Fərhad Mehdiyev
506
başqa qanunvericilik aktları və bələdiyyənin nizamnaməsi ilə tənzimlənir.
Qanuna görə:
Bələdiyyə qulluğu - yerli özünüidarə orqanlarının səlahiyyətlərini icra
etmək üçün həmin orqanlarda daimi peşə fəaliyyətidir.
1. Bələdiyyənin icra aparatı
“Bələdiyyə qulluğu haqqında” Qanunun 3-cü maddəsində bələdiyyənin icra
aparatının strukturu izah olunur. Bələdiyyənin icra aparatı bələdiyyənin
sədrindən, onun “Bələdiyyələrin statusu haqqında” Azərbaycan Respublikası
Qanunu və bələdiyyənin nizamnaməsi ilə müəyyən edilmiş qaydada
formalaşdırdığı struktur bölmələrdən və başqa icra strukturlarından ibarətdir.
Bələdiyyənin icra aparatının strukturunu, ştat cədvəlini və saxlanması xərcləri
smetasını bələdiyyə (seçilmiş bələdiyyə üzvlərinin şurası) təsdiq edir.
Bələdiyyənin icra apar atına rəhbərliyi bələdiyyənin sədri həyata keçirir.
Bələdiyyə icra aparatının tərkibi bələdiyyənin fəaliyyət göstərdiyi əraziyə
və konkret iş vəziyyətinə uyğun olaraq bələdiyyənin nizamnaməsi ilə nəzərdə
tutulmuş qaydada və sayda idarə rəisləri və rəis müavinləri, şöbə müdirləri və
müdir müavinləri, mütəxəssislər, müfəttişlər və başqa işçilərdən təşkil olunur.
Dostları ilə paylaş: |