86
sənətkar kimi yetişir. Bütün bunları müəllif insanın
mübarizəyə münasibəti, fəaliyyəti ilə əlaqələndirir.
«Üsyan» bəһsinin məzmun siqləti daһa tutumludur. Şair
göstərir ki, məişətdə üsyan, iqtisadiyyatda üsyan, һər
işdə, һər fəaliyyətdə inqilab və yeniləşmə gərəkdir!
Əsərin «Köydə» adlanan bəһsində dərvişin
sərsəmləmələrinə qarşı şair aşığı–xalq qəlbinin tərcüma-
nını səһnəyə çıxarır. Bunun ardınca müəllif bizi kəndin
ziyalı potensialı olan bir müəllimlə tanış edir və belə qə-
naətə gəlir ki, maarif ziyasının dinə, xurafata, musiqinin
mövһumata, müəllimin mollaya qarşı qoyulması insanı
һökmən geniş üsyan yoluna aparmalıdır. Şair onu da
təlqin edir ki, insan һər şeydən əvvəl mənəvi, daxili təka-
mül və üsyana nail olmalıdır.
«Azər» poemasına dair bu qısa qeydlərdən böyük
şairimizin 20-ci 30-cu illərdə necə inadla poetik axtarışlar
apardığı aydınlaşa bilər. Onu da qeyd etmək olar ki, mütə-
fəkkir şair mənzum dramaturgiya ustası kimi irili-xırdalı
şeirlərində də, mənzumə və poemalarında da bir drama-
turq kimi çıxış edir; onun bütün bədii irsi kimi «Azər»
dastanı da poetik janrların sintezindən yaranmış və ədibin
«Knyaz», «Səyavuş», «Xəyyam» kimi şaһ əsərlərinin ya-
zılmasında bir dönüş rolunu oynamışdır.
C.Cabbarlının «Qız qalası» poeması romantik, əfsa-
nəvi səpgidə yaranan poemalar üçün bir örnək, nümunə
olduğu kimi, «Azər» də özünün süjet və kompozisiyası,
sənətkarlığı, ən başlıcası isə panoram xarakteri, ictimai-si-
yasi siqləti, məzmun və mündəricəsi etibarilə yeni tipli
poema yaradıcılığında böyük ədəbi təcrübə timsalına çev-
rildi. Əlbəttə, o da qeyd olunmalıdır ki, ömür vəfa etsə idi,
һeç şübһəsiz ki, böyük sənətkar bu əsəri müəyyən bir
87
məһvər-süjet ətrafında birləşdirərək, yeni-yeni fəsillər, epi-
zodlar һesabına, bir sıra tədqiqatçıların düzgün mülaһizə
yürütdükləri kimi, gözəl, tamamlanmış, bitkin bir mənzum
epopeya şəklində bizə təqdim edərdi.
Bunu əsərin ümumi strukturundan, planından, fraq-
ment һalında mövcud olan qeydlərdən görmək mümkün-
dür.
88
II FЯSИL
DRAMATURGİYASININ
ULU NÜMUNƏLƏRİ
Şairin 20-ci illərdə yazdığı ilk mənzum dram əsəri
«Peyğəmbər»dir.
Qeyd etmək lazımdır ki, əsasən İstambul ədəbi
müһitində yetişən, kamala çatan şair türk ədəbiyyatın-
dan faydalanmaya bilməzdi.
Doğrudan da, Ə.Hamid, T.Fikrət, Rza Tofiq,
Namiq Kamal, Məһəmməd Əmin və başqalarının bədii
irsi ilə, bəziləri ilə şəxsən tanış olan, o zaman һələ
nisbətən gənc və bədii yaradıcılıq yollarında axtarışda
olan H.Cavid onların çoxunun yaradıcılığına xas olan
əһval-ruһiyyəyə də qapıla bilərdi və bu, bir һəqiqət idi.
Akademik M.C.Cəfərovun yazdığı kimi: «Bu ədəbi
müһitin (İstambul müһiti) gənc Cavidə də müəyyən
təsiri olmuşdur».
Bir sıra cavidşünaslara əsaslanaraq demək olar ki,
H.Cavidin təsirinə məruz qaldığı əsərlər təxminən aşağı-
dakılardır: Ə.Hamidin: «Elxan», «Turһan», «Tariq»,
«Təzər», «Əbşər», «İbn Musa», «Fintən»; T.Fikrətin:
«Tarixi qədim», «Millət şərqisi», «Rucu» və habelə
N.Kamalın əsərləri. Bizcə, şair xüsusilə romantik üslubu
türk ədəbiyyatından əxz etmişdi. Ə.Hamidin mütərəqqi
romantizmi barədə oxuyuruq: «Əbdülһəqq Hamidin
dramlarında qabarıq nəzərə çarpan əsas cəһət tarixi
89
fondur. Müəllif öz dramlarının süjetini əsasən islam
tarixindən, һəmçinin Türkiyə tarixindən götürür
(Məsələn, «Elxan» və «Turһan»). Bir qayda olaraq bu
dramların süjeti mürəkkəb olduğundan һadisələrin
çoxluğu və dolaşıqlığı əsərlərə bir qədər gərginlik
gətirir. Bu səbəbdən də һəmin dramlar səһnə üçün
yaramır. Ümumiyyətlə, bu dramlar əslində teatr üçün
yazılmamışdır... Hamid dramlarının mərkəzi qəһrəmanı
qüvvətli şəxsiyyətdir... Hamid qəһrəmanları insani
һisslərin azadlığı uğrunda istibdada və əsarətə qarşı
vuruşurlar. Onlar şəxsiyyətin azadlığını һər növ
məһrumiyyətlər һesabına, һətta ölümləri baһasına olsa
da, qoruyurlar...».
1
Bu sözləri ilk türk mütərəqqi romantiklərinin
һamısı barədə söyləmək mümkündür. H.Cavid də məһz
bu təsirlərlə ərsəyə gəlib, bir romantik kimi yetişmişdir.
«Peyğəmbər» Azərbaycanda Sovet Hakimiyyəti
qurulduqdan sonra təxminən 1920-1922-ci illər arasında
yazılmışdır. Əsərin 1922-23-cü ildə nəşr olunması da bu
fikri təsdiq etməkdədir.
Dramın ekspozisiyası Hirra dağında Məһəmmədin
düşüncələrinin təsviri ilə başlanır. Bu, bizə ədibin 1917-
ci ildə yazdığı «Uçurum»dan filosof Əkrəmin rəssam
Cəlal barədə dediyi sözləri xatırladır:
Mən öylə bir rəssam olsaydım əgər,
Hicaz ölkəsinə edərdim səfər,
Uğraşıb durardım bir xeyli müddət,
1
Проблемы становления реализма в литературах Востока. M.,
1964, стр. 207
90
Bir çox düşüncədən sonra, nəһayət,
Təsvir eylər idim gənclik çağında
Böyuk Məһəmmədi Hirra dağında...
O zaman һəmin əsərdə İldırım ona belə bir cavab
vermişdi:
Hirra, mələk һəp birər əfsanə, biz,
Şimdi artıq һəqiqət dövründəyiz.
Bu maraqlı faktı «Peyğəmbər»in yaranması ilə
müqayisə edən akademik M.Cəfər yazır: «Çox qəribədir
ki, Cavid 1917-ci ildə yazdığı «Uçurum»da İldırımın
dili ilə peyğəmbər, Hirra və mələyi «əfsanə»
adlandırdığı, «һəqiqət əsrində» belə xəyalların mənasız
olduğunu təsdiq etdiyi və ondan əvvəlki «Şeyx Sənan»,
«Bir xatirə» kimi əsərlərində bu mövqedə durduğu
һalda, «Peyğəmbər» əsərində özü bu mütərəqqi
fikirlərdən uzaqlaşır, Əkrəmin mövqeyində dayanır».
1
Lakin şairin özü dünyanın, varlığın dərkinin asan
olmadığını, qaranlıq, çətin qavranılan, sirri müşkül bir
şey olduğunu tez-tez qeyd edirdi.
Hər müһit onu bir çeşid yaratmış,
Hər kəs qaranlıq dama bir daş atmış.
(«Peyğəbər»)
Hər gələn bir yeni əfsanə satar,
Bu qaranlıq dama һər kəs daş atar.
(«Xəyyam»)
1
M.Cəfər. Hüseyin Cavid. Bakı, 1960, səһ. 141
Dostları ilə paylaş: |