—
yeni fundamental və tətbiqi biliklər əsasında kənd təsərrüfatında
intensivləşdirilən proseslərin biologiyalaşdırılması və ekologiyalaşdırıl- ması;
—
təbii, bioloji, texnoloji, əmək və digər resurslardan fərqli istifadə,
həmçinin yerli şəraitə uyğun aqronomik üsullar və təkmilləşdirilmiş
texnologiya hazırlamaq;
—
becərilən sortlarm və bitkilərin növ və gen müxtəlifliklərinin
artırılması əsasında yüksək məhsuldar, ekoloji davamlı və estetik dəyərli
aqrosistemlər və aqrolandşaftlarm yaradılması; biosenotik özününizam- layan
yeni mexanizm və strukturun saxlanması və yaradılması, biogeo- kimyəvi
tsikllərin qapalılıq dərəcəsinin gücləndirilməsi;
—
becərilən bitkilərin fotosintez prosesində ətraf mühit resurslarından
yüksək effektlə istifadə qabiliyyətinin artırılması;
—
canlı orqanizmlərin inkişafının və formalaşma səviyyəsinin müxtəlif
mərhələlərində (subhüceyrədən başlamış orqanizmə, biosenoza və hətta
biosfer mərhələsinə qədər) adaptasiya reaksiyalarının idarə olunması üzrə
tədqiqatların genişləndirilməsi;
—
becərilən bitki növ və sortlarınm, aqroekosisteminin və landşaftın
məhsuldarlığının və mühityaradıcı rolunun artırılması.
Yuxarıda göstərilənlərə əsaslanaraq, kənd təsərrüfatı istehsalı prosesində
təbiətin və insan cəmiyyətinin balanslaşdırılmış inkişafını təmin etmək olar.
119
VII
FƏSİL
KƏND TƏSƏRRÜFATI İSTEHSALININ
TƏBİİ-RESURS POTENSİALI VƏ ƏRZAQ PROBLEMİ
7.1.
TƏBİİ RESURSLAR
Resurs dedikdə öz ehtiyacını və arzularını təmin etmək üçün insanın
təbii mühitdən əldə etdikləri hər bir şey nəzərdə tutulur. İnsanın tələbatını
maddi və
mənəvi tələbata bölmək olar. Təbii resurslardan istifadə etdikdə o,
müəyyən qədər insanın mənəvi tələbatını da ödəyir. Məsələn, estetik
(«təbiətin gözəlləyi»), rekreasiya və s. Lakin onun əsas təyinatı, məqsədi -
insanın maddi tələbatını ödəməkdir, yəni maddi nemətlər yaratmaqdır.
Beləliklə, təbii resurs dedikdə, o, təbii obyektlər və hadisələr olub, insan
onlardan maddi nemət kimi istifadə edir. Bu isə bəşəriyyətin mövcudluğunu
saxlamaqla yanaşı, həm də tədricən həyatın keyfiyyətinin yüksəlməsini təmin
edir.
İnsan tərəfindən istifadə edilən təbii resurslar olduqca müxtəlif olub,
onların təyinatı, mənşəyi, istifadə üsulları müxtəlifdir. Bu isə onları müəyyən
istiqamətdə sistemləşdirməyi tələb edir. Təbii resursları təsni- fatlaşdırmaq
üzrə bir neçə yanaşmalar mövcuddur. Onlar aşağıdakılardır. Mənşəyinə görə
təbii resurslar bioloji, mineral və energetik resurslara bölünür.
Bioloji resurslar - bura biosferin bütün canlı mühitəmələgətirən
komponentləri (produsentlər, konsumentlər və redusentlər və onlarla bağlı
genetik resurslar) daxildir (Peymers, 1990). Onlar insanların maddi və mənəvi
nemətlərinin mənbəyi sayılır. Bura mədəni bitkilər, ev heyvanları, mənzərəli
landşaftlar, mikroorqanizmlər, bitki resursları, heyvanat aləmi resursları və s.
aiddir. Genetik resurslar xüsusi əhəmiyyət kəsb edir.
Mineral resurslar - Bura litosferi təşkil edən istifadə üçün yararlı bütün
maddələr daxildir. Onlar təsərrüfatda mineral xammal, yaxud yanacaq kimi
istifadə olunur. Mineral xammal filiz halında olub ondan metal alınır və qeyri
filiz halında olub, ondan qeyri metal komponentlər (fosfor və b.) əldə edilir,
yaxud da tikinti materialı kimi istifadə olunur.
Mineral ehtiyatlar yanacaq kimi (daş kömür, neft, qaz. qaynar şist- lər,
torf, oduncaq, atom enerjisi) istifadə edilməklə yanaşı, buxar və elektrik əldə
etmək üçün mühərriklərdə enerji mənbəyi rolunu oynayırsa, onlar
yanacaq-energetik resurslar adlanır.
Energetik resurslar. Günəş və kosmos, atom-energetikasj, yanacaq-
energetikası, termal və digər enerji mənbələrinin məcmusu energetik re
120
surslar adlanır.
İstehsalatda istifadə olunmasına görə təbii resursları aşağıdakı
təsnifata ayırırlar:
—
Torpaq fondu. Hər hansı bir ölkə, rayon, yaxud bütün dünya
ərazilərindəki torpaqlar öz təyinatına görə aşağıdakı qruplara daxil olur: kənd
təsərrüfatı, yaşayış məntəqələri, qeyri kənd təsərrüfatı təyinatlı (sənaye,
nəqliyyat, dağ-mədən və b.). Dünyanın torpaq fondu - 13,4 milyard hektar
təşkil edir. Kənd təsərrüfatı istehsalı resurslarına aid olan təbii elementlər kənd
təsərrüfatı məhsulu əldə etməkdə iştirak edir: a) aqroiqlim resursları - mədəni
bitkilərin böyümə və inkişafına lazım olan istilik və rütubətlik; b) torpaq
resursları.
—
Bitki örtüyü fondu - Qurunun torpaq fondunun bir hissəsi olub bura
meşə fondu və otlaqlar daxildir. Bu ərazilərdə kənd təsərrüfatı istehsalı və
xüsusi mühafizə olunan obyektlər (qoruq və b.) təşkil olunur və bunlar bioloji
resursların bir hissəsi sayılır.
—
Su resursları - Təsərrüfatda müxtəlif məqsədlər üçün istifadə edilən
yeraltı və yerüstü suların məcmusu (əsas mənbəyi çay sulan hesab edilən şirin
su resursları xüsusi əhəmiyyət kəsb edir).
—
Hidroenerji resursları - Çay suları və okeanın qabarma - çəkilmə
fəaliyyəti və b.
—
Fauna resursları - Ekoloji tarazlığı pozmadan insan tərəfindən
istifadə olunan su, meşə və başqa yerlərdə məskunlaşan heyvanlar.
—
Faydalı qazıntılar (filiz, qeyri-filiz, yanacaq-energetik) -
Təsərrüfatda istifadə oluna bilən Yer qabığında mineralların təbii toplanması.
Toplanan faydalı qazıntılar, onların yataqlarını əmələ gətirir, onların ehtiyatı
sənaye əhəmiyyəti daşımalıdır.
İnsan tərəfindən istifadə edilmə vaxtına görə təbii resurslar real və
potensial resurslara bölünür. Real resurslara hazırda insanların istehsalat
prosesində istifadə etdiyi resurslar aiddir. Bunlara misal olaraq ilk növbədə
istifadə olunan torpaqlar, müxtəlif bitkilər, ov balıqları, istehsal olunan neft,
daş kömür, qaz, elektrik enerjisi və s. daxildir. Məlum olduğu kimi, insanlar
özünün ilk inkişaf dövründə torpaq, bitki və heyvanat, aləmindən primitiv
istifadə etmiş, sonralar isə insan texnika ilə silahlanaraq heyvan, quş, balıq,
ovlamış, meşələri qırmış, torpağı becərmiş, daha sonra neft, daş kömür, qaz
istehsal etmiş, yaxın zamanlarda isə atom enerjisindən istifadə etməyə
başlamışdır.
Potensial təbii resurslar isə müəyyən səbəblərdən insan tərəfindən
(əsasən texniki səbəbdən) ya istifadə edilmir, yaxud da kifayət dərəcədə
istifadə olunmur. Bura Günəş enerjisi şüaları, dəniz qabarma - çəkilmələri,
külək və b. aiddir. Bura insan tərəfindən mənimsənilə bilməyən planetləri,
məsələn, Ay planetini də aid etmək olar.
121