29
həyata keçirilmişdir. I Kültəpə və Ovçular Təpəsinin obsidian məmulatı
arasında az da olsa Şərqi Anadoludan – Meydandağdan gətirilmiş
obsidiandan
da istifadə olunmuşdur ki, bu da Şərqi
Anadolu ilə əlaqələrin
olduğunu təsdi
q
edir (Tablo 2).
Babək rayonunun Sirab kəndindən şimalda yerləşən Uçan Ağıl
yaşayış yerinin yerüstü materialları boyalı qablar və samanlı keramika
nümunələrindən ibarətdir (Şəkil 15, 1, 2; Şəkil 17). Abidədə Kür-Araz
mədəniyyətinə aid keramika parçalarına da rast gəlinmişdir. Tapıntılar
arasında Duzdağdan məlum olan daş baltalara bənzər bir ədəd əmək alətinin
aşkar olunması da diqqətəlayiqdir. Yaşayış yerində üç yerdə qazıntı
aparılmışdır. Birinci sahənin ölçüsü 5x5 m, ikinci sahənin ölçüsü 5x5 m,
üçüncü sahənin ölçüsü 5x10 m olmuşdur. Qazıntılar mədəni təbəqənin
relyefdən asılı olaraq 20-60 sm arasında olduğunu göstərir. Uçan Ağıl
yaşayış yerinin tədqiqi zamanı saman qarışığı olan qırmızı rəngli keramika
nümunələri, o cümlədən boyalı qabların parçaları aşkar olunmuşdur.
Keramika nümunələrinin araşdırılması onların e. ə. V minilliyin birinci
yarısına və Ovçular Təpəsindən əvvələ aid olduğunu təsdiq edir.
Bu, abidələrdən götürülən karbon nümunələrinin analizi ilə də təsdiq
olunmuşdur. Uçan Ağıl yaşayış yerindən Culfa Kültəpəsindən məlum olan
Dalma Təpə tipli boyalı keramika parçalarının aşkar olunması bu yaşayış
yerləri arasında əlaqələrin olduğunu təsdiq etməkdədir. Ovçular Təpəsi
yaşayış yerindən götürülən karbon nümunələrinin analizi Son Eneolit
dövrünə aid nəticələr vermişdir. Bu yaşayış yerindən Dalma Təpə tipli
boyalı
keramika aşkar olunmasa da, bir nümunə ilə
təmsil olunan Ubeyd tipli
boyalı keramika Mesopotamiya ilə əlaqələrin olduğunu göstərir. Qeyd edək
ki, Uçan Ağıldan aşkar olunan boyalı keramika nümunələrinin biri də
Mesopotamiya ilə əlaqələrin olduğunu təsdiq edir. Bununla bərabər Sirabçay
hövzəsindən aşkar olunan Son Eneolit dövrü keramikası Ovçular Təpəsi
mədəniyyətində fərqli xüsusiyyətlərə malikdir. Ovçular Təpəsindən fərqli
olaraq Sirabçay hövzəsinin Son Eneolit keramikasında darama bəzəmələr
yoxdur. Ovçular Təpəsindən sonraya aid olan bu mədəniyyət sarı və qırmızı
rəngli, saman qarışığı olan keramika ilə təmsil olunmuşdur. Saman qarışığı
olan keramika nümunələrinin bir qismi cilalanmışdır. Keramika
nümunələrinin bir qismi isə qaba qum qarışığı olan gildən hazırlanmışdır. Bu
yaşayış yerlərinin araşdırılması Naxçıvanın Erkən və Son Eneolit dövrü
mədəniyyətinin Urmiya hövzəsi və Şərqi Anadolu ilə əlaqələr şəraitində
inkişaf etdiyini göstərir.