140
II fəsil
dini bayramlarda, çayxanalarda, sini-zərf oyununda,
yaslarda, uşağa layla çalarkən, sənət işlərini yerinə
yetirərkən xoyrat və mani oxunur. Burada görkəmli xoyrat
ustaları yetişirlər. Xoyrat çağıranlar tez-tez xoyrat
mərəkələrində qarşılaşırlar. Belə qarşılaşma
«qənşərbəqənşər çağırma» və ya «qənşərin vermək»
adlanır (212, 197). Bu cür məclislərə çox vaxt çalğılı və
içkili xoyrat məclisləri deyirlər. Məclislər saatlarla, bəzən
də axşamdan səhərə kimi davam edir. «Qənşərbəqənşər
çağırma» məclislərində çox vaxt bir neçə xoyrat çağıran
müğənni iştirak edir. Müğənnilərin belə məclislərdə iştirak
etməsi üçün bir neçə şərt vardır.
Birinci şərt odur ki,
müğənni deyişmə üçün şərt olan müxalif, kürdü, bəşiri,
muçala, yetimi, yolçu, nobatçı, dəllihəsəni və s. xoyrat
üsullarını bilsin. İkinci şərt odur kİ, külli miqdarda xoyrat
bilsin ki, rəqibin çağırdığı xoyrata müqabil xoyrat oxuya
bilsin və tez məğlub olmasın. Elə xoyratlar seçə bilsin ki,
təhqiranə olmasın. Hətta namərd, alçaq, düşgün və s. sözlər
işlənən xoyratları oxumamağa çalışmalıdır ki, rəqib ondan
da təhqiramiz xoyrat seçməsin. Doğradur,
hərdən dava
düşür, təhqiredici xoyratlar çağırılır və hətta qarşısındakını
tam susdurmaq üçün bədahətən xöyratlar da deyirlər.
Bununla belə, məclisin başlaması, gedişi və nəhayəti
adətən eyni olur. Məclisə toplaşanlar ondan mənəvi zövq
alırlar. Məclis təqribən belə başlayır. Müğənnilərdən kimsə
bu xoyratla özünə rəqib axtarır:
Kabab yandı, köz istər,
Sürma yandı, göz istər.
Göz gözə, gözüm gözə,
Usta durub söz istər.
Müğənnilərdən biri onun cavabını verir:
Kabab yandı., közün seç,
Sürmə yandı, gözün seç.
Kərkük folklorunun janrları 141
Göz gözə, gözüm gözə,
Ustan gəldi, özün seç,
Ara get-gedə qızişır. Xoyrat çağıranlar arasında
pərtləşmə - biri-birini bərkə-boşa salma dövrü yaxınlaşır.
Bu vaxt məclisdə iştirak edən başqa xoyrat çağıranlar
hamısı birdən nəşəli bir bəstə - mahnı oxumağa başlayırlar.
Xeyli beləcə davam edir, ayrı-ayrı müğənnilər
qəlbə yatan
bəstələr oxuyurlar. Sonra müğənnilərdən biri əlini
qulağının dibinə qoyub uca səslə:
Ağır - ağır:
Addım at ağır-ağır,
Bəstəydən gecə bitməz,
İgid ol xoyrat çağır —
oxuyur və yenidən məclisin ahəngi dəyişir. Xoyratlaşma
zamanı əməl olunması zəruri olan bir şərt də vardır. Məna
bir yana, gərək cinaslar da biri-birinə uyğun gəlsin,
məsələn:
Günahımı:
Bağışla günahımı.
Deyirlər gün tutulub,
Eşidib gün ahımı.
Günahımnan:
Xudam, keç günahımnan.
Cigərdən bir ah çəksəm
Tutular gün ahımnan.
Təəssüf ki, xoyrat və manilərin xalq arasında daha
geniş yayılmasına kömək edən bu adət yavaş-yavaş
unudulmağa və əvəzində səhnə və ya radiodan xoyrat
söyləmək adətinə keçilməkdədir.
Kəsik bayatılarla - xoyratlarla belə deyişmə məclislə-
rinin vaxtilə Azərbaycanda da geniş yayıldığından söz
142 II fəsil
açmaq olar. «Kəm misralı (kəm hecalı - Q.P.) bayatı ənə-
nəsi, bizcə təkcə bayatılarla deyişmə məclislərində uzun
müddət yaşamışdır ki, bundan
da məqsəd öz qafiyəsini -
mövzusunu rəqibinə xəbər vərməkdən, deyəcəyi bağlama
bayatıları hansı qafiyə, hansı cinas üzərində quracağı
barədə xəbərdarlıq etməkdən ibarət olmuşdur» (215, 201).
Xalq kütləsinin bədii zövqünü oxşayan, təşbih və
məcazlarla zəngin olan, nəsildən nəslə keçən, yaşayan, onu
yaradan xalqı əbədi yaşadan, xalq istedadının bu yığcam
və müdrik nümunələri elə sənət abidəsi, elə təfəkkür
məhsuludur ki, zaman keçdikcə dəyər-qiyməti daha da
artacaq, «həssas qulaq onlarda
qəlbimizə munis olan çox
şey duyacaq, həssas ürək bu nadir inciləri yaradan xalqın
dühasına dərin minnətdarlıq hissilə çırpınacaqdır» (129,
24).
Məlumdur ki, xalq poeziyasının məzmunu xalq
həyatının məzmunu ilə müəyyən olunur. Harada ki, xalq
poeziyasının məzmunu yoxsuldur, deməli orada xalq
həyatının özü də yoxsuldur. Və əksinə, xalq poeziyası
ürəyi yaşamaq eşqilə döyünən, nəcib hisslərlə yaşayan,
səmimiyyəti, alicənablığı, ləyaqəti ilə seçilən xalqlarda
daha güclü olur (332, 52). Ümumiyyətlə, hər bir xalqın
şifahi ədəbiyyatının
zənginliyi, onun ifadə etdiyi fəlsəfi
dərinlik, müdriklik, həmin xalqın mənəvi dühasını, yüksək
düşüncə qabiliyyətini, təfəkkür və təxəyyülünün inkişaf
səviyyəsini göstərən ən ümdə amillərdəndir (3, 44).
Iraq-türkman folklorunun çələngi hesab olunan mani
və xoyratlar öz zənginliyi ilə seçilir. Bu, təsadüfi deyildir.
Lirik növün ən geniş yayılan bu janrı üzərində xalq
yaradıcılığı can qoymuş, «bu əsərlərin üzərində əsrlər
boyunca müştərək olaraq bir el çalışmışdır» (116, 7).
Xoyrat və manilərin sənətkarlıq və üslub xüsusiyyət-
lərini, dilinin səlisliyini, dərin mənasını dərk etdikcə on-
ların əsl ilhamın, yüksək bədii
təfəkkürün məhsulu oldu-
ğunu duymaq asanlaşır... Buradakı zəriflik, incəlik onu ya-
Kərkük folklorunun janrları 143
radanların nə qədər incə və zərif zövqə, bəşəri hisslərə,
duyğulara malik olduğunu əyani şəkildə göstərir.
XALQ MAHNILARI VƏ ONLARIN
POETİK MƏTNLƏRİ
Əsrlərdən əsrlərə, nəsillərdən nəsillərə yadigar qalan,
əmanət olan, musiqi ilə xalq poeziyasının vəhdətindən
yaranan, lirik növün aparıcı janrlarından olan xalq havaları
İraq-türkman folklorunda xalqın mənəvi mədəniyyəti,
həyat tərzi, məişəti, keçmişi, bu günü və eləcə də xalq
dilinin qorunub saxlamnası, zənginləşməsi, gözəlləşməsi
yolunda əvəzsiz xəzinədir.
Təəssüf ki, İraq-türkman xalq havaları forma, şəkil,
mövzu,
məzmun və ideya cəhətdən, konkret xüsusiyyətləri
baxımından tədqiq olunınamış, xalq musiqi ənənələrinin
rolu və mövqeyi aydınlaşdırlmamışdır. Xalq musiqi
folklorunun - xalq havalarının ədəbi, etnoqrafık tarixi,
psixoloji təhlili, elmi analizi bir yana, toplanıb-yazılması
da arzu olunan səviyyədə deyildir.
Hələ XX əsrin əvvəlində Ü.Hacıbəyovun dediyi «El
mahnılarımıız bizim musiqi sərvətimiz və musiqi
mənbəyimizdir. Fəqət biz hələ bu sərvət və mənbədən
layiqincə istifadə edə bilməmişik» (230, 201) sözlərini bu
gün bütövlükdə İraq-türkman xalq mahnıları və musiqi
folkloruna da aid etmək olar. Yeri gəlmişkən qeyd edək ki,
aşıq havaları istisna olmaqla, Azərbaycanda xalq mahnıları
nədənsə musiqi folklorunun sahəsi hesab edilmiş,
folklorşünaslarımız
tərəfindən gərəyincə
tədqiq
olunmamışdır. Nəticədə folklorşünas P.Əfəndiyev ürək
ağrısı ilə yazmışdır: «Ancaq təəssüf ki, indiyə qədər xalq
mahnılarına nəinki dissertasiya, monoqrafiya, hətta
sanballı bir məqalə belə həsr edilməmiş, geniş tədqiq
olunmamışdır» (111,156).
Halbuki, həm musiqidə, həm də poeziyada ritmin ol-
ması onların güclü vəhdətinə gətirib çıxarmışdır ki, bu da