105
Xalqın bu inqilabi hərakatının coşğun oqyanusuni (okean V.Ə) təlatümə gətirən,
onun aşıb-daşan əzəmətli dalğaları üzərindən baş qaldıran Səttərxan Sədr-milli,
Bağırxan Salarmilli, Kərbəlai Hüseynxan Maralanı, Heydərxan əmioğlu və
başqaları bu vuruşun hərbi sərgərdələri, Kərbəlai Əli misio, Hacı Mehdi
Kuzəkənani – Əbuəlmələ, Səgəlislam, Seyid Məhmməd Şəbustəri, Hacı Əli
danafiruş, Şeyxsəlim, Əhməd Səhili, Yusif Xəzduz, Səid Səlmasi və sairə bu
döyüşün fikir sərgərdələri idilər. Hərəkatın fikir bayrağı onların çıynində idi.
Yuxarıda adları çəkilənlərdən elələri də var idi ki, hərbi fərmandehliyi, həm də
fikir sərgərdəliyini öz şəxsiyyətlərində birləşdirir, inqilabi işin hər iki sahəsində
misilsiz bahadırlıq göstərən tərxanlar idilər. Bu böyük şəxsiyyətlərin ən
görkəmlilərindən biri xalqımızın böyük oğlu alovlu vətənpərvər, görkəmli
siyasətmədar alim, filosof, atəşin natiq yazıçı və inqilabçı jurnalist bütün İranın
azadlıq və təcəddüd hərəkatının pişvalarından Şeyx Məhəm- məd Xiyabani idi.
X X X
Şeyx Məhəmməd Xiyabani hicri-qəməri 1297, hicri şəmsi 1258-ci ildə
Təbriz vilayətinin Güney mahalının Xamne qəsəbəsində anadan olmuş, hicri şəmsi
1299-cu ilin Şəhrivər ayında İran irticai və imperializmin əlbir qəsdi nəticəsində
Təbriz şəhərində vəhşicəsinə öldürülmüşdür.
Xiyabani ilk təhsilini Xamnədə almış, Təbriz və Dağıstanın pay- taxtı
Mahaçqalada təhsilini təkmilləşdirmiş, uzun və inadcıl təkbaşına mütaliə
nəticəsində ictimai elmlər sahəsində böyük müvəffəqiyyətlər qazanmışdır. O,
çoxlu diyarları gəzərək həmin ölkələrin xadimlərilə görüşmüş və fikir mübadiləsi
etmişdir. Xiyabaninin fəlsəfə, tarix,iqdisadiyyat, riyaziyyat və nicum sahəsində
dərin və geniş mütaliəsi və müasir biliyi var idi. O, türk, ərəb, fars, rus və fransa
dillərini və bu xalqların mədəniyyət tarixini dərindən bilirdi. O, Şərq və Qərbiən
ictimai elmlər sahəsindəki bir çox nailiyyətlərini orijinal şəkildə öz şəxsiyyətində
birləşdirirdi.
Xiyabaninin həyat və yaradıcılığını 3 dövrə bölmək olar:
106
1. 1258-1284-cü (1879-m. 1905) illəri əhatə edən uşaqlıq və gənclik çağları,
həmin dövrdə Xiyabani elmi biliklərini artırmağa çalışır “İranlıları- bu məmləkətdə
yaşayan bəşər novini” istibdad və irticanın əlindən qurtarmaq üçün yollar axtarır və
mübarizə edirdi.
2- mərhələ Xiyabani həyatının 1284-1290-cı sonra (1905-1911) illər
dövrüdür. O, Səttərxan hərəkatında ən görkəmli inqilabçı kimi iştirak edir.
Məşrutəçilərin sırasında istedadlı, görkəmli və prinsipial bir diplomat və siyasi
xadim kimi tanınırdı. O, yaşca gənc olsa da təcrübəli və dünyagörmüş el
ağsaqqalları qədər hörmət, təcrübə və nüfuza malik idi. O, Azərbaycan milli
əncüməninin üzvülüyünə seçilmiş,Azərbaycandan şura məclisinə nümayəndə
intixab olmuşdur. Vətənin ən çətin günlərində Xiyabaninin şura məclisi
kürsüsündən söylədiyi məşhur nitqində bu dövrüdəki mütərəqqi dünya görüşü tam
aydınlığı ilə öz əksini tapmışdır.
3- mərhələ -1290-1299-cu (1911 m) illəri əhatə edir. Xiyabani bu dövrdə
təcəddüd və fəlsəfəsi məktəbinin əsaslarını işləyib hazırlayır. Birinci dünya
müharibəsi və müharibədən sonrakı illərdə Azərbaycan və İranda demokratik
fikrin və hərəkatın başında durur. O, bu dövrdə heyəti millinin rəisi, demokrat
firqəsinin Azərbaycan təşkilatının rəhbəri, “Təcəddod” ruznaməsinin müəyyən bir
dövrdə məsul müdiri olmuş şura məclisinə Azərbaycandan numayəndə seçilmişdir.
Şeyx Məhəmməd Xiyabani Azərbaycan fəlsəfi fikrinin inkişaf tarixində yeni
bir dövr açmışdır. Onun qaldırdığı fikir bayrağı üzərində azadlıq, bərabərlik və
ictimai ədalət şüarı yazılmış, təcəddod fəlsəfi məktəbində Azərbaycanın böyük bir
inqilabi nəsli yetişmişdir. Xiyabi yaratdığı fəlsəfi cərəyan haqqında yazırdı:
“təcəddod məsləki siyasi dildə çox vaxt “liberalizm” kəlməsi istifadə edilir. Lakin
bu günə qədər liberalların xətt hərəkət və rəftarı ilə bir görkəm alıbdır ki, biz
məsləkimizə təcoddod məsləki adını məcburiyyətində qalmışdır”. Doğrudan da
Xiyabaninin fəlsəfi məktəbində hər şey yeni əsasla qurulmuş, hər şeyin həllində
millətin, füqərai-kasibənin, zəhmət adamlarının, şəhər və kəndlərdə alın tərilə
çörək qazananların mənafei əsas göürülmüşdür. Köhnə siyasi məfhumlar alt-üst
edilmişdir. Təcəddod məsləkində inqilabın əsas yməsələsi olan hakimiyyət
107
məsələsi inqilabçı demokrat nöqtei nəzərindən daha radikal şəkildə həll
olunmuşdur. Xiyabani təcəddod fəlsəfəsinin nəzəri və elmi əsaslarını
hazırlayarkən,xalqın inqilabi mübarizəsinin, İran məşrutə hərəkatının,şura
məclisinin, Azərbaycan milli əncüməninin, başqa qonşu xalqların inqilabi
hərıkatının təcrübələrindən geniş istifadə etmişdir. Bu əsasda da xalqın azadlıq və
istiqlaliyyət əldə etməsindən elmi və əməli planlarını hazırlayaraq həyata
keçirməyə başlamışdır. Xiyabaniyə görə təşkil tapacaq hökumətin forması
cümhuriyyət olmalıdır. Cümhuriyyətin idarəsi xalqın əlində olmalı, xalqın, fəqir-
füqərqanın, aşağı təbəqələrin iradəsi hakimiyyət etməlidir.
Xiyabaniyə görə, Azərbaycan demokratiyası öz müqəddəratını öz əlində
saxlamalı, həmişə sayıq və ayıq olmalıdır. “Elə çıraq yandırmaq lazımdır ki,
ixtiyarı öz əlimizdə olsun”.
Azərbaycan azadlığın alınmaz qalasına çevrilməli, bu milli qüdrət İrana
nicat verməlidir. Azərbaycandan hakimiyyət edən milli hökumət bütün İran üçün
nümunədir.
Iran azadlığı Azərbaycan azadlığının ayrılmaz hissəsidir. Xiyabani deyirdi:
“Bu həqiqəti təsdiq etmək lazımdır ki, İranda Təbriz başqa şəhərlərə rəhbərlik
etmiş və İranda böyük rol oynamışdır. Təbrizin qəbul etdiyi qərarlara etinasız
baxıb icra etməmək olmaz. Qiyam hərəkatının qəbul etdiyi qərarların icrası üçün
maneə törətmək istəyən adamlar görəcəklər ki, Təbrizin arzuları bütün İranda
qəbul ediləcəkdir. Bizim istədiyimiz milli hökumət elə bir hökumətdən ibarətdir ki,
onda xalqın doğruçu nümayəndələri ölkənin hakimiyyətini təşkil etsinlər.
Hakimiyyət başqa adamların əlinə düşməyərək istər daxili, istərsə də xarici işlərdə
özbaşına işlər görülməsin. Imtiyaz verib almaq millətin öz əliylə icra edilsin. O
başqa bir çıxışında göstərirdi ki:
- Tehran bizim qərarlarımıza etinasız baxır, biz də onlara qarşı eyni
münasibəti bəsləyərək onların qərarlarını heç kim hesab edirik. Tehran baş vəziri
ilə bərabər ancaq o zaman ölkənin mərkəzi kimi müsbət və ya mənfi əmr verə bilər
ki, bütün əyalətlərin mənafeyini nəzərdə tutsun və xalqın əfkar ümumisinə və
səlahiyyətli xalq nümayəndələrinin nəzəriyyələrinə uyğun bir tərzdə rəftar etsin.
Dostları ilə paylaş: |