Book · January 013 citation reads 419 1

Takrorlash uchun savollar va topshiriqlar

1. 
   Metod bilan metodologiyaning qanday farqi bor?
   
2. 
   Ekologik metodologiyaning milliy xususiyatlarini sanab o‘ting.
   
3. 
   Ta’limot bilan fanning grekchadagi atamasi qanday ta’riflanadi?
   
4. 
   Tizimlash bilan majmualashning qanday farqi bor?
   
5. 
   Ekologik tadqiqot metodlarini sanab o‘ting.
   
6. 
   Fanlarning umumiy tadqiqot metodlari bilan xususiy tadqiqot metodlarining farqini ochib bering.
   
7. 
   Ekologiya metodologiyasida qanday holatlar inobatga olinadi?
   
8. 
   GIS tadqiqot metodiga izoh bering.
   
9. 
   Nima uchun ekologiyada modellashtirish metodlari keng qo‘llaniladi?
   

Bozor munosabatlarida ekologik boshqaruv bilan ekologik tartibga solish nisbati tenglashadi.
Bozor iqtisodiyoti qonuniyatlaridan

2. bob. EKOLOGIK BOSHQARUV

1. Ekologik boshqaruv va uni xalqaro miqyosda amalga oshirilishi

Ekologiya fani ijtimoiy kategoriya bo‘lgani uchun ham unga oid munosabatlarni tartibga solish insonlarga tegishlidir. Ekotizimlarni muhofaza qilish, ulardan oqilona foydalanish va qayta tiklash ishlari aynan kishilar o‘rtasida yuzaga keladi va shuning uchun ham u boshqaruvga muhtojdir.
Ekologik boshqaruv tushunchasi juda keng va ko‘p qirralidir. Chunki ekologik munosabatlarning o‘zi turli- tuman ko‘rinishga ega. Masalan, global ekologik boshqaruv — Yer kurrasi bo‘yicha, regional ekologik boshqaruv — Markaziy Osiyo kabi mintaqalar bo‘yicha, milliy boshqaruv — muayyan davlatlar bo‘yicha, lokal boshqaruv – davlatlardagi ma’muriy va mahalliy hududiy birliklarda atrof tabiiy muhitni muhofaza qilish orqali ekologik xavfsizlikni ta’minlash.





⁴⁹ General algebraic model solver – Optimizatsiyalashgan masalalarni keng ko‘lamli turlarini yechishga yordamlashuvchi dastur.


⁵⁰ OpenEV – rastrli va vektorli raqamli kartalardan foydalanishga yordamlashuvchi GDAL komplektiga oid dastur.