Bütün türklərin tərcümanı
~
5
~
lənməsi məqsədi ilə kitabda qeyd etdiyi tədbirlərin reallaşacağı gün
uzaqda deyil.
Əsərdə bir çox məqamlar diqqətimi çəkdi. Bildiyimə görə,
Abid Tahirli İ.Qaspiralı ilə bağlı ötən əsrin 90-cı illərinin
əvvəllərindən məşğuldur. Mətbuatda A.Tahirlinin Ceyhun
Hacıbəylinin İ.Qaspiralı ilə bağlı yazısını da elə həmin dövrdə
oxuduğumu xatırlayıram. Bununla demək istəyirəm ki, A.Tahirli bu
müddət ərzində İ.Qaspiralı ilə bağlı külli miqdarda mənbəyə,
məxəzə istinad etmiş, Krım, Kazan, Türkiyə, Rusiya, Azərbaycan
alimlərinin çox sayda araşdırmalarını tədqiqat müstəvisinə cəlb
etmiş, onları saf-çürük, təhlil, müqayisə etmiş, dəyərləndirmişdir,
müəyyən elmi-nəzəri qənaətlərə gəlmişdir. Diqqətimi müraciət
olunan mənbələrin çoxluğu, rəngarəngliyi çəkdi. Maraqlı və
təqdirəlayiqdir ki, A.Tahirli ilk dəfə İ.Qaspiralının irsini – onun
publisistikasını və bədii əsərlərini qruplaşdırmış, mövzu, ideya
baxımından təsnifatını aparmış, təhlil etmişdir. Əsərdə diqqətimi bir
məqam da çəkdi. A.Tahirli İ.Qaspiralının bütün irsindən inciləri,
kəlamları seçmiş, toplamış, təqdim etmişdir. Tədqiqatçı İ.Qaspiralı
irsinə müraciət edən Azərbaycan və xarici ölkə tədqiqatçılarının
siyahısını tərtib etmiş, onların bir çoxunun İ.Qaspiralı ilə bağlı
əsərlərindən Ən dəyərli, təsirli sitatları da oxucuların diqqətinə
çatdırmışdır. Əlbəttə, bu əsərdən daha çox və daha əhatəli bəhs
etmək olardı. Buna lüzum görmürəm. Ən əsası odur ki, bu əsəri
oxuyan hər kəsin qəlbinə və hafizəsinə bir İ.Qaspiralı portreti həkk
olacaq, hakim kəsiləcək və hər kəs İ.Qaspiralı arzularını gerçəkləş-
dirmək üçün böyük ideoloqun «əgər xidmət etmək istəyirsənsə,
bacardığın işlə başla» tövsiyəsinə riayət etməyə çalışacaq. Bu isə
«sözdə, fikirdə, işdə birliyə» aparan böyük yoldur.
Abid Tahirli
~
6
~
….1914-cü ildə 63 yaşında ikən vəfat edən İsmayıl
Qaspiralının ölümünü Rusiya müsəlmanları, onların qabaqcıl
ziyalıları Milli matəm kimi qeyd etdilər. Xalq xadimlərinin bu
böyük itki ilə əlaqədar qəzetlərdə dərc etdirdikləri yazıların
əksəriyyəti İ.Qaspiralının vəfatına işarə vuraraq «millətin çırağı
söndü» ifadəsini işlədirdi. Şübhəsiz ki, qaspiralısevərlər bu zaman
onun yalnız cismən aralarından getdiyini nəzərdə tuturdular. Amma
əslində İ.Qaspiralı çırağının işığı onun ölümündən sonra da
azalmamış, əksinə, əbədi məşələ çevrilərək, böyük və qüdrətli bir
millətin getməli olduğu yolu nura boyamışdır.
Xalqımızı Türk dünyasının böyük fikir və qələm adamlarıyla
daha yaxından tanış etmək vacib və şərəfli işdir. Bu baxımdan Abid
Tahirlinin uzun illərin zəhməti, axtarışları və tapıntıları zəminində
araya-ərsəyə gətirdiyi kitab İsmayıl Qaspiralı xatirəsinə dəyərli
töhfə olmaqla bərabər, Azərbaycan oxucularına ölümsüz mütəfək-
kirin həyatı və yaradıcılığını təqdim etməsilə də əhəmiyyətlidir.
Türk düşüncə tarixinə həsr olunmuş əsərlər sırasında bu kitabın da
layiqli yer tutacağına inanıram.
Bütün türklərin tərcümanı
~
7
~
ĠSMAYIL QASPĠRALI DÜNYASI,
ĠSMAYIL QASPĠRALI DÜHASI
Ġlk addımlar, ilk axtarıĢlar
XIX əsrin ikinci yarısı Rusiya müsəlmanlarının mənəvi-
milli-ideoloji lideri, maarifçi-publisist, naşir, redaktor İsmayıl bəy
Qaspiralı (1851-1914) öz qəzetinə «Tərcüman» adını verməklə
səpələnmiş, parçalanmış, hüquqları əlindən alınmış türkdilli
xalqları birləşdirmək, onların istəyini, iradəsini ifadə etmək kimi
tarixi missiyanı öz üzərinə götürmüş oldu və fəaliyyəti ilə türkdilli
xalqların gələcək taleyinin müəyyənləşməsinə, özünüdərkə və
özünütəsdiqə təkan verdi, onların həyat və təfəkkür tərzinin
dəyişməsində, tərəqqisində misilsiz rol oynadı. «Tərcüman»
türkdilli xalqların tərcümanı İsmayıl Qaspiralının tribunasına
çevrildi. Bu nəşrin tarixi xidməti həm də ondadır ki, türkdilli
xalqlar üçün həmişəyaşar və bütün dövrlər üçün keçərli, yararlı
ideya verdi: fikirdə, dildə, əməldə birlik! XX əsrin əvvəllərində
formalaşmış türkçülük ideologiyasının təməlində də məhz bu
ideya durur…
Məşhur Qaspiralılar nəslinin türk dünyasına bəxş etdiyi
İsmayıl düz 160 il bundan əvvəl mart ayının 8-də Krımın Avçı
kəndində dünyaya göz açmışdır. Atası – keçmiş çar ordusunun
zabiti Mustafa bəy və nüfuzlu mirzə ailəsindən olan anası Fatimə
Sultan İsmayılın təlim-tərbiyəsinə ciddi yanaşır, onun təhsilinə
qayğı göstərirdilər. Bir müddət müsəlman məktəbinə gedən İsmayılı
Abid Tahirli
~
8
~
atası – Mustafa Qasprinski xeyli çətinlikdən sonra Ağməsciddəki
(Simferopol) gimnaziyaya düzəltməyə nail olur və 2 il orada təhsil
alır. Gimnaziya mühiti İsmayılın atası Mustafa kişini qane etmir.
Odur ki, o, oğlunu Voronejdəki hərbi məktəbə qoyur. İsmayıl
burada bilir ki, ünvana düz gəlməmişdir. Tezliklə İkinci Moskva
Hərbi Gimnaziyasına düzəlir. Gənc İsmayıl Moskvadakı üç illik
(1864-1867) gimnaziya həyatı dövründə dərk edir ki, seçdiyi yol
onun istəklərinə, arzularına uyğun deyil: təhsilini yarımçıq qoyur,
gimnaziyanı tərk edir. Hərbi gimnaziyadakı tədris yox, oradakı
mövcud əxlaqi, mənəvi mühit və İsmayılın dindaşlarına, dildaş-
larına alçaldıcı münasibət onu növbəti dəfə qərarını dəyişməyə
məcbur etmişdi. Gimnaziyada qeyri-ruslara, xüsusi ilə türk-tatarlara
təhqiramiz, şovinist münasibət İsmayılı daha dərindən düşünməyə
vadar edirdi. Əslində, elə bu vaxtdan onun gələcək fəaliyyətinin
konturları cızılırdı. Krit adasındakı yunanların Osmanlı dövlətinə
qarşı üsyan xəbəri İsmayıldakı milli təəssübkeşlik hissini o dərəcədə
alovlandırmışdı ki, o, üsyanın yatırılması üçün türklərə kömək
etmək məqsədi ilə cəbhəyə getməyə cəhd göstərir, lakin sərhədi
keçməyə nail olmur. Doğma Krıma qayıdır, Yalta və Baxçasarayda
1870-ci ildən ibtidai sinif müəllimi kimi fəaliyyətə başlayır. O,
şagirdlərinə rus dilini öyrədir, özü isə rus ədəbiyyatını böyük
ehtirasla mütaliə edirdi.
İ.Qaspiralı dövrü üçün çox xarakterik olan xalqçılıq,
maarifçilik hərəkatının, digər müxtəlif ideya və cərəyanların intişar
tapdığı, inkişaf etdiyi bir mühitdə formalaşırdı. O, bir tərəfdən
M.N.Katkovun (İ.Qaspiralının müəllimi, «Moskovskiye vedo-
mosti», «Russkiy vestik» qəzetlərinin redaktoru) millətçi görüşləri
ilə tanış olur, digər tərəfdən M.N.Katkovun vasitəsi ilə tanıdığı tatar
əsilli yazıçı İ.S.Turgenevin, eləcə də rus ictimai-ədəbi-mədəni
Dostları ilə paylaş: |