Bütün türklərin tərcümanı
~
27
~
Molla Pənah Vaqif, Seyid Əzim Şirvaninin əsərlərini həm dil, həm
məzmun baxımından çox təqdir etdiyini, «Tərcüman»da onlar
barədə məmnuniyyətlə məqalələr verdiyini göstərir və S.Ə.Şirvani
ilə bağlı İ.Qaspiralının fikirlərindən sitatlar gətirir. Müəllif
məqaləsində
göstərir ki, İ.Qaspiralı Bakı milyonçularının
xeyriyyəçilik fəaliyyətini yüksək qiymətləndirir, Naxçıvanda,
Şəkidə yeni üsullu məktəblərin açılmasından çox sevinirdi və bütün
bunlarla bağlı öz qəzetində fikirlərini bölüşürdü.
Qaspiralısevərlər onun şəninə, əziz xatirəsinə şeirlər həsr
etmiş, onu «ulu türk», «milləti dirildən atəş» (Məmməd Əmin
Yurdaqul. «İsmayıl Qaspiralıya»), «parlaq, böyük adam» (Cəlal
Sahir. «İ.Qaspiralının ruhuna») adlandırmış, vəsf etmişlər.
M.B.Məmmədzadənin «Azərbaycanın ilk istiqlal şairi» kimi
dəyərləndirdiyi Məhəmməd Hadi «Böyük İsmayıl bəyə» adlı
şeirində yazır:
«Verdin həyat bizlərə, öldün özün sənin,
Millət göz açdı, gərçi yumuldu gözün sənin».
Şəkidən Hüseyn Tahirzadə «Tərcüman»ın 25 illiyi
münasibəti ilə «İrşad»a göndərdiyi şeirində (15 may 1908, № 66)
qəzetin fəaliyyətini nəzmə çəkir və sonda diləyini dilə gətirir:
Eyləriz bu igidi-milli ilə hər an iftixar,
Olmasın Ya-rəbb, zəvali-ehtişam
(təntənənin məhv olması – T.A.).
İ.Qaspiralının vəfatı Krımda olduğu qədər Volqaboyunda,
Qafqazda, Tatarıstanda, Orta Asiyada, Türkiyədə milli matəm kimi
Abid Tahirli
~
28
~
qarşılanmışdı. Şimal türklərinin (Kazan) ən nüfuzlu qəzeti
«Vakit»də (12 sentyabr 1914) Fatih Kərimov İ.Qaspiralını böyük
türk dünyasının ən parlaq ulduzu adlandırır və bu ulduzun
sönməsini bütün türklərin hiss edəcəyini, onların qəlblərini
titrədəcəyini kədərlə qələmə alır və belə davam edir: «İsmayıl bəyin
həyatı Rusiya müsəlmanları üçün özbaşına müstəqil bir dövr,
özbaşına müstəqil bir tarixdir. Bu dövrdə Rusiya müsəlmanları
yenidən dünyaya gəldilər. Bu dövrdə dilli və ədəbiyyatlı oldular.
Milli mətbuata, təməddün (mədəniləşmə – T.A.) və insaniyyət
fikrinə də girmələri bu dövrdədir. Başqa millətlər kimi oxuyub
yazmağı, fikir yürüdüb düşünə bilməyi də bu dövrdə öyrəndilər.
Üsuli-cədid, xeyriyyə cəmiyyəti, qadın-qızların təhsili, tərbiyə,
hüquq məsələləri… də hamısı bu dövrdə meydana çıxmışdır.
Xülasə, Rusiya müsəlmanları arasında yeni üsullu məktəb və
mədəniyyət yayılmasının əvvəli İ.Qaspiralı ilə başlayır və onlar
arasında millət və camaat xidmətində olan nə qədər xadimlər varsa,
onların hər biri İsmayıl bəyi bir cəhətdən özlərinin ustadı, onun
şagirdi olmaqla iftixar etməkdədirlər».
F.Kərimov
İ.Qaspiralının yalnız cismən aramızdan
ayrıldığını, ruhu, fikri və məqsədlərinin əbədiyyən qalacağını,
getdikcə daha çox anlaşılacağını və inkişaf edib hər tərəfə
yayılacağını, milli həyatımızın ölməz nişanı kimi ruhumuzu
yaşadacağını, ağır günlərdə bizə təsəlli verəcəyini, məyus
qəlblərimizə ümid gətirəcəyini qeyd edir.
Müəllif İ.Qaspiralını özündən sonra milyonlarla Rusiya
müsəlmanlarının yetişdirib ölən bir ustada, bəxtiyar ataya bənzədir
və yazır ki, bu bəxtiyarlığın fövqündə duran bəxtiyarlıq təsəvvür
etmək ağıla sığmır. «Şiddətli bir okean cərəyanını başqa bir tərəfə
axıtmaq nə qədər müşkül bir iş isə, qəflət dəryasına batmış bir
Bütün türklərin tərcümanı
~
29
~
millətin fikrini ikinci bir tərəfə çevirib işlətmək daha müşkül bir
işdir. İsmayıl bəy mərhum belə bir işi işlədi» - yazan F.Kərimov
İ.Qaspiralının tarixi xidmətlərini yüksək qiymətləndirir.
S.İbrahimovun «İqbal» qəzetində dərc olunmuş «Böyük və
tarixi milli matəm» (1 fevral 1914-cü il, № 200) adlı məqaləsi
İ.Qasprinski şəxsiyyətinin və irsinin yaşadığı dövrdə, mühitdə təsir
gücünün dəyərləndirilməsi baxımından diqqətçəkəndir. Müəllif
«İsmayıl bəy kimdir?» - sualına cavabı artıq ona pərəstiş edən
milyonlarca insanın qəlbi və vicdanının verdiyini bildirir.
S.İbrahimov yazır: «İsmayıl bəy hər şeydir, hər kəsdir, hamımızdır,
bütün millətdir. Bugünkü dilimiz, yazımız, qəlbimiz, yazanlarımız,
oxuyanlarımız,
mətbuat
və
ədəbiyyatımız,
məktəb
və
mədrəsələrimiz, şagird və tələbələrimiz, sözün qısası, İsmayıl bəyin
vicdan və dühasının əməyinin bəhrəsidir». İsmayıl bəy türk irqinə
mənsub olduğu üçün təbii olaraq türk millətpərvərliyini irəli
sürmüş, türklərə «bir dil, bir fikir və bir iş» gərəkliyi qayəsini
anlatmış və özü də bu məramın müdafiəsində qaya kimi səbat və
mətanətlə duraraq bəyan etmişdir: milli vicdan, dünyəvi iman
budur!
Müəllif əmindir ki, millətin şəxsiyyəti və milli siması inkişaf
etdikcə,
nəinki
Rusiya
müsəlmanlarının,
bəlkə
ümumi
müsəlmanların ən böyük dünyası, ən böyük kainatı İ.Qasprinski
əzəməti və ülviyyəti də eynən yüksələrək təcəlli edəcəkdir (təzahür,
zühur edəcəkdir – parlayacaqdır – T.A.).
Rusiyadakı türkdilli xalqların «Yıldız», «El», «Ağ yol»,
«Şura», «Koyaş», «Kazak», eləcə də «Türk yurdu» (İstanbul) və s.
kimi qəzet, jurnallar matəm günlərində İ.Qaspiralının xatirəsinə çox
sayda məqalələr dərc etmiş, bu fövqəladə zəka, iradə, cəsarət,
hünər, mədəniyyət sahibinin vəfatını bütün müsəlmanlara böyük,
Dostları ilə paylaş: |