi,mənəvi qüvvələr toplayan, o
qüvvələrin fəaliyyətinə başçılıq edən Azərbaycanın demokratik qüvvə-si
sənsən.Əgər İranın azadlıq və məşrutə təməlini qoyaqn onu daha da
möhkəmləndirən Azərbaycan nəslinin qanı sənin damarlarında cərəyan edirsə...
Sən İranda yeni başlayacaq islah,təmiz,nizam-intizam bərpa etmək dövründə
də hazırlıq aparmalı, səy göstərməlisən! Pozub dağıtmaq əsas idi, indi isə təmiz
etmək, qaydaya salmaq, abad etmək lazımdır.
X X X
Mütləqiyyətə qarşı üsyan qaldırmaq
Yadellilərin üsyan hökmranlığı əleyhinə müqavimət göstərmək, daxili
ziyankarn ünsürlər ziddinə mübarizə etmək işi cəsarətli, qeyrətli olmaq, igid və
möhkəm iradəli olmaq tələb edirdi. Bunların hamısı sənin pakinətli övladında
tapılmışdır. Zaman səndən həmin arzuları həyata keçirmək, nəhayət mütləqiyyəti
kökündən söküb dağıtmaq, öz içində inadlı və dözümlü olmaq tələb edirdi.
Bunların hamısı sənin təbiətində yüksək bir səviyyədə təcəssüm etmişdir.
Hazırda isə keçmiş zəhmətlərdən istifadə vaxtı gəlib çatmışdır. Indi dünənki
xərabələr üstündə gələcək binanı yüksəltmək lazımdır. Bu binanı yüksəltmək üçün:
fikir lazımdıruzaq görən və dərin fikir, ağıllı tədbirlər düşünən fikir xaliqələr,
nümunələr yaradan fikir tədbiq edən, həyata keçirən fikir, islah edən və qaydaya
salan fikir, təkcə maddi vasitələr deyil, əsrlərin mənəvi və mətkurəvi təcrübələrinin
nəticəsi olan nadir və yüksək fikir lazımdır. Belə fikri ancaq dözüm, möhkəmlik,
prinsipiallıq, intizam, təşkilat, sayıqlıq, ümid və fədakarlıqla etmək olar.
Bəli, bu fikir, fədakarlıq daima fədakarlıq tələb edir!
Heç bir zaman və xüsusilə bir xalqın ağır həyat yükünün nazik tükdən
asıldığı vaxtda əsla yorğunluğa və ruhy düşgünlüyünə qapılmamalı!
118
Ey Azərbaycan !
Azərbaycan qeyrətli demokratik qüvvələri!
Keçmişdə, qədim iranlılar zamanında da İranın rəhbər rolunu oynamısan:
ölkənin demokratik qüvvələri yenilik və təkamülə çatmaq üçün qarşısındakı
əziyyətli yolda – daha sadə və ümumi bir tərzdə desəkhəyat və dirilik yolunda səni
həmişə irəlidə, qabaqcıl və rəhbərlik mövqeyində görmüşdür. O, səni həmişə özünə
dayaq hiss edərək, sənə arxalanmağı, inanmağı daim bir şüar kimi qəbul etmişdir.
Bu o deməkdir ki, sən İranın həm zirehli geyimi, qalxanı, həm də onun süngüsü,
nizəsi olmusan.
Ey demokratik qüvvələr, müvəqqəti zəifləmiş olsan da indiyə kimi güclü
olub ön sırada dayanmısan. Bu günə qədər həmin mövqedə durub iftixar və başı
ucalıqla dayanmısan. Sənin nəcib, şərafətli keçmişin səndən bu gün də vəfalı,
sədaqətli olmaq tələb edir. Keçmiş vədələrinə vəfalı olmaq və öz səciyyəvi
xislətlərinə sədaqətli qalmaq tələb edir. Bu müqəddəs vəzifənin altından boyun
qaçıra bilməzsən.
Ey əziz Azərbaycan!
Sən ölkənin iti görən gözüsən: ölkə avropa mədəniyyətini məhz sənin
vasitənlə görür. Sən sayıq və hissiyyata qapılmayan bir qəlbsən ki, ölkə dünyanın
mədəni hissəsiylə ancaq sənin vasitənlə əlaqə saxlayır. Şübhəsiz indiyə qədər
göstərdiyin fədakarlıq naminə, axıtdığın müqəddəs qanlar naminə. Bəslənilən bu
ümidləri puça çıxarmayacaqsan. Ey ölməz Azərbaycan! Başını qaldır və əbədi
yaşa!
Qorxu və cəsarət
“Qorxuram” sözü onu deyən adamın öz vicdanı qarşısında biabrcasına etdiyi
etirafdır. “Qorxuram” sözü rəzalətin ən alçaq dərəcəsini və onu deyən adamın ruh
düşgünlüyünü andıran bir formul və ifadədən ibarətdir.
119
“Qorxu” insanın təbiətində mövcud olan ən çirkin bir hiss və ugursuz bir
həyəcandır. Bu hiss adamı mərdlik şərəfindən və alicənablıq məziyyətindən
mərhum edərək onu nisginliyin ən aşagı dərəcəsinə endirir və ən mırdar
heyvanlarla bir sırada qoyur.
Agciyər adamlar, yəni cəsarətsiz, ürəksiz qocalar, gənclər, qadınlar və
oğlanlar təbii olaraq qorxaq bir ictimaiyyəti, qorxaq cəmiyyət və milləti təşkil
edirlər. Qorxaq bir millət isə çox çəkmədən öz başında bir qəddarın əlində giriftar
olar.
Həmişə bacarıqlı zülmkarlar, qəddar və ədalətsiz fironlar hər şeyə dözən
dözən qorxaq bir xalqın boynuna qulluq boyunduruğu qoymaq fikrilə meydana
çıxır və asanlıqla öz məqsədinə nail ola bilirlər.
Qorxu xalqların qul olmasının başlıca səbəblərindəndir.
Qorxmaq, ağciyərlik təkcə siyasi qulluğa səbəb olmur. Bəlkə hər cür
xəstəliklərin, ziyanverici və fəlakətli hadisələrin əmələ gəlməsinə kömək edir.
Beləliklə qorxaq adam hədə, zor qarşısında özünü itirir, çaşır və hüququndan belə
əl çəkir, ən müqəddəs varlığından məhrum olur,habelə bu iyrənc qorxunun uğursuz
təsiri nəticəsində qorxağın bədənindəki müqavimət qüvvələri də azadlıq hər cür
xəstəliklərin hücumuna, yoluxmasına imkan yaranır. Mikroblar gündən günə
canlanır,güclənir və qorxağın sağlamlığının məhv və həlak olmasına səbəb olur.
Qorxu bilavasitə fəlakətin səbəbi olmasa da fəlakətdən törənən nəticələrin
daha da gərginləşməsində şübhəsiz çox böyük rol oynaya bilər.
Qorxu minemum ziyanverici dərəcədə kədəri, qüssəni artırır. Yüksək
ziyanverici dərəcəyə çatdıqda isə ya bilavasitə fəlakətlərin törənməsinə səbəb olur,
ya da həyatı bərbad edici kor bir ehtiras kimi təcəssüm edərək istərsə maddi,
istərsə də mənəvi cəhətcə insanı bütün rahatlıqdan məhrum edir. Qorxu insanın
düşüncə qüvvələrini, ağıl və kamalını hərəkətdən saxlayır, onun cismi qüvvələrini
də dərhal fəaliyyətdən salır. Qorxu sağlamlıq nümunəsi, sayıqlıq və zəka mənbəyi
olan bir şəxsi solğun, qansız quru bir heykələ, şüursuz, iradəsiz, fəaliyyətsiz və
xülyayə tutulmuş, məğlub bir adama çevirir. Qorxu insanların sağlamlağında da
eyni təsirigöstərir. Tək-tək adamların bədənində qorxudan törənən nəticələr eynən
120
xalq kütlələrində də törənir. Özü-özlüyündə yenilməz, böyük qüvvəyə malik olan
bir xalqı qorxu heçə-puça çıxarır.
Qorxu- inkişaf, təkamül və yeniliyin qabağını alan ən böyük maneədir.
Qorxu bəşəriyyətin qəddar düşmənidir. Qorxu deyilən bu uğursuz hiss bəşəriyyətin
şərəf, heysiyyət, mənlik və mərdlik kimi nəcib hisslərini təhlükəyə salır. “Qorxu”
olan yerdə insan qabiliyyət və məöziyyətdən məhrum olur. Insan adını daşımaq və
insaniyyət şərəfinə malik olmaq istəyən şəxs qorxmamalıdır.
“Qorxmamaq” bu bəşəriyyət aləmində mövcud olan şərəf və heysiyyəti
qorumaq üçün bir vasitədir. Lakin təkcə qorxmamaq kifayət etməz, bundan əlavə
cəsarətli, qoçaq və ürəkli olmaq da lazımdır. Qorxunun ək-sinə olaraq cəsarət
ancaq ağıl və igidlik silahı ilə silahlnmış və uzaqgörənlik hissi ilə aşılanmış
cəsarət, coşqun və fədakar bir qoçaqlıq millətlərə nicat verə bilər.
Qorxu milliyyət, azadlıq və bəşəriyyətin əsaslarını pozursa, əksinə igidlik
həmin əsasları möhkəmləndirir, sarsılmazedir, qoruyur və mühafizə edir. Igidlik iki
cürdür: birisi maddi igidlik, digəri isə mənəvi igidlikdir. Maddi igidlik təhlükə və
xəbər qarşısında soyuqqanlılıqdan ibarətdir ki, onun ən yüksək dərəcəsi “ölümə
qarşı” etinasız olmaqdır. Çünki ən böyük təhlükə ölümdür və heç kim ölümlə iki
dəfə qarşı-qarşıya gəlməyəcəkdir. Maddi igidlik elə bir həqiqətdir ki,onu
mənimsəmək mümkündür. Bu xisləti təmir vərzeş (idmqan) vasitəsilə
gücləndirmək, artırmaq da olar. Qorxaq bir əsgər müharibə meydanında on dəfə
qəhrəmanlıq göstərsə cəsarətlənə bilər. Qorxmaz əsgər isə daha cəsarətli olar.
Maddi igidliyi təmrin etmək bədənimizi sükunət və mətanətə və daimi aramlığa
öyrədir. Buna görə də bədənimiz hər bir kiçik xərər və adi təhlükəyə rast gəldikdə
həyəcanlanmır, aramlığını pozmur.
Mənəvi igidlik isə insanın öz ehtiraslarına hakim olmağı və onları özünə
tabe edə bilməyindən ibarətdir. Yaramaz ehtirasına, hissiyyatına və ümumiyyətlə
öz nəfsinə tabe olmayan adam cəsarətlidir, igiddir.
Təbiətin zəruri qanunlarına çox vaxt qələbə çalmaq mümkün olmur, buna
baxmayaraq bacarıqlı şəxslər öz nəfslərinə üstün gələ bilirlər. Belə şəxslər
yaralanır, canını qurban verər, ölər lakin qorxmazlar. Belə adamlar məğlub
121
edilməzdirlər. Bu igidlik məziyyətdir, o, məntiqi təhlil və möhkəm iradədən
doğulur. O, sərbəst fikirlə qəbul edilən bir qərarın təcəssümüdür.”
Qorxmamalıyam, buna görə nə qorxuram, nə də qorxmaq istəyrəm!”- igidin qərarı
belə olmalıdır. İndiyə qədər elə bir insan qüvvəsi yaxud təbii qüvvə olmamışdır ki,
bu qərara qarşı qələbə çala bilsin. Dediyimiz kimi mənəvi igidlik insanın
əzmidir,iradəsindən asılıdır və buna görə də mənəvi igidliyin “vaxtı” vardır. Bu
vaxtı təyin edən zaman ölçüsü isə bizim şərəf və izzəti nəfsimizdir. Insanın
hərəkəti və işi “qorxu” adlana biləcək bir dərəcəyə çatarsa o zaman igidliyin
coşub-daşmaq vaxtı və qorxunu təmamilə məhv etmək vaxtı da gəlib çatar.
Məşhur roma imperatoru “Sezar” heç vaxt “mən igidəm” sözünü dilinə
gətirməzdi. Lakin mən filan vaxtı igidcəsinə hərəkət etdim deyərdi. Buna
baxmayaraq heç kim onun haqqında “Sezar qorxdu” sözünü deyə bilməmişdir.
Hamıdan artıq İrandan çıxmış imperatorlar kimi Roma “Sezarı” da öz
cəsarəti nəticəsində bir çox ölkəni özünə tabe etmişdir. Igid bir xalq, qorxmaz,
ürəkli bir cəmiyyət minlərlə belə sezarlardan həm üstün həm də bacarıqlıdır. Heç
də unutmaq olmaz ki, qoçaq sərgərdələrin qələbə çalmasına və nailiyyət əldə
etməsinə əsas səbəb ancaq xalqlarının qoçaqlığı olmuşdur. Qoçaq xalqlar
bəşəriyyətin dincliyini təmin etməli və demokratiyanın inkişaf və təkamülü
uğrunda igidlik göstərməli vöə qorxmamalıdır.
Əmək və fəhlələr
Tarixi Versal qurultayında qalib dövlətlərin nümayəndələrilə alman
cümhuriyyətinin nümayəndələri arasında bağlanmış müddətli sülh müqaviləsinin
bir bəndi də fəhlələrin beynəlxalq ümumi məsələsinə həsr edilmiş “Əmək” ünvanlı
bəndidir. Həmin müqavilənin 13-cü bəndinə əməyə aid əsaslı məsələ, göstərişlər
və prinsiplər daxildir. Həmin bənddə irəli sürülən məsələlərin bütün məmləkətlərdə
ümumi bərabər surətdə həyata keçiriləcəyi böyük əksəriyyətlə qəbul edilmişdir.
Müqavilənin başqa bəndləri içərisində xüsusilə həmin bəndi seçib burada qeyd
122
etməkdən məqsədimiz nəinki təkcə onun faydalı olmasına, bəlkə həmin məsələnin
məhz hazırki mövqe və şəraitdə daha məziyyət və üstünlüyə malik olduğuna görə
onun əhəmiyyətini daha qabarıq göstərməkdən ibarətdir.
Son beş ilki hadisə və ittifaqların həyata keçirilməsində ümumiyyətlə bütün
fəhlələrin iştirakının mahiyyətini başa düşmək üçün uzun-uzadı danışmaq lazım
deyildir. Hamıya məlumdur ki, son əsrin surətli və coşqun bir tərzdə irəliləyən
mədəni tərəqqisi dövründə bir tərəfdən sənayenin inkişafı və cürbəcür maşınların
biri-birinin ardınca meydana çıxması, digər tərəfdən iqtisadi münasibətlərin
genişlənməsi,cəhanşumal siyasi əlaqələrin artması və maddi şəraitin təsiri
nəticəsində kütlələırin məfkurəsinin tənbəllik, iradəsizlik və laqeydlikdən çıxması
hadisəsi yüksələn inqilabi cərəyana olduqca böyük və şiddətli təkan vermiş, icti-
mai dəyişikliklər və çevrilişlər tarixində geniş və dərin bir mərhələnin vücuda
gəlmnəsinə səbəb olmuşdur. Hələ uzaq keçmişdən bəri ictimaiyyətin
dərinliklərində fəaliyyətə başlamış hərəkat nəticəsində yeni qüvvələr vucuda
gəlmişdir. Həmin qüvvələr görülməmiş və eşidilməmiş yeni güc və qüvvə ilə
başladıqları işi əvvəlki istiqamətdə birgə hədəfə doğru (əvvəlcə nəzərdə tutulmuş
bu hədəf heç vaxt indiki kimi konkret şəkil almamışdır) davam etdirərək
irəlilədilər, nəhayət keçən əsrin son illəri həmin qüvvələrdən baş vermiş həyəclar
və hadisələr vasitəsilə faciəli iztirab illəri oldu. XX əsrin ilk illəri əsrin ən uğursuz
hadisəsi ilə təsadüf edərək ictimaiyyət tarixinin bu səhifələri böyük ümumi
qurbanların al qanıyla boyandı. Həmin hadisələri ümumiləşmiş bir şəkildə nəzərə
alsaq başa düşərik ki, inqilabların gedişində ən başlıca amil “iqtisadi şərait”
olmuşdur. Maddi mahiyyəti olan həmin amil həm səbəb və eyni halda nəticə olaraq
bütün bəşəriyyəti öz hakimiyyət və nüfuzu altına almışdır. O, insanların həyatını
bir-birinə zidd iki hissəyə: biri qulluq həyatı, digəri isə rifah və xoşbəxtlik həyatına
bölərək, sənayedə güclü təbii qüvvələrdən istifadə zəminəsi və nəhəng “maşinizm”
zəminəsi yaratmışdir. Həmin iqtisadi şərait həyat uğrunda olan qanlı ölüm-dirim
mübari- zəsi meydanında “muzdurluq rejimini” bərpa etmiş, bədbəxt, muzdur fəhlə
kütlələrinin sümük və qanını mədəni maddələr yaxud taxıl mqalaqları tək zavod və
karxanaların çərxlərinin dişləri arasında əzilib məhv olmasına və beləliklə kapitalın
123
artıb, iqtisadi bazaların möhkəmlənməsinə səbəb olmuşdur. Bəşəriyyət uzun illər
boyu qaranlıq zavodlarda maşı- nın dəmir çəkiclərinin yemi olmuşdur.
Avropa kapitalistləri arası kəsilmədən bir-birinə müharibə elan edərək
döyüşə başladıqları zaman qoşun sıralarının böyük hissəsini də həmin fəhlə
kütlələri təşkil etmişdir. Burada da fəhlə kütlələri canlarını qurban vermiş tüfəng,
bomba və top qülləsi çarpanları arasında məhv olub getmişdir. Lakin bu döyüşdə
fəhlə kütləsi öz meylinin ziddinə olaraq döyüşürdü. O, müharibəni özünə düşmən
hesab edir və müharibə ilə müharibə edirdi. Fəhlə kütləsi güman edirdi ki, bu
mübarizə bitdikdə mədəniyyət aləmi maddipərəstlikdən, qəsbkarlıqdan, macəraları
törətməkdən üz çevirəcək, fəhlə kütlələri maddipərəstlərin və iqtisadçıların azğın
məfkurəlıərinə tabe olmaqdan nicat tapacaqlar.
Dəhşətli müharibə fəhlə kütlələrinin qanını həddindən artıq tökdü, onların
arası kəsilmədən göstərdiyi səylərini qanla qiymətləndirdi. Bütün dünya fəhlə
kütlələrinin göstərdiyi səylərinin şahidi oldu. Istərsə müharibə cəbhələrində,
istərsə metropoliya küçələrində, istərsə də geniş xalq kütlələri içərisində
demokratik hərəkatın gündən-günə nailiyyət əldə etməsi və müvəffəqiyyət uğrunda
böyük addımlar atması məhz fəhlə kütlələrinin birlikdə göstərdikləri fədakarlıqlar
nəticəsində olmuşdur...
Həmin fədakarlıqlara (dözülməz ictimai təzyiqlərdənqurtarmaq üçün
göstərilən səylərə) mükafat olaraq veriləcək nailiyyət əklili sülh müqaviləsində
fəhlə kütlələrinin diləklərinə yer verməkdən, o diləklərə rəsmiyyət verib həyata
keçirməkdən, fəhlə kütlələrinin gələcəyi üçün gözəl və sevindirici ümidlər
verməkdən başqa bir əklil ola bilməz.
Iran demokratik qüvvələri öz iqtisadi qüdrətilə bilavasitə yaxud vasitəli
surətdə beynəlxalq fəhlə hərəkatı ilə maraqlandığına görə biz bu haqda yenə ətraflı
məlumat verəcəyik.
Yenə əmək və fəhlələr haqqında
Son zamanda bağlanmış sülh müqaviləsinin məzmunu qısa bir şəkildə
mətbuatda nəşr edilmişdir. Həmin məzmundan məlum olur ki, müqaviləni
124
hazırlayan və onu imza edən güclü dövlətlər ümum fəhlə hərəkatını nəzərə almış,
beynəlxalq muzdur kütlələri mümkün qədər arxayın edərək müqaviləni
imzalayanları müharibə bitdikdən sonra xoşa gəlməyən hadisələrdən qorumaq
məqsədiylə müəyyən siyasət tutub, bir sıra tədbirlər görmüşlər. Qalib dövlətlərin
qəbul etdikləri bu uzaqgörən və əlverişli siyasət sülhün müdafiəsi və onun
möhkəmlənməsi cəhətdən diqqətə layiqdir... Sülh müqaviləsi fəhlə kütlələri
məsələsinə məhz onun daşıdığı əhəmiyyətə görə yanaşaraq, qərara almışdır ki,
“fəhlə kütlələrinin maddi, mənəvi və məfkurəvi rifahını təmin etmək məqsədiylə”
daimi bir təşkilat vicuda gətiriləcək və bu təşkilat millətlər təşkilatı ilə birlikdə
fəaliyyət göstərəcəkdir. Müqavilə fəhlələrin həmin üç mövzu haqqında rifahının
təmini məsələsini beynəlxalq nöqteinəzərdən böyük əhəmiyyətə malik olan bir
məsələ kimi tərifləyərək qiymətləndirir.
Aydındır ki, dünyanın müxtəlif fəhlə kütlələri maddi,mənəvi və məfkurəvi
təlabat etibarilə bir-birinə oxşamışlar (Çünki onların müxtəlif həyat şəraiti,
torpaqları, iqlimləri var və müxtəlif rəng, adət və ənənəyə malik olaraq müxtəlif
tərzdə ağır muzdurluq boyunduruğunu daşıyırlar). Buna görə də onların hamısı
üçün bir növ ümumi qayda-qanun yaratmaq və birgə şərait prinsipi üzrə hamısını
təmin etmək qeyri mümkündür.
Əsasən əmək biri-birilə fərqli olduğu üçün bir sıra zahiri və əməli çətinliklər
meydana çıxaraq hər yerdə eyni şəraitin əlverişli olmasına imkan vermir. Bu
çətinliklər isə qabaqcadan nəzərdə tutulacaqdır. Buna görə də bir sıra qayda və
prinsiplər qəbul ediləcəkdir ki, onları hər yerdə tədbir etməklə əmək şəraitini
nizam-intizama salmaq mümkün olsun. Bu yeni təşəbbüs nəticəsində “əməyə məta
kimi baxılmayacaqdır”. Bu sözə cümlədə çox geniş bir məna yerləşir. Bu cümlədə
fəhlə aləminə aid olan elə bir böyük məsələ izah edilir ki, keçmiş illərdə “ictimai
məslək” yolunda çalışan ən bilikli alim belə həmin məsələni aydınlaşdırmaq üçün
xeyli zəhmətlərə dözməli olmuşdur. Indiyə qədər əməyə müəyyən bir ölçü üzrə və
ədalətlə qiymət verilmirdi. Teloriya üzrə əməyin qiymətini fəhlənin şəxsi
həyatyının gündəlik təlabatı təyin etməli idi. Lakin əməldə isə kapital sahibləri ona
qarşı öz münasibətlərində həmin prinsipi pozurdular.
125
Ölməmək üçün, nə yolla olursa-olsun bir tikə çörək tapıb aclığın qabağını və
belə bir həyata dözmək məcburiyyəti fəhləni kapital sahiblərinin irəli sürdükləri
təkliflərə tabe deir, ona əmək və təşəbbüs azadlığından məhrum edirdi. Digər
tərəfdən isə muzdir fəhlənin əməyi alver edilən məta kimi tələb qanununa tabe
olaraq fəhlənin əmək haqqı, əməyi tələb edənlərin az-çox olmasıyla azalır və
çoxalırdı.
Irəlidə dediyimiz kimi yeni qayda və vəziyyəti dəyişdiriləcəkdir. Mümkün
olarsa gələcəkdə bu haqda daha geniş izahat verəcəyik, məhz bu vəziyyətin
mahiyyətini aydınlaşdırmaq və gələcəkdə necə həyata keçiriləcəyini təyin etmək
nöqteyi-nəzərindən sülh müqaviləsi digər bir prinsipdə qəbul etmişdir. Bu prinsipə
görə: “Hər fəhlə ümumi yaşayış şəraiti üzrə onun üçün əlverişli bir həyat tmin edə
biləcək əmək haqqı almağa haqlıdır”. Indiyə qədər iş qanunu icra edilməyən
ölkələrdə səkkiz saatlıq iş günü, yaxud dörd saatlıq iş həftəsi qanunu qəbul
ediləcəkdir. Fəhlələr həftədə ən azı 44 saat istirahət edəcək, istirahət günü isə
mümkün olsa bazar günü olacaqdır. Uşaqların işləməsi qadağan edilir və gənclərin
iş saatları onlar cismi və mənəvi tərbiyəsinə mane olmayacaq dərəcəyə qədər az
olacaqdır. Eyni əmək üçün kişi və qadın təfavüti nə zərdə tutulmadan bərabər əmək
haqqı ödəniləcəkdir.
Millətlər təşkilatının öz gələcək siyasətində rəhbər tutacağı və fəhlələrin
taleyini böyük bir dərəcədə yüngüldəcəyi prinsip və qaydalar içərisində belə bir
qaydada qeyd edilmişdir. Qanuna zidd olmamaq şərtiylə hər mövzuda muzdurlara
və muzaq verənlərə Kompaniya (Kopesasiya) təşkil etmək hüququ verilməlidir.
Nəhayət, sülh müqaviləsindəki bu bənd İranın qonşu ölkələrə müraciət edib
mədən istehsalatında və başqa faydalı işlərdə işləyən bir çox iranlı fəhlələrə
bəslədiyi marağını ha belə İran əhalisinin vəziyyətini nəzərə aldıqda bu bəndlərin
İranlılar üçün başqa xalqların fəhlələrindən daha əhəmiyyətli olduğu məsələsini
xatırladaraq aşağıda deyiləcək qaydanı qeyd edir:
“Hər ölkədə elə bir prinsip qəbul ediləcəkdir ki, ölkədə qanun olaraq yaşayan
bütün fəhlələri təmin etsin və iqtisadi münasibət nöqteyi-nəzərdən onlarla ədalətli
rəftar edilsin”.
126
Hörmətli oxucular, yuxarıdakı izahatı nəzərdən keçirdikdə fəhlə kütlələrinin
gələcək beynəlxalq vəziyyəti və ondakı dəyişiklər haqqında ümumi məlumat əldə
edə biləcəklər.
Ərəb əlifbasından köçürəni Vüqar ƏHMƏD
Fars dilindən tərcümə edəni İsmayıl ŞƏMS
Redaktoru Balaş AZƏROĞLU
Texniki redaktor İsmayıl CƏFƏRPUR
Dostları ilə paylaş: |