117
Özünün yaradıcılığında ədəbiyyatı xalq həyatına
daha çox yaxınlaşdıran Mirzə Fətəli Axundov müasir-
lərini bütün xalqlara insani münasibət bəsləmək
ruhunda tərbiyə etmişdir. Müəllifin yaratdığı tipik
mənfi surətlərin hərəkətlərində, şəxsiyyətlərində olan
naqislik xüsusiyyətlərini görən oxucu və ya tamaşaçı
bunlardan ibrət almaya bilmir. Hacı Qara surətinin
xəsislik rəmzi kimi xalq arasında geniş yayılması
böyük ədibin əsərlərinin tərbiyəvi əhəmiyyətinin
üstünlüyünü sübut etməkdədir.
XX əsr ədəbiyyatımızın görkəmli nümayəndələri
olan Cəlil Məmmədquluzadə, Əbdürrəhim bəy
Haqverdiyev, Mirzə Ələkbər Sabir, Yusif Vəzir Çə-
mənzəminli, Hüseyn Cavid və başqalarının əsərləri də
mühüm tərbiyəvi əhəmiyyətə malikdir. Bu dövr
ədəbiyyatımızda qabaqcıl ideyaların yenilməz carçısı
olan Cəlil Məmmədquluzadənin yaratdığı hər kiçik
ştrix, epizod, qəhrəmanların dilindən deyilən kəskin
monoloq və dialoqlar belə müstəqil şəkildə fəal
tərbiyəedici
mahiyyətdədir.
«Poçt
qutusu»,
«Qurbanəli bəy», «Usta Zeynal» və başqa hekayələri
xatırlayaq. Biz hələ ədibin «Ölülər», «Anamın
kitabı», «Danabaş kəndinin əhvalatları» və s. əsər-
lərindən danışmırıq. Onun yaradıcılığının bədii təsir
qüvvəsini və fəal tərbiyəedici xüsusiyyətlərini başa
düşmək üçün «Kamança» əsərinə ötəri nəzər salmaq
kifayətdir.
İndi bizim zəmanəmizdə ədəbiyyatın tərbiyəvi
rolu daha da artmışdır. Ədəbiyyatımızda elə gözəl
əsərlər yaranmışdır ki, bunlar özlərinin ifadə etdiyi
fikirlərin dərinliyi, gözəlliyi etibarı ilə oxucular
118
tərəfindən yüksək qiymətləndirilir. Böyük dramaturq
Cəfər Cabbarlının «Sevil» əsərinin ilk dəfə tamaşaya
qoyulduğu zaman «Bakinski raboçi» qəzetində dərc
olunmuş «Əziz əl çalır» məqaləsi pyesin şüurlara,
düşüncələrə yol tapdığını göstərən ən yaxşı faktdır.
Məqalə müəllifi yazır ki, «mən Əzizlə bərabər oturub
əsərə tamaşa edirdim. Əzizin arvadı başqa lojada
qadınlarla əyləşib çadranın altından səhnəyə baxırdı.
Pyesin şəkilləri dəyişdikcə gördüm ki, Əzizin
narahatlığı artır, yerində dinc otura bilmir. Balaşın
Sevili rədd etdiyi səhnəyə çatanda Əziz: – Əclaf, deyə
qışqıraraq arvadına çadranı atmağı işarə etdi. Lakin o
gecikmişdi; qadın çadranı artıq atmışdı. Bunu görən
Əziz bir səhnəyə, bir də arvadına baxaraq əl çalırdı.
Mən o vaxt öz-özümə düşünürdüm ki, əgər
Əzizə başqa vaxtlarda arvadının çadranı atmasını
məsləhət görən olsaydı, yəqin ki, bu dəliqanlının xən-
cərindən yaxa qurtara bilməzdi. İndi isə öz arvadının
çadranı atması münasibətilə şadlanır, əl çalırdı».
İndi ədəbiyyatla həyatın elə üzvi əlaqəsi yaran-
mışdır ki, yazıçının özü ilə bir dövrdə yaşayıb fəaliy-
yət göstərən şəxslər, həm də sıravi adamlar bədii əsə-
rin baş qəhrəmanı olur. Xalq şairi Səməd Vurğunun
«Ölüm kürsüsü», «Bəsti», «Zəncinin arzuları», «Mu-
ğan», «Mənə belə söyləyirlər» və s. şeir və poemaları
bu cür əsərlərdəndir.
2004
119
MÜSTƏQİLLİK DÖVRÜ BƏDİİ NƏSRİNİN
BƏZİ PROBLEMLƏRİ
Müstəqillik illərində yaranan bədii nəsrin ümumi
konturları vasitəsilə onun həqiqi mənzərəsi haqqında
düşünərkən və bilavasitə ədəbi-bədii materialları
diqqətlə mütaliə edib, ayrı-ayrı əsərlərlə yaxından
tanış olduqca bizdə nikbin bir təsəvvür yarandı. Son
dərəcə sevindirici haldır ki, bədii nəsrimizin məcrası
elə də kasadlıq keçirməmiş, necə deyərlər, su axan
yerdən bir də axmışdır. Belə ki, sözügedən müddət
ərzində çoxcildli, çoxbiçimli, kiçik, yığcam, yəni
bədii nəsrin müxtəlif janrlarında hekayə, novella,
povestlər, romanlar yaranmış və bunlar istər məzmun-
mündəricə, istərsə də üslubca fərqli nümunələr hesab
oluna bilərlər. Tarixi, ya tarixlə səsləşən, müasir
mövzulu, detektiv, əyləncəli, fantastik və macəraçı
örnək və nümunələr araya-əsrəyə gəlmişdir. Əlbəttə,
bütün bu əlvan, rəngarəng və çoxproblemli əsərlərin
yaranması üçün vacib olan ictimai- siyasi, ədəbi-
mədəni, sağlam, sabit istiqrarla seçilən müəyyən
kontrast və ziddiyyətləri ilə səciyyələnən mühit
barədə bir neçə kəlmə demək olduqca vacib və zəruri,
bəlkə də əsas və müqəddəm şərtlərdir. Ona görə də
həmin illərin və ondan əvvəlki məqamların
müxtəsərcə xülasəsini vermək pis olmazdı. Beləliklə,
dövrün ictimai-siyasi, ədəbi- mədəni mühitinə dair
əsasən bunları qeyd etmək olar: 20 yanvar faciəsi və
milli müstəqillik aktının qəbul edilməsi; Müstəqil
120
Respublikanın yaradılması, müstəqilliyin möhkəmlən-
dirilməsi uğrunda aparılan mübarizənin gərginliyi və
onu yaradan, törədən daxili və xarici səbəblər, Heydər
Əliyevin yenidən hakimiyyətə qayıtması ilə əlaqədar
olaraq xaos və hərc-mərcliyin tədricən aradan
qaldırılması və sabitliyə, istiqrara, inkişafa nail olun-
ması: xüsusilə, yeni konstitusiyanın qəbul olunması
(1995) müstəqilliyin qanuni əsası kimi; Respublika-
mızda bir sıra kardinal, taleyüklü məsələlərə dair
keçirilən ümumxalq referendumları; seçkilərin
demokratikləşməyə doğru irəliləyişi nəticəsində
ölkəmizin beynəlxalq aləmdə daha çox tanınması və
təsdiqi kimi məna kəsb etdi.
Ölkə prezidentinin xüsusi fərmanları ilə «Dədə
Qorqud» dastanlarının 1300 illik yubileyinin dünya
miqyasında keçirilməsi – milli dirçəlişə, özünə
qayıdışa, müstəqilliyə təşnəliyin monumental aktı
kimi; xalqımızın qədimliyinin yeni sübutu kimi
təzahür etdi. Ədəbi-bədii mühit və onun müxtəlif
sahələrdə inkişafını göstərən ilk cücərtilər və onların
arasında öncül yer tutan bədii nəsrin müasir
problemləri; bədii nəsrin görkəmli yaradıcılarının
nəsillər üzrə təsnifatına dair mülahizələr; həmin
illərdə fəaliyyət göstərən yaşlı nəslin nümayəndələri -
Q.İlkin, İ.Şıxlı, İ.Muğanna, S.Əhmədli, M.İbrahimov,
L.Əfəndiyev, B.Bayramov, Ə.Əylisli, Ə.Cəfərzadə,
H.Abbaszadə və b. əsas əsərlərini 60-80-ci illərdə
yaratmış və daha da kamilləşmiş, hətta dövrün artıq
yetkinləşmiş, professionallıq cəhətdən inkişaf etmiş,
artıq ədəbi ab-havanı müəyyənləşdirən orta nəslin
nümayəndələri;
Anar,
Elçin,
Y.Səmədoğlu,
Dostları ilə paylaş: |