VAD – mədəcik dəstək cihazı
SQD (CPB) – süni qan dövranı
VSM (BDV) – böyük dərialtı vena
AGE – arteria gastroepiploica
AEİ – arteria epigastrica inferior
VT – ventrikulyar (mədəcik tipli) taxikardiya
LVEDP – sol mədəciyin diastol sonu təzyiqi
XOAX – xroniki obstruktiv ağciyər xəstəliyi
CVP (MVT) – mərkəzi venoz təzyiq
PAP – ağciyər arteriyasının təzyiqi
PCWP – ağciyər kapilyarlarındakı son təzyiq
TEE – qida borusundan exokardioqrafiya
EEQ – elektroensefaloqrafiya
SSEP – somatosensor oyanma potensialı
ACT – aktivə olunmuş laxtalanma zamanı
STA – süni tənəffüs aparatı
MİDCAB – minimal invaziv yanaşma ilə aorto-koronar şuntlama
DÜ AKŞ – Döyünən ürəkdə aorto-koronar şuntlama
AT-III – antitrombin III
TDP – təzə donmuş plazma
CO – atım həcmi
İVUS – damardaxili ultrasonoqrafiya
MA – mil arteriyası
ANADANGƏLMƏ ÜRƏK QÜSURLARI
AÇIQ ARTERİAL AXACAQ
Patent Duktus Arteriozus – Botal axacağın doğuşdan sonra pataloji olaraq açıq
qalmasına deyilir.Botal axacaq Ağciyər arteriyası( PA) ilə Aorta(Ao) arasında bir əlaqədir.
Fetal həyatda PA qanını aortaya yönəldir. Doğuşdan sonra axacağın medial təbəqəsinin
yığılması nəticəsində 10-15 saat ərzində funksional qapanma, 2-3 həftə ərzində endotel və
subintimal təbəqələrindəki qalıcı dəyişikliklər nəticəsində isə anatomik qapanma baş verir.
Embrioloji həyatın 4-cü həftəsində farinqel arkusla əmələ gəlir.
Klinika:
Yarımçıq doğulmuş uşaqlarda Açıq Botal Axacaq ürək çatışmazlığına səbəb ola bilər. Çüki
ağciyər damarlarının düz əzələsi vaxtında doğulmuşlardakı kimi yaxşı inkişaf etməmişdir.
Buna görə də Pulmonar damar Dirənci daha tez düşür. Nəticədə Soldan sağa keçiş artır və ürək
çatışmazlığı əmələ gəlir.
•
Ürək çatışmazlığı əmələ gəlmişsə taxikardiya və taxipnoye qeyd edilir.
•
Soldan sağa qan keçişi çoxdursa(Geniş PDA) xarakteristik əlaməti olan sıçrayıcı
periferik nəbzlər qeyd edilir.
•
Döş sümüyünün sol üst kənarında sistolik tril və apexdə diyastolik rulman eşidilə bilər.
Sol köprücük sümüyünün altında 1-4/6 dərəcə davamlı küy eşidilir.
•
Eisenmenger sindromu yaranıbsa axacaqdan qan keçişi soldan sağa(L-R) yerinə sağdan
sola(R-L) olacaqdır. Bu zaman isə xarakteristik əlamət sayılan Diferensiyal Siyanoz(
bədənin alt tərəfində siyanoz, üst tərəfi isə normal olur) izlənilir. Bunun səbəbi Botal
axacağın aortanın enən hissəsi ilə əlaqəli olması və keçiş tərsinə döndüyü zaman da
çirkli qanın yalnız bədənin aşağı hissəsinə axmasıdır.
•
Elektrokardiyoqrafiya:Kiçik və orta ölçülü PDA-larda EKQ normal və ya yalnız sol
mədəciyin hipertrofiyası(LVH) izlənilir. Əgəq qüsur genişdirsə hər iki mədəciyin
hipertrofiyası(BVH), Eisenmenger sindromu əmələ gəlibsə təkcə sağ mədəciyin
hipertrofiyası(RVH) izlənilir.
Rentgen: Kiçik defektlərdə ürəyin ölçüləri normaldır. Orta və geniş defektlərdə
kardiyomeqaliya qeyd edilir. Eisenmenger sindromu əmələ gəlibsə ürəyin ölçüləri normala
qayıdır, Pulmonar arteriya damar yatağı geniş görülür.
ExoKardiyoqrafiya: PDA parasternal qısa ox, yüksək parasternal qısa ox, suprasternal oyuq
baxışlarda görüntülənir. Ölçüsü isə ən dəqiq yüksək parasternal qısa oxda 2D ilə alınır. 2D ilə
həmçinin sol atriyum, sol ventrikul, aorta kökü,ana pulmonar arteriya və şaxələrinin ölçüləri
alınmalıdır.Rəgli Exokardiyoqrafiya ilə qapaq çatışmazlıqları, PDA-da axının yönü
görüntülənir. Sumple Volume texnikası PDA-ların dəyərləndirilməsində çox önəmli rola
sahibdir. Belə ki, bu metodla cursor PDA-nın pulmonar arteriyaya açıldığı yerin həməm
distalında yerləşdirilərək axın paternləri alınır.Davamlı müsbət axın yalnız sol-sağ keçişi
,davamlı neqativ axın yalnız sağ-sol keçişi göstərir. İki yönlü axın (sistolada erən neqativ
axının ardından diyastolada pozitiv axın) ciddi pulmonar hipertenziyası olan uşaqlarda
görülür.
Müalicə:
Medikal:Oksigen, prostaqlandin E
2
(PGE
2
), İndometasin, aspirin, asetilxolin, Bradikinin və
hestasiya yaşının Botal axacağın bağlanmasında önəmli yeri vardır. Oksigen axacağın düz
əzələlərini yığaraq bağlanmasına səbəb olur. Axacağın düz əzələsinin oksigenə verdiyi cavab
reaksiyası yenidoğulmuşun hestasiya yaşı ilə yaxından əlaqəlidir. Beləki, hestasiya yaşı nə
qədər azdırsa, oksigenə cavab da bir o qədər azdır. Fetal həyatda PGE
2
Botal axacağın açıq
qalmasında önəmli rola sahibdir. PGE
2
-nin əmələ gəlməsində iştirak edən Plasentanın aradan
qalxması və artmış qan axını ilə ağciyərlərdən təmizlənməsi nəticəsində doğuşdan sonra qanda
PGE
2
səviyyəsi azalır. Bu isə Botal axacağın bağlanmasına səbəb olur.İV İndometasin və
İbuprofen geniş PDA-lı yarımçıq doğulmuş uşaqlarda axacağın bağlanması üçün istifadə edilə
bilər. Artıq mərkəzimizdə bu məqsədlə yan təsirlərinin daha az olması və daha güvənli olması
səbəbi ilə Parasetamol istifadə edirik. Ananın hamiləlikdə yüksək dozada aspirin qəbul etməsi
fetal həyatda Botal axacağın bağlanmasına və ya daralmasına nəticədə Persistent Pulmonar
Hipertenziyaya səbəb ola bilər. Funksional olaraq bağlanmış(anatomik olmayan) Botal
axacaq hipoksiya, asidoz, Prostaqlandin infuziyası nəticəsində təkrar açıla bilər. Ürək
çatışmazlığı əmələ gəlibsə standart dekonjestiv müalicə(furosemid, kaptopril, veraşpiron)
aparılmalıdır.Hemodinamik təsirlərinin az olduğuna görə Diqoksn istifadə edilmir. Bakteriyal
endokardit profilaktikası tövsiyə edilir.
Transkatater PDA bağlanması:İlk dəfə 1967-ci ildə Porstman tərəfindən İvalon tıxac
istifadə edilərək Transkatater PDA bağlamışdır.1979-cu ildə Rashkind və Causo PDA-nın
bağlanması üçün poliüretan köpüklü disk şəmsiyə istifadə etmişdir.Günümüzdə PDA-nın
invaziv yolla bağlanmasında müxtəlif özəlliklərə sahib koillər və Amplatzer Duct Occluder
Device ( ADOI, ADOII, ADOII additional sizes) istifadəsi daha əlverişlidir. Hansı cihazın
istifadə ediləcəyi qərarı duktusun tipinə görə verilər( şəkil 1.1). Konik tip (A1,A2,A3,D)
duktuslarda koillər və Amplatzer istifadə olunur.Qısa duktuslarda (şəkil 1.1- B) ADOII, mus
VSD occluder, ASD occluder istifadə edilə bilər. Tunel şəkilli duktuslarda (şəkil 1.1-C)
ADOII, Uzun qıvrımlı duktuslarda (şəkil 1.1- E) isə seçim Amplatzerlər və ya koillərdir.
Dostları ilə paylaş: |