85
rehidratasiya diareya tam dayananadək aparılmalıdır. Adətən bu 1-2 günə başa çatır. Vaxtında
aparılan oral rehidratasiya əksər hallarda ağır formalı dehidratasiyanm qarşısını alır və infuzion
terapiyaya ehtiyac qalmır. Bununla da infuzion terapiya zamanı baş verə biləcək ağırlaşmalardan
qaçmaq olur.
Su-duz müalicəsi qusma dayandıqdan və son 6-12 saat ərzində ifraz olunan
sidiyin miqdarı nəcisin miqdarından çox olduqda dayandırılır.
İmkan olmadıqda - səhra-çöl şəraitində oral rehidratasiya şəkər-duz məhlulu ilə
aparıla bilər. 1 litr qaynamış suya 8 çay qaşığı şəkər, 2 çay qaşığı xörək duz qatılır. Verilən
mayenin miqdarı ishal və qusma ilə itirilən mayedən 1,5 dəfə çox olmalıdır.
Patogenetik - rehidratasion müalicə ilə yanaşı xəstəyə etiotrop müalicə də təyin
edilir. Etiotrop müalicə kimi antibiotiklər: tetrasiklin 0,3-0,5 q-dan hər 6 saatdan bir, İevomisetin
0,5 q-dan gündə 4 dəfə 5 gün müddətində təyin edilməlidir. 3-5 gün müddətində gündə 1 dəfə 300
mq doksosiklin də vermək olar. Etiotrop müalicə məqsədilə ko-trimoksozol (Biseptol) 800 mq
gündə 2 dəfə 3 gün, furazolidon 0,lq gündə 4 dəfə 3-5 gün verilir. Vəbanın müalicəsində hazırda
bağırsaq infeksiyalarınm müalicəsində geniş tətbiq edilən ftor-xinaloniarm tətbiqinin də
müvəffəqiyyətli olması güman edilir. Belə ki, ollok-sasin 200 mq gündə 2 dəfə 3-5 gün təyin edilə
bilər.
Xostəliyin ağır gedişlərində fasiləsiz qusmalar zamanı ilk günlər antibiotiklərin
parenteral yeridilməsi məsləhət görülür. Bu zaman diareya sindromunun zəifləməsi müşahidə
olunur ki, bu da rehidratasion məhlullara tələbatı azaldır.
Manifest formalarla yanaşı vibriongəzdirənlərə də 5 gün müddətində
antibiotiklər verilməlidir. Yalnız bir dəfə vibrion ifraz etmiş sağlam şəxslərdə an-tibakterial
müalicənin aparılmasına ehtiyac yoxdur.
Amerika alimlərinin Vyetnam müharibəsi zamanı inadlı vibriongəzdi-rənlik
əleyhinə streptomisin (daxilə) tətbiq edərək müsbət nəticələr əldə etdiyini nəzərə alsaq bu
məqsədlə kanamisinin 0,5 q gündə 4 dəfə 5 gün verilməsini məsləhət görmək olar. Vəba
xəstələrinə xüsusi pəhriz tələb olunmur. Qusma kəsildikdən sonra xəstə adi qidalanma rejiminə
keçir, lakin qəbul etdiyi qidanın miqdarı bir qədər az olmalıdır. Südəmər uşaqlar isə mütləq ana
südü almalıdırlar və bu zaman əmizdirmənin müddəti və aradakı fasilə qısaldılmalıdır. Xəstəlikdən
sağalan şəxslərə kaliumla zəngin qidalar (ərik qurusu, kişmiş, kartof, tomat və s.) verilməsi
məsləhətdir.
Vəba keçirmişlər və vibriongəzdirənlər evə tam kliniki sağalmadan sonra, adətən
xəstəliyin 8-10-cu günü, 3 dəfə nəcisin və 1 dəfə 12b. bağırsağın nıöhtəviyyatının (B və C
porsiyaları) bakterioloji müayinəsi mənfi olduqda yazıla bilər. Bakterioloji müayinə antibakterial
müalicədən 24-36 saat sonra 3 gün dalbadal aparılmalıdır. I dəfə bakterioloji müayinə üçün nəcis
işlədici duz (20-30 q MgSOa) verildikdən sonra götürülməlidir. Qida müəssisələrində, su təchizatı
ilə əlaqədar işlərdə, uşaq bağçalarında, müalicə-profilaktika idarələrində və digər bu kimi
epidemioloji cəhətdən təhlükə törədə biləcək işlərdə işləyənlər müalicədən sonra 5 dəfə nəcisin, 1
dəfə 12 b.bağırsağın möhtəviyya-tınm bakterioloji müayinəsi mənfi olduqdan evə yazıla bilər.
Profilaktikası. Vəbanın profilaktikası rəsmi sənədlər əsasında aparılmalıdır.
Hazırda nəzərdə tutulan profilaktik tədbirlər sistemi hələ də tam kamil olmayıb, sonrakı
downloaded from KitabYurdu.org
86
təkmilləşmələri tələb edir. Profilaktika ilk növbədə xəstəliyin ölkəmizə gətirilməsinin qarşısının
alınmasına, yaşayış məntəqələrində kommunal-sanitar şəraitin yaxşılaşmasına yönəldilməlidir.
Vəbanın qeydə alındığı, epidemioloji cəhətdən təhlükəli olan ölkələrdən gəlmiş şəxslər əgər
observasiyadan keçməsi haqqında müvafiq sənəd təqdim etməzsə 5 gün müddətində müşahidə
edilməli və bir dəfə bakterioloji müayinədən keçməlidirlər.
Su mənbələrinin qorunması üçün sanitar-gigiyenik tədbirlər sistemi həyata
keçirilməlidir. Qida ilə əlaqəli istehsalat müəsisələrində, ət-süd sənayesində, ticarət obyektlərində,
ictimai-iaşə müəsisələrində, uşaq müalicə idarələrində, su təchizatı idarələrində sanitar-gigiyenik
və epidemioloji nəzarət həyata keçirilməlidir. Vəba xəstəliyinin yayılması təhlükəsi yarandıqda
isə bütün kəskin bağırsaq infeksiyası olan şəxslər mütləq hospitalizə olunmalı və vəbaya görə
bakterioloji müayinədən keçməlidirlər. Təhlükəli olan bölgədə bütün əhalinin vəbaya görə
immunlaşdırılması aparılır. Ətraf mühitdə vibrionlar aşkar edilərsə açıq su hövzələrindən istifadə
qadağan edilir. Açıq su hövzələrindən, texniki və içməli su kəmərlərindən götürülmüş su, çirkab
və kanalizasiya suları və s. 10 gündən bir bakterioloji müayinədən keçirilir. Bütün bağırsaq in-
feksiyası olan xəstələr 3 dəfə vəbaya görə bakterioloji müayinəyə cəlb edilir. İçməli və texniki
suyun xlorlaşdırılma dərəcəsi artırılır.
Vəba xəstəliyi aşkar edilmiş ocaqda aşağıdakı əks-epidemik tədbirlər həyata
keçirilməlidir:
- karantin tədbirləri
- aşkar olunmuş xəstə və vibriongəzdiricilərin məcburi hospitalizasiya
və müalicəsi
- xəstələrin fəal sürətdə, qapı-qapı gəzməklə aşkar olunması, kəskin mədə-
bağırsaq xəstəlikləri olanların provizor hospitalizasiyası və vəbaya görə müayinəsi
- təmasda olanların müəyyən edilib, 5 gün müddətində təcrid
edilərək müşahidə edilməsi və bir dəfə bakterioloji müayinədən keçirilməsi
- ocağın epidemioloji müayinəsi
- cari və yekunlaşdıncı dezinfeksiya
- sanitar-gigiyenik və sanitar-maarif işləri
- xəstəliyin baş verməsinin epidemioloji təhlili.
Rekonvalessentlər Səhiyyə nazirliyi tərəfindən müəyyən edilmiş müddətdə
dispanser nəzarətində olmalıdırlar. Onlar 1 ay müddətində hər 10 gündən bir bakterioloji müayinə
aparılmaqla müşahidə edilirlər. Sonralar isə 1 il dispanser müşahidəsində olmaqla vaxtaşırı
vibriongəzdirənliyə qarşı bakterioloji müayinədən keçməlidirlər.
Mədə-bağırsaq sistemində xəstəliyi olan və xəstə və ya vibrion gəzdirənlə
təmasda olan şəxslər hospitalizə olunurlar və onlar 5 günlük tibbi müşahidədən və 1 dəfə
bakterioloji müayinədən sonra evə yazılırlar.
Spesifik profilaktika məqsədi ilə vəba vaksini və xolerogen - anatoksin işlədilir.
Vaksinasiya epidemioloji göstərişə əsasən aparılır. 1 nıl-də 8-10 vibrion olan vaksin dəri altına
yeridilir. I dəfə 1 ml həcmində, II dəfə 7-10 gündən sonra 1,5 ml yeridilir. 2-5 yaşlı uşaqlara
müvafiq olaraq 0,3 və 0,5 ml, 5-10 yaşlarda 0,5-0,7 ml, 10-15 yaşlarda 0,7 və 1 ml.
downloaded from KitabYurdu.org