Cek london oyun
Yüklə 1,46 Mb. Pdf görüntüsü
|
www.vivo-book.com 138 – Bu mənim istridyələrimdir. Möhkəm əminəm ki, mənimkidir. Siz gecə ilə dayaz yerlərimə basqın edib, məni qarət etmisiniz. “Kabus”dakı yekəpər və pota yuxarı baxdı. Pota həyasızcasına heç bir şeydən çəkinmədən dedi: – Salam, Taft! (Uzun qollarına görə körfəzdə onu “Qırxayaq” çağırırdılar.) Salam, Taft! – O yenə sırtıqcasına təkrar etdi. – İndi nəyə görə deyinirsən? – Dediyim odur ki, bunlar mənim istridyələrimdir. Siz onları mənim dayaz yerimdən oğurlamısınız. Qırxayaq istehza ilə dilləndi: – Ah, yaman ağıllısan. Buna bax a, istridyələrin özününkü olduğunu müəyyənləşdirib. Yekəpər söhbətə qarışdı: – Məncə, istridyə harda tapılmasından asılı olmayaraq hər yerdə istridyədir, körfəzdəki istridyələr, məncə, elə bütün yer üzündəki istridyələr bir cürədir. Mister Taft, biz sizinlə dalaşmaq istəmirik. İstəyimiz ancaq odur ki, bizə nahaq böhtan atmayasınız, hamıya deməyəsiniz ki, bunlar www.vivo-book.com 139 sizin istridyələrdir, sübutunuz-dəliliniz yoxdursa, deməyəsiniz ki, biz oğru və soyğunçuyuq. Mister Taft xırıltılı səslə dilləndi: – Başımla söz verirəm ki, bunlar mənim istridyələrimdir. Çox yaxşı üzgüçü olduğundan “Delfin” ləqəbi qazanmış yekəpər tələb etdi: – Sübut edin! Mister Taft çiyinlərini fağır-fağır çəkdi. O nə qədər əmin olsa da, istridyələrin onunku olduğunu sübut edə bilməzdi. O qışqırdı: – Sizi həbsxanaya saldırmaq üçün min dollarımdan keçərdim. Mən sizin hamınızı tutub ifşa edənə, hər tutulan adam üçün əlli dollar verərdim. Qayıqlardan qəhqəhə səsləri eşidildi, başqa dəniz quldurları söhbətə qulaq verdilər. Delfin onun sözünü kəsdi: – İstridyələrdən daha çox qazanmaq olar. www.vivo-book.com 140 Hirslənmiş mister Taft dönüb getdi. Çarli gözünün ucu ilə onun hara getdiyinə göz qoydu. Bir neçə dəqiqədən sonra mister Taft tini dönəndə Çarli yerindən tənbəl-tənbəl qalxdı, biz küçənin o biri tərəfinə üz tutduq. İstridyə ovlayan gəmidəkilərin gözündən uzaqlaşan kimi Çarli pıçıltı ilə dedi: – Qaçdıq, tez ol! Biz bir göz qırpımında istiqaməti dəyişdik, döngələrdə gizlənə-gizlənə gözəgəlimli mister Taft irəlidə nəzərə çarpınca yan küçələrdə dolaşdıq. Biz istridyə ovlanan dayaz yerlərin sahibinə özümüzü çatdıranda Çarli mənə dedi: – Mən onunla mükafat barədə danışmaq istərdim. Neyl hələ bir həftə burda olacaq, niyə biz bu vaxt ərzində, bir qədər pul qazanmayaq? Sənin buna nə sözün var? Çarli özünü təqdim edib məqsədini açandan sonra, mister Taft dediklərini təsdiq etdi. – Əlbəttə ki, əlbəttə. Bu oğrular ildə mənim min dollarlıq istridyəmi oğurlayıblar, onların axırına çıxmaq üçün mənim pula heyfim gəlmir, düz sözümdür, ser, heyfim gəlmir. Mən, dediyim kimi, tutulan hər adam üçün əlli dollar www.vivo-book.com 141 verərəm, belə hesab edirəm bu ucuzdur. Onlar mənim dayaz yerlərimdə soyğunçuluq edirlər, fərqləndirici nişanları çıxarırlar, gözətçiləri qorxudurlar. Keçən il isə birini öldürdülər. Heç bir şeyi sübut edə bilmədim. Hər şeyi gecəyarı edirlər. Gözətçini öldürmüşdülər, ancaq heç bir dəlil-sübut yox idi. Xəfiyyələr heç bir iş tapmadılar. Heç kəs bu adamların öhdəsindən gəlmir. Onlardan heç birini tuta bilmədik. Hə, məsələ belədir, mister... Sizin adınız nə oldu? Çarli cavab verdi: – Le Qrant. – Hə, iş belədir, mister Le Qrant. Mənə kömək etmək istədiyiniz üçün sizə çox minnətdaram. Sizə bu işdə yardım etmək üçün çox şad olardım. Mənim gözətçilərim, qayıqlarım sizin ixtiyarınızdadır. Nə vaxt istəsəniz, mənim San-Fransiskodakı kontoruma gəlin. Pula heyifsilənməyin. Nə qədər xərcə düşsəniz, sözsüz ki, o qədər də pulunu verərəm. Vəziyyət get-gedə dözülməz olur, başa düşə bilmirəm ki, istridyə olan dayaz yerlərin sahibi mənəm, ya bu quldur dəstəsidir?! www.vivo-book.com 142 Biz mister Taftı San-Fransisko qatarına yola salandan sonra Çarli dedi: – İndi Neylin yanına gedək. Neyl Partinqton təhlükəli niyyətimizi həyata keçirməkdə nəinki bizə maneçilik etmədi, hətta köməyimizə yetdi. Çarli ilə mənim istridyə ovundan başımız çıxmırdı, onun kəlləsi isə bu sahədə əsl ensiklopediya idi. Hələ üstəlik, bir saat keçməmişdi ki, istridyə ovlayan dəniz quldurlarının bütün fəndgirliyinə yaxşıca bələd olan yunan oğlanı çağırtdırıb bizimlə tanış etdi. Yeri gəlmişkən, bir şeyi də deyək ki, balıqçı patrul dəstəsində Çarli ilə mən könüllü idik. Neyl Partinqton ştatda olan patrul kimi müəyyən miqdarda maaş alırdı, Çarli ilə mən isə onun köməkçiləri kimi qazancla dolanırdıq, yəni balıq ovu qanunu pozanlara kəsdiyimiz cərimənin müəyyən faizini, ya da ki, layiq olanda mükafat alırdıq. Biz mister Taftdan alacağımız pulu Neyllə bölüşəcəyimizi deyəndə o belə söhbəti heç eşitmək belə istəmədi. O dedi ki, ona bu qədər yaxşılıq etmiş adamlara kömək edə bildiyinə görə özünü xoşbəxt sayır. Yüklə 1,46 Mb. Dostları ilə paylaş:
|