Xəqani ABASOV
348
:“Get odun kəs, sat. Səni 15 gün buralarda görməyim” buyurdu. O şəxs
deyiləni etdi və 15 dirhəm qazandı. Qazandığı pulun bir hissəsinə ərzaq, bir
hissəsinə də paltar aldı. Bunu görən Həzrəti Peyğəmbər (s) : “Bax, bu sənin
üçün qiymət günündə üzü ləkəli gəlməyindən daha xeyirlidir” buyurdu.
21
1)
Hekayə ilə öyrətmə metodu
Məlumdur ki, Qurani Kərimdə öyüd və nəsihətlə dolu, tərbiyələndirici
hekayələr çoxluq təşkil edir. Cənabi Allah belə ibrətamiz hekayələrlə
insanları düşünməyə, doğru yola gəlməyə təşviq edir. İslam Peyğəmbəri (s)
də müsəlmanlara bəzi məsələləri izah etməkdən ötrü Qurani Kərimin prin-
sipləri əsasında bəzi hekayələr danışmış, ibrətamiz misallar çəkmişdir. Bu-
nun özü də öyrətmək üçün tətbiq edilən metodlardan biri idi. Onu da qeyd
etmək lazımdır ki, sadə və avam kütləyə bəzi mətləbləri aydın başa salmaq
üçün bu metod olduqca səmərəli idi. Məhz hekayələr, misallar sayəsində ca-
van, yaşlı, kişi, qadın, hər təbəqədən olan insanlar tərəfindən dini ehkamlar
daha asan mənimsənilirdi. Hekayələrdəki bəzi sözlər və ifadələr hekayənin
məqsədinin daha asan başa düşülməsi üçün bəzən dəfələrlə təkrar edilirdi.
Müsəlmanlara ibrət olsun və keçmişdə ata-babalarının düşdükləri səhv
yola sapmasınlar deyə Həzrəti Peyğəmbər demək olar ki, mütəmadi olaraq
keçmişlə, tarixlə bağlı hekayələr danışardı.
2)
Duyğulara təsiretmə metodu
Həzrəti Peyğəmbər (s) mükəmməl insan, gözəl müəllim olmaqla yanaşı,
həm də insanların duyğularına hakim ola bilən əla psixoloq idi. O, ilahi
duyğuların tərbiyəsində, şübhəsiz ki, insanların ən güclüsü idi. Məhz bu
bacarığından məharətlə istifadə edən Rəsulallah (s) bir çox hallarda kiçik
anlaşılmazlıq üzündən müsəlmanlar arasında çıxa biləcək fitnə-fəsadın
qabağını ala bilmişdi.
Hədis kitablarında bu mövzu ilə bağlı zikr edilən hadisələrdən birini
misal gətirmək olar. Məlum olduğu kimi Həzrəti Peyğəmbərin (s) Məkkə-
dəki çətin günlərində ona qucaq açan, onu bir peyğəmbər və rəhbər kimi
qəbul edərək şəhərlərinə dəvət edən mədinəlilərə Rəsulallah (s) həmişə
hörmətlə yanaşmış, onlara ənsarlar adını vermişdi. Peyğəmbər (s) onları
21
əl-Münzir, a.k.ə. I, 591
Məhəmməd Peyğəmbərin (s) təhsil metodları
349
Allahı sevmək, dini qorumaq kimi xüsuslarda tərbiyələndirdi, onlara təkrar
küfrə və cəhalətə dönməyin pisliyindən bəhs etdi, bir sözlə onlara İslamı
öyrətdi. Yəni, Peyğəmbər (s) Ənsar münasibətləri qarşılıqlı hörmət və sevgi
üzərində qurulmuşdu. Lakin bir dəfə bu sevgi bağları az qala təhlükə altına
düşəcəkdi. Belə ki, Məkkənin fəthindən az sonra, 630-cu ildə Həvazin və
Qatafin qəbilələri ilə aparılan Huneyn döyüşündə qalib gələn İslam
ordusunda əldə olunan qənimətlərin bölgüsündə anlaşılmazlıq yarandı.
Ənsardan olan döyüşçülər onlara digər müsəlmanlardan az qənimət payı
bölünməsindən narazılıq edirdilər. Ordu arasına dedi-qodu düşdüyünü eşidən
Məhəmməd Peyğəmbər (s) Sad bin Ubadəyə ənsardan olan döyüşçüləri bir
yerə toplamasını əmr etdi. Toplanan döyüşçülərə Onun belə xitab etdiyi
rəvayət edilir: “Ey ənsar topluluğu, mənə çatan bu dedi-qodu nədir?
Nəfslərinizdə mənə duyduğunuz hirsin səbəbi nədir? Halbuki, siz
yolunuzdan sapmışlardandınız. Allah sizə hidayət etmədimi?” Onlar hamısı
bir yerdə: “Bəli, Allah və Rəsulu daha etibarlı və daha üstündür”, dedilər.
Peyğəmbərin (s) bu qısa, lakin təsirli çıxışından sonra təsirlənən və ağlayan
döyüşçülər sonra dedilər: “Bizə Allah və Rəsulu yetər”.
22
Misaldan da göründüyü kimi, duyğulara təsiretmə ilə öyrətmək üsulu
Rəsulallahın (s) məharətlə istifadə etdiyi növbəti mühüm metodlardandır. Bu
misalı təhlil edərək belə qənaətə gəlmək olur ki, lazım gəldiyi anda və ya
bəzi kritik vəziyyətlərdə ilahi duyğulara toxunaraq, beləcə həmsöhbətləri
həyəcanlandırdıqdan sonra məlumatı vermək daha məqsədəuyğundur.
Ənsarlar üçün Allah və Rəsulu mal və mülkdən daha üstün olduğundan
Peyğəmbərin (s) onlara bu xitabı effektli olmuşdu.
3)
Razı salaraq öyrətmək metodu
Təhsildə təmin edici cavab vermək, öyrənəni razı salan bir tutum
sərgiləmək də Məhəmməd Peyğəmbərin (s) tədrisdə istifadə etdiyi
metodlardandır. Bir mövzunu həmsöhbətə başa düşə biləcəyi şəkildə izah
edərək onu razı salmaq, xüsusilə mədəni səviyyəsi aşağı olan adamlara etdiyi
hərəkətin çirkin olduğunu anlada bilmək üçün bu metod çox səmərəlidir.
Qaynaqlarda buna dair misallar çoxdur. Onlardan birini qeyd etmək yerinə
düşərdi:
22
Müslüm, , a.k.ə. zəkat, 46
Xəqani ABASOV
350
Bir gün Qureyş tayfasından olan bir gənc Məhəmməd Peyğəmbərin (s)
hüzuruna gələrək: “Ey Allahın Rəsulu, şəhvətimə hakim ola bilmirəm. Mənə
zina etmək üçün izn ver”, dedi. Bunun eşidən məclis əhli hiddətlənərək ona
öz həddini bildirmək üçün onun üstünə yeridi. Lakin çox təmkinli olan
Həzrəti Peyğəmbər (s) gəncin onun yanına gətirilməsini buyurdu. Yanına
gələn gənclə Allah Rəsulu arasında belə bir dialoq yaşandı:
-
Ananın zina etməsini istərsənmi?
-
Xeyr, ya Rəsulallah.
-
Bəs, qızınla bir başqa şəxsin zina etməsinə razı olarsanmı?
-
Xeyr, olmaram ya Rəsulallah.
-
Eləsə, heç kim anasının, bacısının, qızının, digər yaxınlarının zina
etməsinə razı olmaz.
Söhbət əsnasında gəncin artıq öz səhvinin anladığını görən Məhəmməd
Peyğəmbər (s) əlini onun çiyninə qoyaraq: “Allahım, bu gəncin günahını
bağışla, qəlbini təmizlə və iffətini qoru”, deyə dua etdi.
23
Nəticə olaraq qeyd etməliyik ki, Peyğəmbərlik missiyası çərçivəsində
Cənab Allah tərəfindən insanları öyrətmək üçün də vəzifələndirilən Allah
Rəsulu (s) Ulu Tanrıdan aldığı bu müqəddəs tapşırığı ən yüksək səviyyədə
yerinə yetirmək üçün çalışmış, o dövrün imkanları daxilində əlindən gələni
əsirgəməmişdir. Məhz onun sayəsində yazıb-oxumağı bilməyən ərəb
toplumu öyrənməyə təşviq edildi, məscidlərdə məktəblər açıldı. Xüsusilə
Mədinədə inşa edilən Peyğəmbər Məscidində təşkil olunan Suffada elm
öyrənən səhabələrin sayı onlarla, bəzi qaynaqlara görə yüzlərlə idi. Həmin
Suffa məktəbində yetişən, İslamı hərtərəfli qavrayan səhabələr idi ki,
sonralar dinin təbliği üçün İslamın yeni yayıldığı bölgələrə göndərilir, yeni
müsəlman olan toplumlara cəhalətdən qurtulmağa kömək edirdilər. Bütün
bunlar Allah Rəsulunun (s) uzaqgörənliyinin, müdrikliyinin nəticəsində
mümkün olmuşdu. Onun təbliğ etdiyi İslam dini əbədi olduğu kimi, insanları
öyrətmək üçün istifadə etdiyi prinsip və metodlar da daim işlək və aktualdır.
23
Əhməd bin Hənbəl, Müsnəd, V, 256-257
Dostları ilə paylaş: |