İnzibati hüquq
219
ya hüquqlarını məhdudlaşdırıb/öhdəlik yaradıbsa, bunların qanunsuzluğunu
müəyyən etmək üçün məhkəməyə müraciət etmək mümkündür. Başqa sual bun-
dan ibarətdir ki, ümumi aktlarla bağlı məhkəmə baxışı keçirildikdə Mülki Pro-
sessual Məcəllənin fərdi aktlar üçün nəzərdə tutduğu müddəaları, yoxsa norma -
tiv aktların etibarsız sayılması üçün nəzərdə tutulan qaydalar tətbiq ediləcək?
Bu məsələyə nəzəriyyədə və praktikada toxunulmayıb.
Qanunvericiliyin ümumi dəyərləndirilməsi yolu ilə deyə bilərik ki, Mülki
Prosessual Məcəllənin normativ aktların hüquqa uyğunluğunun yoxlanması
qaydaları bu zaman tətbiq edilə bilməz. Əsas səbəb ümumi aktların “normativ
akt” kimi götürülməsinin mümkün olmamasıdır. Konstitusiya və «Normativ hü -
quqi aktlar haqqında» Qanun ümumi aktları normativ akt kimi qiymətləndir-
məyə imkan vermir. Müvafiq qanun normativ aktı “göstərişlәri ümumi və məc-
buri xarakerli, hüquq normaları müəyyən edən, dəyişdirən və ya xitam edən,
dəfələrlə tətbiq olunmaq üçün nəzərdə tutulmuş rəsmi yazılı sənəd” kimi müəy -
yən edir. Ümumi aktların daimilik və məcburi yazılı olma şərti yoxdur. Fərdi
aktlara aid mühakimə qaydaları Mülki Prosessual Məcəllənin 27 -ci fəslində nə-
zərdə tutulur: «İnzibati orqanların, bələdiyyələrin, sair orqan və qurumların,
onların vəzifəli şəxslərinin qərarları və hərəkətləri (hərəkətsizliyi) ilə əlaqədar
mübahisələrə dair işlәr üzrə icraat” adını daşıyan 27 -ci Fəsil ümumi aktlar baxı-
mından uyğun qaydalar qoyur.
Ümumi aktlar icra edildikdən sonra aktın ləğv edilməsi və ya geri götürül -
məsi mümkün olmasa da, bəzi hallarda onun qanunsuzluğunu və ya etibarsızlı -
ğını müəyyən etmək lazım ola bilər. Məsələn, tutaq ki, inzibati orqan müəyyən
günləri və saatları əmək qanunvericiliyinə zidd şəkildə iş günü elan edib və
buna əməl etməyən işçi haqqında müxtəlif sanksiyalar tətbiq edib. Belə olan
halda, sanksiyaların hüquqa zidd olduğunu sübut etmək üçün əvvəlcə sanksiya-
nın əsası olan ümumi aktın qanunsuzluğunu müəyyən etmək lazımdır. Bu ümu -
mi aktlar müəyyən şəxslərə ziyan da vura bilər, belə halda onlar kompensasiya
iddiasının predmeti ola bilәr. Konstitusiyanın və Mülki Məcəllənin inzibati qə-
rarların icrası nəticəsində vurulan zərərin ödənilməsi qaydalarını ümumi aktlar
baxımından da tətbiq etmək mümkündür.
İİHQ ümumi aktları ifadə etmək üçün “ümumi xarakterli sərəncam” anlayı -
şından istifadə edir (m. 21.3.4).
Dostları ilə paylaş: |