beynəlxalq mövqelərini gündən-günə möhkəmlədən Azərbaycan
Respublikasını müstəqillik yolundan döndərə bilməzdi. 1997-ci ilin
oktyabrında Gürcüstan, Ukrayna, Azərbaycan və Moldova dövlət başçıla-
n əməkdaşlıq haqqında kommyunike imzaladılar. Noyabrın 25-də Bakıda
«GUAM» blokunun təşkilini bəyan edən rəsmi protokol imzalandı, bu
ölkələr arasında iqtisadi, siyasi, hərbi təsir sahəsində mövqeləri
əlaqələndirməyə imkan verən strateji partnyorluğa hüquqi əsas yarandı.
1999-cu ilin aprel ayında Özbəkistan da bu quruma qoşuldu və təşkilat
«GUÖAM» adlanmağa başladı. Həmin ilin mart ayında bu dövlətlər
MDB daxilində Kollektiv Təhlükəsizlik Müqaviləsinə qoşul- maqdan
imtina etdilər. Belə prinsipial mövqe Rusiyanın onlara münasibətini xeyli
yumşaltdı. 2001-ci ilin iyununda «GUÖAM» dövlət başçı- lannın Yalta
görüşündə bu təşkilatın iqtisadi sahələrə üstünlük verəcəyi elan edildi.
2001-ci il yanvann 9-da Rusiya Federasiyasının prezidenti V.Putin
Bakıya rəsmi səfərə gəldi. Ölkələrarası münasibətlərinin inkişafına
istiqamətləndirilmiş konkret tədbirlərin vacibliyi barədə «Bakı
bəyannaməsi» imzalandı. 2002-ci ilin əvvəllərində Rusiya ilə Türkiyə
arasında hərbi əməkdaşlıq müqaviləsi imzalandı. Türkiyənin Qafqazda
nüfuzu xeyli artdı. 2002-ci ilin yanvann 24-də Azərbaycan Prezidenti
Rusiya Federasiyasına rəsmi səfər etdi. Bağlanmış müqavilələr iki ölkə
arasında münasibətlərin inkişafına istiqamətlənmişdi. Azərbaycan Qəbələ
İnformasiya mərkəzini 10 ilə Rusiyaya icarəyə verdi. Müdrik, müstəqil və
prinsipial siyasət Azərbaycanın beynəlxalq mövqelərini daha da
möhkəmləndirirdi. Respublika 2001-ci il yanvann 26-da Avropa Şurasına
üzv qəbul edildi. Avropa Şurası Parlament Assambleyasında millət vəkili
İlham Əliyevin başçılığı ilə Azərbaycan nümayəndə heyəti
Ermənistan-Azərbaycan Dağlıq Qarabağ münaqişəsi mahiyyətinin
düzgün qiymətləndirilməsi, erməni təcavüzünün, terrorizminin və
narkobiznesinin ifşa olunması istiqamətində geniş və səmərəli iş
aparmağa başladı.
Öli^ə demokratiyanın, qanunçuluğun, plüralizmin inkişafma real
imkanlar nəzərə alınmaqla, münasib yollar və vasitələr açılmağa
başlanmışdı.
Müstəqil
Azərbaycan
Respublikası
ilk
Konstitusiyasının
hazırlanması üçün prezidentin rəhbərliyi ilə xüsusi Komissiya təşkil
edildi. Respublikanın ən görkəmli hüquqşünaslarının cəlb olunduğu bu
komissiya Azərbaycan xalqının milli xüsusiyyətləri, habelə qabaqcıl
demokratik ölkələrin təcrübəsi əsasında «Azərbaycan Respublikası
Konstitusiyası» layihəsini hazırladı. Bu hüquqi sənəd cəmiyyətdə geniş
496
müzakirə olunub dəqiqləşdirildikdən sonra 1995-ci il noyabnn 12-də
rete- rendum ilə qəbul edildi. Azərbaycanın yeni Konstitusiyası ölkədə
demokratik dövlət və iqtisadiyyat, vətəndaş cəmiyyəti quruculuğuna
hüquqi əsas yaratdı. Konstitusiyada Azərbaycan xalqının və dövlətinin ən
mühüm məqsədləri - Azərbaycan dövlətinin müstəqilliyini, suverenliyini
və ərazi bütövlüyünü qorumaq, demokratik quruluşa təminat vermək,
vətəndaş cəmiyyətinin bərqərar edilməsinə nail olmaq, hüquqi, dünyəvi
dövlət qurmaq, ədalətli iqtisadi və sosial qaydalara uyğun olaraq hamının
layiqli həyat səviyyəsini təmin etmək, ümumbəşəri dəyərlərə sadiq olaraq
bütün xalqlarla dostluq, sülh və əmin-amanlıq şəraitində yaşamaq bəyan
olunurdu. Burada təsbit olunan 158 maddədən 48-i (təqribən 1/3-i) insan
hüquq və azadlıqlarına, onlann təmin olunması mexanizminə həsr
olunmuşdu. 1998-ci il aprelin 28-də Naxçıvan MR-in Konstitusiyası
qəbul edildi.
Şübhəsiz, yüz illərlə demokratik dövlətçilik ənənələri olan
dövlətlərlə hələ keçid dövrü yaşayan Azərbaycanı müqayisə etmək
olmazdı, lakin burada müstəqil dövlət, vətəndaş cəmiyyəti quruculuğu
sahəsində həyata keçirilən işlər beynəlxalq hüquqi standartlara uyğun idi.
Qa- nunlann sivil dünya dövlətlərinin hüquqi dövlət quruculuğu
ənənələrinə, beynəbcalq hüquq normalarına, Avropa Şurası və dünya
demokratik qanunvericilik təsisatları tələblərinə uyğun hazırlanması
üçün Azərbaycan Respublikası Prezidenti yanında 1996-cı ilin fevralında
xüsusi «Hüquqi İslahatlar Komissiyası» yaradılmışdı. Siyasi və iqtisadi
islahatlarla əlaqədar hazırlanan çox mühüm hüquqi aktların insan hü-
quqlan və azadlıqlanmn müdafiəsi haqqında Avropa Konvensiyasına
uyğunluğu baxımından Avropa Şurasında ekspert rəyindən keçməsi də
respublikada demokratik cəmiyyət qurulmasına təsirli kömək idi.
Azərbaycan Respublikası Avropa Şurasının «Venetsiya qanunu
vasitəsilə demokratiyaya doğru» komissiyasına assosiativ üzv qəbul
olunmuşdu.
1998-
ci ilin fevralında Prezident Heydər Əliyev «İnsan və
vətəndaş hüquqlannm və azadlıqlanmn təmin edilməsi sahəsində
tədbirlər haqqında» fərman imzaladı.
Azərbaycan Respublikası şərqdə ölüm cəzasını ləğv edən ilk ölkə
oldu. Hələ 1993-cü ildən burada ölüm cəzasına faktiki moratorium
qoyulmuşdu. 1996-cı ildə Cinayət məcəlləsinin 21-ci maddəsi
sanksiyasından ölüm cəzası götürüldü, qadınlara, 65 yaşdan yuxarı
kişilərə ölüm cəzası verilməsi qadağan olundu. 1998-ci ilin fevralında
Heydər
497