Bilimlendiriw ministrligi
Yüklə 0,58 Mb. Pdf görüntüsü
|
|
2-BAP. SCENARIYDI SHÓLKEMLESTIRIWDE SHEBERLIK USILLARI 2.1. Mádeniy ilajlardı nátiyjeli shólkemlestiriw «Mádeniy ilajlar» - eń dáslep milliy ideya tiykarında xalıqtı birlestiriw, bir-birine jaqınlastırıw, jas áwladtıń sanası hám qálbinde iygiliklilik ideyalarına sadıqlıq sezimlerin tárbiyalawǵa, sonday-aq adamlardı mánawiy qáwiplerden sergeklikke 15 shaqırıw, olardıń maǵanasın ańlap jetiwge qaratılǵan sistemalı formalar, usıllar, qurallar hám maqsetli ámeliy háreketlerdiń jıyındısı. Mánawiy – ruwxıy ilaj tálim- tárbiyanıń áhmiyetli jónelisi sıpatında belgili bir másele boyınsha bilim beriw menen birge ańlanǵan is háreketke baǵdarlanıwdan ibarat bolıp, mánawiy-ruwxıy ilajlardı shólkemlestiriwdiń eki tiykarǵı jónelisi bar. Birinshiden, insanıylıq pazıyletlerdi ulıǵlaw, joqarı mánawiyatlı adamlardıń ómiri hám iskerligin táriyiplew, olardı ibrat, úlgi etip kórsetiw arqalı boladı. Al ekinshiden bolsa – belgili bir illetlerdi qaralaw, olardan qutılıw jolların úgit-násiyatlaw arqalı ámelge asırıladı hám bunda erisilgen jeńislerdi qalıs bahalaw, jol qoyılǵan kemshiliklerdi qalıs kόz qarastan bahalanıwı áhmiyetke iye esaplanadı. Mánawiy – ruwxıy ilajlarda ullı ata-babalaımızdıń ómir jolı, qaldırǵan miyrasların bir tárepleme berilmesten, durıs hám haqıyqıy tárizde sáwlelendiriw, tek ótmishtegi tulǵalar menen ǵana sheklenip qalmastan, búgingi kúnde átirapımızda iskerlik kórsetip atırǵan aldınǵı zamanlaslarımızdı órnek sıpatında kórsete biliw áhmiyetke iye. Ótmish hám keshegi kún menen jasap qalmastan, búgingi kúndegi quramalı reallıqqa súyenip, jámiyechiliktiń pikirin qáliplestiriwdiń eń zamanagóy, tásirsheń usılları hám qurallarınan paydalanǵan jaǵdayda jumısalardı alıp barıw turmıstıń qatań talabı esaplanadı. Mánawiy – ruwxıy ilajlarda búgingi quramalı dástúrli, proceslerdi ilimiy – ámeliy tárepten hár tárepleme talqılaw hám bahalaw, ıdıratıwshı ideyalardiń kimge hám nege qarsı qaratılǵanlıǵın anıqlaw, mánawiy – qáwiplerdiń mańisın ashıp beriw ayırıqsha áhmiyetke iye. Áne sonda ǵana mánawiy – ruwxıy ilajlar mazmun – maǵanası menen adamlar qálbine hám sanasına jetip baradı. Joqarıda aytıp ótkenimizdey, mánawiy- ruwxıy, muzıkalı, ádebiy- kórkem t.b.lardı ulıwma mádeniy – ilajlar dep aycaq durıs boladı. Mádeniy ilajlardıń túrleri boyınsha sóz barǵanda, belgili scenariy tiykarında ótkeriletuǵın barlıq ilajlardıń mazmunın – mádeniy ilajlar dep ataw múmkin. Túrli janrlarda shólkemlestiriletuǵın koncertler, sáwbetler, ushırasıwlar, tematikalıq kesheler, viktorina, yaǵnıy tańlawlar, debat, kórkem-sport tamashaları, bayramlar hám basqalar mádeniy ilaj túri esaplanadı. Mádeniy ilajlardı shólkemlestiriw – olardıń túrlerine qaray baǵdarlansa maqsetke muwapıq boladı. |