Ümumi görüntü çertyoju səviyyəsi 21,80 5109 0202/64G 005
Ümumi çertyoj uzaqlıq bölməsi AA 5109 0202/64G 006
Ümumi çertyoj uzaqlıq bölməsi BB 5109 0202/64G 007
Ayrılmış torpaq sahəsinin cizgisi M 1:5000
1. GİRİŞ
Kommunal sahədə islahatların həyata keçirilməsi zərurəti hələ Azərbaycan
Respublikasının dövlət başçısının 2003-cü il noyabrın 24-də «Azərbaycan Respublikasında
sosial-iqtisadi inkişafın sürətləndirilməsi tədbirləri haqqında» fərmanında vurğulanmışdır
və həmin dövrdən başlayaraq ölkədə beynəlxalq maliyyə təşkilatlarının və tanınmış xarici
şirkətlərin iştirakı ilə müvafiq araşdırma və monitorinqlər aparılmışdır. Monitorinqlər
paytaxt Bakı ərazisində məişət tullantıları ilə bağlı vəziyyətin, xüsusilə, tullantıların
zərərsizləşdirilməsi sahəsində qeyri-qənaətbəxş olmasını və bu sahədə təxirəsalınmaz
islahatların aparılmasının zəruriliyini bir daha təsdiqləmişdir. Dünya Bankının ekspertləri
tərəfindən müstəqil qaydada keçirilən qiymətləndirmə zamanı ekoloji vəziyyətin
qənaətbəxş olmamasını nəzərə alaraq, «Bərk məişət tullantılarının kompleks idarəçiliyi»
haqqında layihə hazırlanmış və Azərbaycan hökumətinə təqdim edilmişdir.
Beynəlxalq təcrübəyə əsasən, məişət tullantılarının idarə olunması sisteminin vacib
komponentləri olan - tullantıların yığılması, çeşidlənməsi, daşınması, yerləşdirilməsi,
istifadəsi, utilləşdirilməsi, zərərsizləşdirilməsi, emalı və basdırılması ilə bağlı əməliyyatlar
düzgün və sistemli həyata keçirilərsə, bu sistemin səmərəli fəaliyyətini təmin etmək
sahəsində aparılan islahatlar özünü doğruldar və gözlənilən səmərəni verə bilər. Bu
baxımdan,
ölkə
paytaxtında
məişət
tullantılarının
yığılması,
daşınması
və
zərərsizləşdirilməsi sisteminin müasir standartlara cavab verən tərzdə qurulması və idarə
edilməsi, bu prosesin mütəşəkkil qaydada həyata keçirilməsi, şəhərin ekoloji vəziyyətinin
yaxşılaşdırılması məqsədi ilə 2008-ci il avqust ayının 6-da Azərbaycan Respublikasının
Prezidenti cənab İ.Əliyev tərəfindən «Bakı şəhərində məişət tullantıları ilə bağlı
idarəetmənin təkmilləşdirilməsi haqqında» sərəncam imzalanmışdır.
Sərəncamda göstərilir ki, son dövrdə əhaliyə göstərilən kommunal xidmətlərin
yaxşılaşdırılması istiqamətində xeyli işlər görülür. Lakin «Kommunal xidmətlərin
yaxşılaşdırılması məqsədi ilə görülən işlərə və əldə olunan nailiyyətlərə baxmayaraq,
məişət tullantılarının yığılması, daşınması, yerləşdirilməsi və zərərsizləşdirilməsi sahəsində
ciddi çatışmazlıqlar hələ də mövcuddur. Məişət tullantılarının daşınmasında vahid sistemin
mövcud olmaması, yığılan zibilin emal edilmədən və zərərsizləşdirilmədən istifadə
imkanları bitmiş tullantı poliqonlarında toplanması, bir çox yerlərdə icazəsiz zibilliklərin
əmələ gəlməsi və ətraf mühitin çirklənməsi ciddi narahatlıq doğurur».
Nəticədə isə Bakı şəhərində və onun ətrafında məişət tullantıları ilə bağlı vəziyyət
acınacaqlı olaraq qalır.
Respublika Prezidentinin sərəncamına uyğun olaraq, Bakı şəhərində məişət
tullantılarının iki mərkəzdən idarə olunması sistemi müəyyən edilmişdir. Bununla
əlaqədar, yaranma mənbəyindən asılı olmayaraq, bütün bərk məişət tullantılarının
toplanması və daşınması Bakı şəhər İcra Hakimiyyətinə tapşırılmışdır. Bu məqsədlə,
müstəqil mənzil fondu olan dövlət idarə, müəssisə və təşkilatlarının (Azərbaycan
Respublikası Dövlət Neft Şirkəti, Xəzər Dəniz Gəmiçiliyi, Müdafiə Nazirliyi və s.) bərk
məişət tullantılarının yığılması və daşınması ilə bağlı funksiyaları və bu funksiyaların
yerinə yetirilməsi üçün balanslarında olan zibil toplama məntəqələri, maşın-mexanizmləri
və avadanlıqları Bakı şəhər İcra Hakimiyyətinə təhvil verilməlidirlər. Beləliklə, Bakı
şəhərinin istənilən nöqtəsindən tullantıların toplanıb daşınmasına görə Bakı şəhər İcra
Hakimiyyəti cavabdeh olacaqdır.
Sərəncama əsasən Bakı şəhər İcra Hakimiyyəti tərəfindən paytaxt ərazisində əmələ
gəlmiş bütün bərk məişət tullantıları toplanaraq, yeni yaradılan «Təmiz şəhər» ASC-yə
təhvil verilməlidir. Bu müəssisə isə tullantıların yerləşdirilməsini və zərərsizləşdirilməsini
həyata keçirərək, onların tamamilə utilləşdirilməsini təmin etməlidir. Bu məqsədlə,
Mənzil-Kommunal təsərrüfatı Departamentinin balansında və xidmət dairəsində olan
Balaxanı məişət tullantılarının zərərsizləşdirilməsi poliqonu, Suraxanı və Qaradağ
rayonlarının ərazisində yerləşən bərk məişət tullantılarının yerləşdirilməsi və
zərərsizləşdirilməsi sahələri əmlakları ilə birgə «Təmiz şəhər» ASC-yə verilməlidir.
«Təmiz şəhər» ASC bərk tullantıların yerləşdirilməsindən başqa, əsas fəaliyyətini
beynəlxalq təcrübədə özünü doğrultmuş müasir emal sahələrinin ölkəmizdə inkişaf
etdirilməsinə Dünya Bankı layihəsi ilə sıx əməkdaşlıq çərçivəsində yönəldəcək.
«Təmiz şəhər» ASC dövlət müəssisəsi olmaqla, öz təsərrüfat fəaliyyətini müstəqil
quracaq, onun ümumi idarəetmə və fəaliyyətinə nəzarət səlahiyyətləri isə İqtisadi İnkişaf
Nazirliyinin formalaşdırdığı Müşahidə Şurası tərəfindən həyata keçiriləcəkdir.
Məlumatlara görə, Bakıda orta hesabla, adambaşına ildə 350 kq tullantı düşür.
Zibil konteynerləri və ixtisaslaşdırılmış avtonəqliyyat vasitələrinin çatışmazlığı bəzi
ərazilərdə məişət tullantılarının toplanmasında ciddi problemlər yaradır. Rəsmi
məlumatlara əsasən, şəhərdə 2540 zibil toplama məntəqəsi, Sabunçu, Suraxanı və Qaradağ
rayonlarının ərazisində 3 tullantı poliqonu fəaliyyət göstərir. Bunlardan ən böyüyü 1963-
cü ildən fəaliyyət göstərən Balaxanı məişət tullantılarının zərərsizləşdirilməsi poliqonudur.
Dostları ilə paylaş: |