Covid-19 pandemiyasının ölkə iqtisadiyyatına və qeyri-formal məşğulluğa təsiri ilə bağlı cari vəziyyətin təhlili
Yüklə 0,5 Mb. Pdf görüntüsü
|
| 12. Hökümətin anti-böhran paketi
Hökumətin ümumi koordinasiyası vasitəsilə iqtisadiyyatın müxtəlif sahələrinin rəhbərlərinin, özəl və bank sektoru təmsilçilərinin, Sahibkarlar və Həmkarlar İttifaqları Konfederasiyalarının nümayəndələrinin iştirakı və işçi qruplarının rəhbərləri ilə müntəzəm məsləhətləşmələr aparmaqla 10 proqramdan ibarət paket hazırlanmışdır. Bunlardan ikisi aşağıdakılardır: - "Koronavirus pandemiyasından zərər çəkən sektorlarda çalışan 304000 muzdlu işçinin əmək haqlarının kompensasiyası üçün maliyyə dəstəyi proqramı" və "Koronavirus pandemiyasından zərər çəkən sektorlarda çalışan 292.000 fərdi (mikro) sahibkar 28
üçün maliyyə dəstəyi proqramı". Hər iki proqramın ən vacib şərt və çərçivəsi, pandemiyadan zərər çəkən sektorda olan 336 min müəssisədə iş yerlərinin qorunub saxlanmasına yönəldilib. Üçüncü proqram - "Koronavirus pandemiyasından zərər çəkən sahələrdə fəaliyyət göstərən sahibkarlıq subyektləri üçün vergi güzəştləri, imtiyazlar və vergi tətilləri proqramı" dır. Bu geniş bir proqram olmaqla, ilk növbədə zərər çəkən sektorları əhatə etsə də, bəziləri daha geniş sahəyə aiddir. Bundan başqa, “Koronavirus pandemiyası nəticəsində meydana gələn itkilərdən əziyyət çəkən sahələrdə fəaliyyət göstərən sahibkarlıq subyektləri üçün yeni bank kreditlərinin verilməsi üçün kredit-zəmanət proqramı” da hazırlanmışdır. Beləliklə, burada məqsəd Azərbaycanda iqtisadi inkişafın trayektoriyasını saxlamaq məqsədilə, yeni layihələrin maliyyələşdirilməsi prosesini davam etdirməkdir. Belə ki, karantindən sonrakı fəaliyyət dövründə canlanma müşahidə ediləcəkdir. Beşinci proqram - "Koronavirus pandemiyasından zərər çəkən sahələrdə fəaliyyət göstərən sahibkarlıq subyektləri üçün mövcud kredit portfelinin dəstəklənməsi üçün kredit zəmanəti proqramı" olaraq nəzərdə tutulmuş proqramdır. Bu proqramda qismən dövlət büdcəsindən, habelə Sahibkarlığın İnkişafı Fondundan vəsaitlərin cəlb edilməsi nəzərdə tutulur. Buradakı ən vacib hədəf həm sahibkarlıq subyektlərinə dəstək göstərmək, həm də kredit portfeli dayanıqlılığının maliyyə və bank sektoru üçün zəruri, çox vacib və əhəmiyyətli olmasını təmin etməkdir. Altıncı və yeddinci istiqamət olaraq "Əhalinin maddi vəziyyətini dəstəkləyən sosial paket" və "Sosial cəhətdən həssas qruplara mənsub ailələrin üzvləri olan tələbələrin təhsil xərclərinin ödənilməsinə dəstək proqramı" nəzərdə tutulmuşdur. Əhalinin sosial baxımdan həssas qrupuna məxsus ailələrdən olan tələbələr üçün təhsil haqqı xərcləri ödəniləcək. Bundan başqa, səkkizinci istiqamət olaraq ipoteka krediti və kreditlərə zəmanət mexanizmi üçün maliyyə dəstəyi proqramı müəyyənləşdirilib. Bu proqram həm inşaat sektorunun fəaliyyətinin davam etdirilməsinə, genişlənməsinə, həm də əhali üçün hər zaman lazım olan mənzil probleminin həllinə müəyyən töhfə verəcəkdir. Proqramın doqquzuncu istiqaməti - "Əhalinin elektrik enerjisi sərfiyyatına görə kommunal ödənişlərə dəstək proqramı"dır. İnsanlar evdə daha çox vaxt keçirirlər, buna görə də elektrik istehlakı artır. Bu proqram, hər şeydən əvvəl, mövsümü və limitlərin genişləndirilməsini nəzərə alaraq elektrik enerjisi üçün ödənişi təmin edir. 29
Nəhayət, "Sərnişin daşımalarının həyata keçirilməsi üçün zəruri sahələrin dəstəklənməsi proqramı" da mövcuddur. Həyati zəruri olan fəaliyyətlə məşğul olan bir sıra şirkətlərin - sərnişin daşınması, dövlət və özəl şirkətlər demək olar ki, obyektiv səbəblərdən işlərini dayandırmış və ya dondurmuşdurlar. Bu müəssisələrlə bağlı hədəf proqramı hazırlanmışdır. Bu geniş miqyaslı iqtisadi və sosial paket iqtisadi sahədə artan tempə müsbət təsir göstərməli və eyni zamanda, həssaslıq kateqoriyasına aid olan vətəndaşlar bu böhrandan qorunmalıdır. Əsas məqsəd ilk növbədə vətəndaşların təhlükəsizliyi, sağlamlığı və rifahının qorunmasından ibarətdir. Azərbaycan hökumətinin böhran əleyhinə planının məzmunu aşağıdakı kimidir: koronavirusun nəticələri ilə mübarizənin aparılma qaydası və 3.5 milyard manat (2 milyard ABŞ dolları) həcmində göstərilən 10 proqramın müddəaları vətəndaşların diqqətinə çatdırılmışdır. Yüklə 0,5 Mb. Dostları ilə paylaş:
|