Abid Tahirli
~
42
~
olduğu hörməti təmin edəmirik. Fəqət nə mane olur: biz səflərimizi
sıxlaşdıralım. Mücadilələrimizi tənzim edəlim. Mücadiləmizi
qüvvətləndirəlim budur, «Tərcüman»a və böyük İsmayıl bəyə layiq
ən dəyərli qayğı, ən münasib xatirə!» («Ortaqlı bir ildönümü»
məqaləsindən. «İstiqlal» qəzeti, 13 aprel 1933).
Sultan Məcid Qənizadə: «Tərcüman» qəzetəsi Həzrət
Musanın bəni-İsrail üçün gətirdiyi lövhələr kimi idi ki,
müsəlmanların qəlbində nəqş bağlayırdı. Və «Tərcüman»ın
yazılarının bu qədər mütəəssir olması İsmayıl bəyin özünün batini
atəşi idi. Necə ki, demişlər: «şəm əgər gur yanmasa, yandırmaz od
pərvanəni». Hədisdə deyilir ki, Allah bir neməti aldıqda əvəzində
ikisini verər… Biz də ümid ediriz ki, İsmayıl bəy gedəndə onun
yerində Rusiya müsəlmanları arasında İsmayıl bəylər çıxar. Çünki
İsmayıl bəyin özünün çalışdığı da bu yolda idi».
Tanınmış qaspiralışünas Zəfər Karatay: «Doğmuşam
Krımda Avcı köydə min səkkiz yüz əlli bir də. Məkanım
Baxçasaraydır, məzarım kim bilir nerdə» - söyləyən İsmayıl
Qaspiralının məzarı həqiqətən 18 may 1944-cü ildə Krım türkləri
sürgün ediləndə, Zincirli mədrəsə yaxınlığında olan məzarı yox
edilmişdi. Amma onun nəvələri yox olmadı. Geri döndülər. Ona
xatirə məzarı düzəltdilər…».
…İşə də dərhal başladı. Bir tərəfdə çar Rusiyasının
inanılmaz təzyiqi və senzurası, bir tərəfdə cəhalət içərisində inləyən
xalqı vardı. İmkanları məhdud olsa da, möhtəşəm əzmi vardı,
peyğəmbər səbri vardı. Son dərəcə realist, sağlam ruhlu və
Bütün türklərin tərcümanı
~
43
~
uzaqgörən idi. Çalışdı, çalışdı, çalışdı». («Yaxşı ki, doğuldun
İsmayıl bəy Qaspiralı» məqaləsindən).
Naşir, redaktor Haşım bəy Vəzirov: «Dünən Krımın
Baxçasaray şəhərindən aldığımız bir teleqram təğyire-qəzadan
tamam millətimizin uğradığı böyük bir siyah xəbərini yetirdi.
Qırx illərdən bəri əsla yorulmaq və usanmaq bilməyərək
müsəlmanlar və müsəlmanlıq yolunda çalışan İsmayıl bəy
Qasprinski vəfat etdi».
Böyük ideoloq Əhməd bəy Ağaoğlu: «Dünyada türk və
türkçülük qaldıqca İsmayıl bəy də bərhəyatdır (diridir, yaşayandır –
T.A.), yəni İsmayıl bəy əbədi və cavidandır (daimidir – T.A.).
İsmayıl bəy hələ də yaşayır, yetişdirdiyi yüzlərlə şagirdlərində,
tərbiyə etdiyi minlərcə ruhlarda yaşayır». («İsmayıl bəy Qasprinski»
məqaləsindən).
Böyük ideoloq Yusif Akçuraoğlu: «…İsmayıl bəy təkdir,
ona bərabər xadimi… ötən bir neçə əsrlik islam və türk həyatından
tapıb çıxarmaq çətindir. Məncə, İsmayıl bəyi haqqı ilə tərif edə
biləcək bir sifət vardır ki, o da ilahiyyat alimlərinin həzrəti İsadan
bəhs edərkən istifadə etdikləri «müəllim» təbiridir. İsmayıl bəy
«müəllim» idi: o bir qisim bəşəriyyətin dünyaya və həyata
baxışlarını dəyişməyə müvəffəq oldu («Müəllimə dair»
məqaləsindən).
«İsmayıl bəy yaxşı bir müəllim, mahir bir qəzetçi, mümtaz
bir mühərrir, ictimai və fəal bir ictimai xadim idi. Lakin, bütün bu
Abid Tahirli
~
44
~
keyfiyyətlər İsmayıl bəyi tanıda bilməz. Türk-islam aləminin yarım
əsrlik dövründə saydığım keyfiyyətlərə malik ola biləcək iyirmi-
otuz şəxsin adı çəkilə bilər. Ancaq İsmayıl bəy təkdir.
Əslində, Şimal türklüyünün duyan və anlayan hissəsi
Qasprinskinin mahiyyəti fikriyyəsini, qayeyi məqsədini təyində
gecikməmiş və yanılmamışdır. Əlifbanın sürətli təlimi məsələsindən
nəşət etmiş kimi görünən «Üsuli-cədid» nizam əzm ümranisi xətti
zatında
Şimal
türklüyünün
qərbçiləri
ilə
şərqçilərinin,
mühafizəkarları ilə tərəqqipərvərlərinin müsaidəmeyi tarixiyələridir.
XIX əsrin axırıncı rübündən etibarən Şimal türkləri fikir, umran və
ictimai nöqteyi nəzərlərindən iki böyük firqəyə – «Üsuli-cədid» və
«Üsuli-qədim» firqələrinə – ayrılaraq bu iki firqənin çəkişməsi
sayəsində tərəqqiyə çatmışdır. Uşaqların tərbiyəsi, məişət tərzi,
ictimai və həyat qayəsi kimi ən mühüm həyat məsələsi də
«Cədid»lərlə «Qədim»lərin prinsipləri çarpışırdı. Bu gün
«Cədid»çilər hər sahədə müvəffəqiyyətlərini təmin etmiş kimidirlər.
«Cədid»lərin, yəni tərəqqini qərbin təqib və təmsilində görənlərin
cümləcə müsəlləm və müqəddəs rəisi İsmayıl bəy Qasprinski idi.
İsmayıl bəy bu cərəyanı fikri və ictimainin yalnız rəisi deyil,
mühəddis və xaliqidir». («Müəllimə dair» məqaləsindən. «Türk
yurdu» dərgisi, 1330, № 12).
Qaspiralışünas Ənisə Həbibullayeva: «İsmayıl Qaspiralı
türk xalqlarının proqressiv inkişafının əsasını qoymuşdur. İsmayıl
bəyi xatırlayanda ən əvvəl biz onun barəsində görkəmli siyasətçi,
maarifçi, ziyalı, naşir, ədəbiyyatçı kimi bəhs etməliyik. O, Rusiya
imperiyasında və qonşu dövlətlərdəki türk xalqlarını bir ideya
ətrafında birləşdirdi. O, tərəqqinin yol xəritəsini göstərdi, bu vasitə
Dostları ilə paylaş: |