GİRİŞ
Ürək xəstəlikləri dünyadakı bütün ölüm səbəbləri arasında birinciliyini qorumaqdadır.
Kardiologiya və kardiocərrahiyyə sahələrindəki inkişaflara baxmayaraq, bu fakt əsrimizin ikinci
onilliyində də dəyişməz olaraq qalır. Dünya Səhiyyə Təşkilatının (World Health Organization)
açıqladığı statistikaya görə, 2012-ci ildə 17,5 milyon insan ürək-qan damar xəstəliklərindən
(bütün ölümlərin 31%-i) vəfat etmişdir. Bu ölüm hallarından 7,4 milyonu bilavasitə koronar
arteriya xəstəliyindən ötrü başvermişdir.
Bu gün ÜİX-nin müalicəsi, əsasən üç istiqamətdə aparılır; konservativ (dərman) müalicə,
perkutan koronar müdaxilə (balon angioplastika və stent implantasiyası) və cərrahi müalicə
(koronar şuntlama).
Aorto-koronar şuntlama (AKŞ) əməliyyatları, 50 ilə yaxındır ki, ÜİX-nin standart müalicə
metodlarından biri hesab olunur. İlkin təcrübələrdən (Vinebergin daxili döş arteriyasını
miokarda yerləşdirməsi və s.) sonra 1967-ci ildə Favoloro böyük dərialtı venanı qreft kimi
istifadə edərək koronar arteriyaya anastomoz etdi. Bununla da, müasir koronar arteriya
cərrahiyyəsi başlamış oldu. Bugün isə, minimal invaziv metodlarla, döyünən ürəkdə və
robotların yardımı ilə tətbiq olunan bir cərrahi əməliyyata çevrilmişdir. Cərrahi metodikanın
inkişafına paralel olaraq, süni qan dövranının mexanizmi daha yaxşı aydınlaşdırılmış, kardiak
anesteziya və reanimasiyada ciddi irəliləyişlər qeyd olunmuşdur. Bütün bunların nəticəsində,
planlı AKŞ əməliyatlarında ölüm faizi 1%-in altına düşmüşdür.
Hal-hazırda aparılan araşdırmalar, əsasən fəsadlaşmaların azaldılmasına, cərrahi
revaskulyarizasiyanın uzaq dövr nəticələrinin daha da yaxşılaşdırılmasına, qreft okkluziyasının
mexanizminin aydınlaşdırılmasına istiqamətlənmişdir.
Ölkəmizdə, müasir koronar arteriya cərrahiyyəsi 2001-ci ildə Mərkəzi Klinikada tətbiq
olunmağa başlamışdır. Daxili döş arteriyası başda olmaqla arteriyal və venoz qreftlərdən
istifadə etməklə, həm süni qan dövranı vasitəsilə, həm də döyünən ürəkdə AKŞ əməliyyatları
geniş şəkildə tətbiq olunmuşdur. Mərkəzi Klinikada bu əməliyyatlar həm standart median
sternotomiya ilə, həm də minimal invaziv kəsiklərlə icra olunmuşdur. Qürurverici haldır ki,
bugün AKŞ əməliyyatları respublikamızda bir çox mərkəzdə dünya standartlarında tətbiq
olunmaqdadır.
Ölkəmizdə müasir kardiocərrahiyyə mərkəzlərinin sayının və keyfiyyətinin daha da
artırılması üçün gənc kadrların hazırlanması ən vacib məsələ kimi qarşımızda durur. Gənc
kadrların hazırlanmasında praktik fəaliyyətlə məşğul olan mərkəzlərlə yanaşı, əyani vəsaitlərə
də ehtiyac duyulur. Bu kitab məhz bu ehtiyacı qarşılamaq üçün nəzərdə tutulmuşdur.
Kitab, ÜİX-nin cərrahi müalicəsinin bütün aspektlərini nəzərə alır. Verilən məlumatlar bu
sahədəki ən müasir elmi nailiyyətlərə əsaslanır. Xəstəliyin və onun müalicə metodlarının bir
bütün olduğuna inandığımız üçün, ÜİX-nin epidemiologiyası, klinikası, diaqnostikası və qeyri-
cərrahi müalicə metodları barəsində də ətraflı məlumat verməyə çalışdıq.
Əlinizdəki kitab bu sahədə ana dilimizdə yazılan ilk nəşrdir. Bu səbəbdən ötrü bəzi əksik
və qüsurları olabilər. Bu əksik və çatışmazlıqlar barəsində öz dəyərli tənqid və təkliflərinizi
kamrancan@yahoo.com
adresinə göndərə bilərsiniz. Əvvəlcədən minnətdarlığımızı
bildirməklə yanaşı, bu tənqid və təkliflərinizin kitabın növbəti nəşrlərində mütləq nəzərə
alınacağını ifadə etmək istəyirik.
Və nəhayət, kitabın hazırlanmasında əməyi keçən, mənəvi dəstək olan hərkəsə sonsuz
təşəkkürlər.
Tibb elmləri doktoru
Kamran Kazım oğlu Musayev
Bakı, Azərbaycan
MÜNDƏRİCAT
ANADANGƏLMƏ ÜRƏK QÜSURLARI
-
AÇIQ ARTERİAL AXACAQ
-
AORT KOARKTASİYASI
-
QULAQCIQLARARASI ÇƏPƏR DEFEKTİ
-
MƏDƏCİKLƏRARASI ÇƏPƏR DEFEKTİ
-
FALLO TETRADASI
-
KOMPLEKS ANADANGƏLMƏ ÜRƏK QÜSURLARI
o
BÖYÜK DAMARLARIN TRANSPOZİSİYASI
o
HİPOPLASTİK SOL MƏDƏCİK SİNDROMU
ÜRƏYİN İŞEMİK XƏSTƏLİYİ
-
ATEROSKLEROZ
-
ST ELEVASİYALI MİOKARD İNFARKTI (STEMİ)
-
QEYRİ-STABİL STENOKARDİYA (QSS) VƏ ST ELEVASİYASIZ
MİOKARD İNFARKTI (NSTEMİ)
-
GƏRGİNLİK STENOKARDİYASI
-
KORONAR ŞUNTLAMA ƏMƏLİYYATINA GÖSTƏRİŞLƏR
MİTRAL QAPAQ XƏSTƏLİKLƏRİ
-
MİTRAL QAPAĞIN ANATOMİYASI
-
MİTRAL QAPAQ XƏSTƏLİKLƏRİN DİAQNOSTİKASI
-
MİTRAL QAPAQ XƏSTƏLİKLƏRİN MÜALİCƏSİ
-
MİTRAL QAPAQ XƏSTƏLİKLƏRİN CƏRRAHİ MÜALİCƏSİ
AORTAL QAPAQ XƏSTƏLİKLƏRİ
-
AORT QAPAĞIN ANATOMİYASI
-
AORT QAPAQ XƏSTƏLİKLƏRİN DİAQNOSTİKASI
-
AORT QAPAQ XƏSTƏLİKLƏRİN MÜALİCƏSİ
-
AORT QAPAQ XƏSTƏLİKLƏRİN CƏRRAHİ MÜALİCƏSİ
SÜNİ QAN DÖVRANI
İXTİSARLAR
LDL – aşağı sıxlıqlı lipoproteinlər
CRP – C reaktiv zülal
ÜİX – Ürəyin İşemik Xəstəliyi
KMİ – Kəskin Miokard İnfarktı
STEMİ – ST elevasiyalı miokard infarktı
QSS – Qeyri-stabil stenokardiya
NSTEMİ – ST elevasiyasız miokard infarktı
HDL – yüksək sıxlıqlı lipoproteinlər
EKQ – elektrokardioqrafiya
KT – komputer tomoqrafiya
MRT – maqnit rezonans tomoqrafiya
KAQ – koronar angioqrfaiya
AF (EF) – atım fraksiyası
LMCA (LM) – sol ana koronar arteriya
LAD – sol ön enən (mədəciklərarası) arteriya (SÖMA)
Cx – dolanan arteriya
OM – geniş kənari şaxə
RCA – sağ koronar arteriya
PDA – arxa enən (mədəciklərarası) arteriya
AKŞ (CABG) – aorto-koronar şuntlama
KKS – kəskin koronar sindrom
CK-MB – kreatinin fosfokinazın miokardial bandı
VSR – mədəciklərarası çəpərin yırtılması
BNP – qanda natriuretik peptid
PKM – perkutan koronar müdaxilə
PTKA – perkutan transluminal koronar angioplastika
APTT (APTZ) – aktivə olunmuş protrombin zamanı
PTZ – protrombin zamanı
tPA – toxuma plazminogen aktivatoru
RKT – Randomizə Klinik Tədqiqat
FFR – axın ehtiyatı fraksiyası
AMS – açıq metal stent
DÖS – dərmanla örtülmüş stent
LV – sol mədəcik
LVEF – sol mədəciyin atım fraksiyası
İMA (DDA) – daxili döş arteriyası
LİMA – sol daxili döş arteriyası
RİMA – sağ daxili döş arteriyası
MACCE – əsas kardiyovaskulyar və serebral hadisələr
DAPT – ikili antitrombositar terapiya
QBZ – qapıdan balona qədər zaman
İCD – inrtakardiak defibrilyator
SVR – cərrahi üsulla mədəciyin rekonstruksiyası
LVESVİ – sol mədəciyin son sistolik həcm indeksi
İABP – İntra-aortik balon pompa (kontrpulsator)
Dostları ilə paylaş: |