Beləliklə, bərk məişət tullantılarının yaxşı yanmasını təmin etmək (bunun isə həm
kül, həm də qazşəkilli tullantıların əmələ gəlməsinə böyük təsiri var) və ayrılan
tullantıların idarə olunması üçün layihənin texnoloji quruluşunda aşağıdakılar təmin
olunmuşdur:
Yanma həcminin genişlənməsinə nail olmaq;
Tullantıların yaxşı qarışdırılmasına nail olmaq;
Optimal temperatur, təzyiq və hava rejiminin idarə olunması və avtomat
nəzarət sisteminin təşkili;
Kül boşaltma sistemi və külün çıxarılması sistemi;
Mərhələli qaztəmizləmə qurğusunun tətbiqi.
2.5.2. Xammal və köməkçi materiallar
Zavodda elektrik enerjisi istehsalı məqsədi ilə istifadə olunacaq əsas xammal
qarışıq halda olan bərk məişət tullantılarıdır.
ERF-də yaranan tüstü qazlarının emalı və qazan suyuynun hazırlanması
(minerallardan təmizlənməsi) üçün köməkçi materiallar, müəssisənin nəqliyyat
vasitələrinin təmin olunması məqsədi ilə yanacaqdan və axıntı sularının təmizlənməsi üçün
kimyəvi maddələrdən istifadə ediləcəkdir. Bu maddələr aşağıdakılardan ibarətdir:
Əhəng qələvisi (tüstü qazlarının turşu neytrallaşdırması üçün);
Karbamid (tüstü qazlarının emalı zamanı NO
x
nəzarəti üçün);
Aktivləşdirilmiş kömür (tüstü qazlarının emalı zamanı dioksin və ağır metallara
nəzarət üçün);
Suyun təmizlənməsi üçün kimyəvi reagentlər;
Yanacaq və s.
Beləliklə, xammalın asan və vəsait xərcləmədən əldə oluna bilməsi, xammal
defisiti riskinin olmaması, həmçinin, elektrik enerjisi istehsalı üçün təbii sərvətlərdən
istifadə olunmaması ilə onlara qənaət və xammaldan istifadənin nəticəsi olaraq Bakı
şəhərinin bərk məişət tullantılarından təmizlənməsi layihənin ekoloji, iqtisadi və sosial
əhəmiyyətlərindəndir.
2.6. Alternativ variantlar və seçilmiş texnologiyanın əsaslandırılması
2.6.1. Giriş
Bərk məişət tullantılarının sənaye emalı problemi bütün ölkələrdə olduqca
aktualdır. Tullantıların zərərsizləşdirilməsində və ya kənarlaşdırılması sahəsində ən geniş
yayılmış üsul – onları zibilxanaya daşıyıb anbarlaşdırmaqdır. Bu ən «ucuz» başa gələn
üsuldur. Lakin eyni zamanda ekoloci cəhətdən ən təhlükəli və iqtisadi cəhətdən ən
səmərəsiz bir üsuldur. Dünya miqyasında götürdükdə, bərk məişət tullantılarının çox
hissəsi zibilliklərdə və poliqonlarda anbarlaşdırılır ki, bu zibilliklərin bir çoxu ekoloci
tələblərə cavab verməyən haldadır.
Azərbaycanda da hazırkı vaxta qədər təəssüf ki, bu üsuldan istifadə olunmaqdadır.
Bakı şəhərində mövcud olan zibilxanaların heç biri ətraf mühitin çirklənməsinin qarşısını
alan mühəndis qurğularla təchiz olunmamışdır.
Tullantıların kortəbii və nəzarətsiz halda yerləşdirildiyi zibilxanalar ekoloci real
təhlükə mənbələridir. Burada zibillərin çürüməsi nəticəsində ayrılan müxtəlif tərkibli
toksiki maddələr yayılaraq, torpaqların, qrunt sularının, atmosfer havasının çirklənməsinə,
pis qoxuların və üfunətin yayılmasına səbəb olur; çürümə mühitində müxtəlif
xəstəliktörədən mikroorqanizmlərin inkişaf edib çoxalmasına, infeksiyaların yayılmasına,
ziyanverici gəmiricilərin artıb yayılmasına, epdemiya təhlükəsinə və s. əlverişli şərait
yaranır. Ekzogen proseslər zamanı ayrılan istilik nəticəsində öz-özünə alışmalarla baş
verən yanğın riski qaçılmaz amilə çevrilir.
Burada son zamanlar haqqında çox danışılan və nədənsə, yalnız yanma prosesinə
şamil olunan dioksinlərin xatırlanması yerinə düşür. Beləki, 1991-ci ildə Rusiyanın Ufa
rayonu ərazisində Ufa çayının sularının çirklənməsi nəticəsində, dioksinlərin yolverilən
səviyyəni 50 min dəfədən çox ötməsi faktı qeyd olunmuşdur. Səbəb isə şəhər məişət və
sənaye zibilxanasından yaranmış filtratın axıb çay sularına qarışması olmuşdur. Nəticədə
Ufa və Stertamak əhalisinin bir çoxunun qanında, piy toxumalarında və ana südündə
dioksinlərin miqdarının yolverilən səviyyəyə nisbətən 4-10 dəfə çoxaldığı müəyyən
edilmişdir.
Dioksinlərin havada yayılması zibilin alışması və yanğınlar zamanı daha çox baş
verir. Bu mənzərə isə bakılılara yaxşı tanışdır. Hər gün Balaxanı zibilxanasından havaya
yayılan idarə olunmayan qara tüstü dumanın necə bir ekoloji bəla olması mütəxəssislərə
yaxşı məlumdur.
Bərk məişət tullantılarının anbarlaşdırıldığı zibilxanalar çox böyük sahələrin
təbiət və kənd təsərrüfatı dövriyyəsindən götürülməsinə səbəb olur. Eyni zamanda
tərkibindəki təkrar emala yararlı olan tullantı komponentlərinin itkisinə də səbəb olur. Bərk
məişət tullantılarının zibilliklərə daşınmasına sərf olunan nəqliyyat xərcləri də böyük olur.
Beləliklə, zibilxanalar ən azı aşağıdakı çatışmamazlıqlara malikdir:
Böyük torpaq sahələrinin tələb olunması
Bərk məişət tullantılarının daşınmasına çəkilən xərcin çoxluğu
Qiymətli komponentlərin itməsi
Ekoloji təhlükə – mühitin bütün sferalarını əhatə edən çirklənmələr
İnfeksion və patogen təhlükə riski
Epidemiya yayılması riski
Antisanitariya və qeyri estetik landşaft şəraiti
Yanğın riski
İqtisadi səmərəsizlik.
2.6.2. Bərk məişət tullantılarının idarə olunması üsulları
Dünya praktikasında bərk məişət tullantılarının idarə olunmasında aşağıdakı
üsullar nisbətən geniş yayılmışdır:
Poliqonlar
Kompostlama
İlkin sortlama, tullantıların qiymətli komponentlərinin utilləşdirilməsi və
ya reutilləşdirilməsi
Piroliz
Məişət tullantılarının zibilyandırma zavodlarında yandırılması və s.
2.6.2.1. Bərk məişət tullantılarının poliqonları
Bərk məişət tullantılarının poliqonlarda basdırılması bütün dünyada nisbətən daha
geniş yayılan təcrübədir. Poliqonlar - tullantıların zərərsizləşdirilməsi və basdırılması üçün
xüsusiləşdirilmiş müəssisələrdir. Adətən, poliqonlar bazisi gillər və ağır gillicələrdən ibarət
olan yerlərdə qurulur. Bu mümkün olmadıqda, su keçirməyən özül qurulur, bu isə xeyli
əlavə xərclərə səbəb olur. Torpaq sahəsinin ayrılması poliqonun 15-20 il istismarı şərti ilə
seçilir və tullantıların həcmindən asılı olaraq, 40-200 ha təşkil edə bilər. Anbarlaşdırılan
tullantıların hündürlüyü adətən, 12-60 m təşkil edir və burada 3 və 4-cü təhlükəlilik
siniflərinə aid müxtəlif sənaye mənşəli məişət və inşaat zibilləri də toplanır. Zibillər lay-lay
toplanaraq üzəri qruntlanır, nəticədə atmosferə aqressiyalar azaldır. Bu cür qurulmuş
poliqonlara, bir növ «zibil qəbiristanlıqları» da demək olar.
Poliqonların fəaliyyətinin əsasında bərk üzvi məişət tullantılarının aerob və anaerob
şəraitdə mikroorqanizmlərin təsiri ilə parçalanması durur. Aerob parçalanma üst qatda
başlanğıc mərhələdə baş qaldırır. Aşağı qatlarda isə tullantılar anaerob şəraitdə parçalanır.
Poliqonlarda tullantıların üzvi hissələrinin parçalanması çox zəif gedir (20-25 ilə 2-3 m-lik
qatda və 50-100 ilə daha dərin qatlarda). Poliqonların tikintisi və onun müasir ekoloji
tələblər səviyyəsində saxlanması üçün çoxlu miqdarda vəsaitlər tələb olunur. Bağlanmış
Dostları ilə paylaş: |