11
eken, degen pikir kelip shıqpawı tiyis. Muzıka óneri – bul óz aldına kórkem óner túri
bolıp, kórkem ónerdiń basqa túrlerine sińip ketken. Ayaq oyın, teatr hám basqa
kórkem óner túrlerin muzıkasız kóz aldımızǵa keltiriw múmkinbe? Álbette múmkin
emes.
«Muzıka» - grekshe «musa» hár túrli dawıslar menen kórkem obraz dóretip
beriwshi, ideyalıq emocional mazmunǵa iye bolǵan kórkem ónerdiń bir túri.
Qısqasha
etip aytqanda, muzıka – dawıslar jıyındısı, degen maǵananı ańlatadı.
Mádeniy ilajlarda muzıkanıń túrli janrları qatnasıwı múmkin. Onnan basqa,
bunday ilajlarda muzıkalıq jámáátler, vokal saz ansamblleri, muzıkalardan úzindiler,
ayırım muzıkalıq nomerler, basqarıwshılardıń shıǵıwıları ushın muzıka, waqıyanıń
rawalanıwı ushın, ilaj yamasa tamashanıń tempo-ritmin uslap turıw ushın muzıka
ónerinen paydalanıladı.
Muzıkadan ilajlardıń janrlarınan kelip shıqqan halda paydalanıw
maqsetke
muwapıq boladı.
Ilajdı shólkemlestiriw hám saxnalastırıwda muzıka tómendegi wazıypalardı
orınlawı múmkin:
- muzıka – qatnasıwshılar, qatnasıwshılardıń obrazların xarakterlep beredi;
- háreket waqtı, orındı ańlatıwı múmkin;
- tamashagóyge kórinbey atırǵan waqıyalardı ańlap alıwǵa, tez túsinip alıwına
kómeklesedi;
- háreket, waqıyada saxnalıq ortalıqtı jaratadı;
- monolog hám dialoglardıń emocionallıǵın (sezim, tolqınlanıwdı) kúsheytedi;
- sóz benen áńlatıw qıyın bolǵan máwiritlerdi súwretlep bere alıwı múmkin;
- is háreket, waqıyalardı tolıqtırıwı, bayıtıwı múmkin;
- pauzalar ornın toltırıwı múmkin;
- waqıttı tejew yaki sozıw hám basqa áhmiyetli wazıypalardı orınlaw múmkin.
Qanday da bir mádeniy ilaj ushın óz aldına muzıka jazıw qıyın keshetuǵın
process. Sonıń ushın kóp ǵana shólkemlestiriwshiler tayar muzıka shıǵarmaların
tańlaydı hám usı muzıka tiykarında jumıs alıp baradı.
Repiticiyalar dawamında muzıkalıq nomerler de bir neshe márte ózgeriwi
múmkin. Bazıda tez arada jańa muzıka shıǵarmasın dóretiw múmkin. Bunday
12
jaǵdayda rejissyor hám kompozitordıń kóz qarası bir-birine tuwrı keliwi jańa
shıǵarmanıń tez hám tabıslı dóretiliwine tiykar bola aladı.
Saxnada orınlanıp atırǵan barlıq qıymıl-háreketlerdiń muzıka súyemellewinde
ámelge asırılıwı – bul jańalıq emes. Eger xudojnik dóretiwshiligin súwretlew arqalı,
kóz benen kóriw hám estetikalıq zawıqlanıw imkaniyatların berse, al muzıka
ónerinen esitiw arqalı zawıqlanıw múmkin. Baslawshılardıń shıǵıwları, saz-qosıqlar,
saltanatlı qutlıqlawlar, dialog hám monologlardaǵı bazı muzıkalar, ayaq oyınlar hám
basqa barlıq procesler muzıkanıń súyemellewinde, muzıka menen úylesimlilikte
sáwlelenedi.
Respublika kóleminde ótkerilip atırǵan bárshe bayram hám tamashalardı
saxnalastırıw ushın saz, qosıq hám muzıka tańlaw eń tiykarǵı jumıs basqıshlarınan
esaplanadı. Muzıka hám sazlardıń túrli variantları tańlanǵannan keyin, olardıń
atqarıwshıları mirát etilip, qısqartıw yaki qosımsha tekst qosıw (avtordıń razılıǵı
menen), qullası, montaj jumısları ámelge asırıladı. Muzıkalı montaj jumısları ámelge
asırılǵannan keyin repiticiyalar baslanadı.
Muzıka álbette
plastika, ayaq oyın, shıraq hám basqa tásirsheń qurallardıń
úylesiminde
de
kórkem
obraz
dóretiw
imkaniyatlarına
iye
boladı.
Muzıkalastırılmaǵan ilaj tamashagóyge kerekli effektti bere almaydı. Muzıkanıń
durıs tańlanıwı, onı kerekli jerde isletiliw, onıń ideyalıq hám teması boyınsha
tamasha ruwqıyatına sáykes keliwi kompozitordıń ilaj yaki tamashanıń joqarı
maqsetin durıs ańlay alıwınan derek beredi.
Ayırım muzıkalıq nomer, ilajdıń keypiyatın beriwshi muzıka, baslawshılardıń
shıǵıwları ushın muzıka, saxnalastırılǵan úzindiler ushın muzıka, qaharmanlardıń is
háreketin sáwlelendiriwshi muzıka, shaqırıq, ayaq oyınlar muzıkası hám t. b.lar – ilaj
yaki spektakldiń mazmunın bayıtıwǵa úlken tásir kórsetedi.
Dostları ilə paylaş: