13
nin daxil olduğu Göm rük İt tifaqı yaradıldı. Lakin xaricdən, xüsusilə Böyük Britaniyadan
sənaye mallarının axını, əhalinin alıcılıq qabiliyyətinin aşağı olması və bir sıra xammal
növlərinin çatışmaması sənayenin inkişafını ləngidirdi.
Napoleon Fransası ilə müharibədən sonra Almaniyanın siyasi cəhətdən birləşdirilmə-
si uğrunda genişlənmiş hərəkatda tələbə gənclər daha fəal idilər. Onlar mürtəce siyasi
xadimlərə qarşı terrordan istifadə edirdilər. Hakimiyyət orqanları buna cavab olaraq onla-
ra qarşı sərt cəza tədbirləri tətbiq etdilər. Müxalif siyasi xadimlərin bəziləri ölkəni tərk et-
mək məcburiyyətində qaldılar. Liberal müxalifət 1848–1849-cu illər burjua-demokratik
inqilabları dövründə vahid dövlətin yaradılmasına nail olmaq üçün Frankfurt-Mayn şəhə-
rində ümumalman parlamentini topladı.
“Professorlar parlamenti” də adlandırılan bu
məclisdə Almaniyanın birləşdirilməsinin “Kiçik Almaniya”, yəni Avstriyanın iştirakı olma-
dan və “Böyük Almaniya”, yəni bütün alman
dövlətlərinin iştirakı ilə iki fərqli yolu müzakirə
edildi. Öz hakimiyyətlərindən imtina etmək
istəməyən alman monarxları parlamentin qəbul
etdiyi və ölkənin siyasi birliyini nəzərdə tutan
konstitusiyanı rədd etdilər. Bundan sonra –
1849–1850-ci illərdə Prussiyanın Avstriyanı kə-
narlaşdırmaq və Almaniya İttifaqını yenidən
qurmaq səyləri Rusiyanın kəskin müqaviməti ilə
üzləşdi.
“Olmyuts təhqiri” Prussiyanın Almaniyada hegemonluq iddialarına hələlik zər-
bə vursa da, “Kiçik Almaniya” planının tərəfdarlarının sayı artdı. 1850-ci illərdə Prussiya
iqtisadi və hərbi cəhətdən xeyli gücləndi. Rusiyadan asılı olan Avstriya Almaniyada nüfu-
zunu itirməyə başladı.
Almaniya imperiyasının təşkili.
Prussiyada konstitusiya böh-
ranı ilə əlaqədar hökumətin başçısı təyin edilən
Otto fon Bismark
Almaniyanın birləşdirilməsi üçün əvvəlcə Rusiyanın bu məsələdə
bitərəfliyinə nail oldu. Danimarka kralının Şlezviq və Holşteyndə
siyasətini kəskin ittiham edən Bismark 1864-cü ildə Prussiyanın
Danimarkaya qarşı müharibəsində Avstriya və digər alman dövlət-
lərinin öz müttəfiqləri kimi iştiraklarını təmin etdi. Qalib gəldikdən
və həmin ərazilər Danimarka krallığından geri alındıqdan sonra
onların idarəçiliyi ilə bağlı Avstriya ilə yaranmış mübahisədən
bəhanə kimi istifadə edən Prussiya 1866-cı ildə bu dövlətə qar-
şı müharibəyə başladı. Alman dövlətlərini qarşı-qarşıya qoyan bu
müharibəni bəzən “Almaniya-Almaniya”, “40 günlük”, “7 həftəlik”
müharibələr də adlandırırlar. Müharibədə İtaliya krallığı ilə birlikdə qalib gələn Prussiya
Avstriyanı Almaniya İttifaqını tərk etməyə məcbur etdi və 22 alman dövləti ilə birlikdə
Şimali Almaniya İttifaqını yaratdı. 1867-ci ildə
qüvvəyə minən Konstitusiya Prussiyanın İtti-
faqda hökmranlığını təsbit edirdi.
1870-ci ilin
iyulunda Bismark Fransa impe-
ratoru III Napoleonu müharibəyə təhrik etdi.
Prussiya müharibədə digər alman dövlətlərinin hərbi yardımından istifadə edərək qalib
gəldi. Cənubi Almaniyanın 4 dövləti Şimali Almaniya İttifaqına daxil olduqdan sonra
1848–1849-cu illər inqilabları dövründə Almaniyanın vahid dövlət halında birləşdirilməsi
nə üçün mümkün olmadı?
?
“Professorlar parlamenti” –
Məclisin belə
adlandırılmasının səbəbi buraya seçilmiş
49 professorun Məclisin işində fəal iştirak
etməsi ilə bağlı idi.
“Olmyuts təhqiri” –
Prussiya ilə Avstriya
arasında yaranmış növbəti münaqişəyə
müdaxilə edən Rusiya imperatoru I Nikolay
1850-ci il noyabrın 29-da Çexiyanın Olm-
yuts şəhərində Prussiyanı iddialarından im-
tinaya məcbur edən saziş imzalatdırmışdı.
Prussiyada konstitusiya böhranı –
1860–
1862-ci illər də Prussiyanın nümayəndəli qa-
nunverici or qanı (landtaq) hökumətin hərbi
islahatını maliyyələşdirməkdən imtina etdiyi
üçün kral ilə münaqişə yaranmışdı.
Otto fon Bismark
LAYİHƏ
14
1870-ci ilin dekabrında İttifaq Almaniya imperiyası
adlandırıldı. 1871-ci il yanvarın 18-də (Prussiya-
nın 1701-ci ildə krallıq elan edildiyi gün) Versal-
da “Müqəddəs Roma imperiyası”nın bərpası elan
olunsa da, yeni yaradılmış dövlət Almaniya impe-
riyası və ya II İmperiya (reyx)
**
adlanırdı. Prussiya
kralı, Hohensollerlər sülaləsindən olan I Vilhelm
imperator elan edildi.
Almaniya imperiyası XIX əsrin sonu – XX
əsrin əvvəllərində.
1871–1890-cı illərdə imperi-
ya hökumətinin başçısı (kansler) olmuş Bismarkın
imperiyanın təşəkkül tapmasında böyük xidmət-
ləri da nılmazdır. Bismark vahid pul, çəki, ölçü,
bank, poçt, məhkəmə qanunvericiliyinin tətbiqi,
proteksionist siyasət, fəhlə qanunvericiliyi, katolik
kilsəsinin nüfuzunun sarsıdılması, radikal siyasi
qüvvələrə qarşı sərt cəza siyasəti və s. tədbirlər-
lə Almaniyanın güclənməsinə nail oldu. XIX əsrin
80-ci illərində Almaniyada sənaye çevrilişi başa çat-
dı. Yeni sənaye sahələri yaradıldı. Almaniya sənayesi texniki tərəqqinin yeni nailiyyət-
ləri ilə təchiz olunduğundan bu məhsullar rəqabətə daha davamlı idilər.
XX əsrin əvvəllərində Almaniya sənaye inkişafının səviyyəsinə görə yalnız ABŞ-
dan geri qalırdı. Bu dövrdə Almaniyada sosial-iqtisadi və inzibati-idarəçilik sahəsində
həyata keçirilən islahatlar cəmiyyətdə artan sosial narazılığı qismən aradan qaldıra
bildi.
İtaliya XIX əsrin I yarısında.
XIX əsrin əvvəllərində İtaliya ərazisi yenidən Avropa
dövlətlərinin müharibə meydanına çevrildi. İtaliyanın yerli dövlətlərinin və Avstriyanın
Fransa ordularının müdaxiləsinə qarşı apardıqları uğursuz müharibələr nəticəsində
ölkənin bir hissəsi fransız qoşunlarının işğalı altına düşdü. Yalnız Siciliya və Sardiniya bu
işğaldan kənarda qaldı. 1802-ci ildə
Napoleon Bonapartın başçılığı ilə
işğal olunmuş əraziləri əhatə edən
İtaliya respublikası yaradıldı. Müha-
ribələr təsərrüfatda dağıntılara sə-
bəb oldu. Fransız qoşunlarının zəbt
edilmiş ərazilərdə apardıqları ge-
nişmiqyaslı müsadirələr əhalinin
vəziyyətini daha da ağırlaşdırdı. La-
kin yadelli işğalın İtaliya üçün bəzi
faydaları da oldu. Burada müstəbid
siyasi rejimlər devrildi, feodal qay-
daları sarsıdıldı, kilsə torpaqları
müsadirə olundu, daxili gömrük
sərhədləri aradan qaldırıldı. 1805-ci
ildə fransız qoşunlarının işğal etdiyi
** I imperiya (reyx) 962–1806-cı illərdə
mövcud olmuş “Müqəddəs Roma im-
periyası” hesab edilir.
Otto fon Bismarkın Almaniya tarixində rolunu necə qiymətləndirərdiniz?
?
İtaliya XIX əsrin birinci yarısında
"...Almaniya Prussiyanın liberaliz-
minə deyil, onun qüdrətinə baxır;
qoy, Bavariya, Vürtemberq, Baden
liberalizmə güzəştə getsinlər, lakin
heç kim onlara Prussiyanın oynadı-
ğı rolu ayırmamışdır. Vyana müqa-
vilələrinə – traktatlarına əsasən,
Prussiyanın sərhədləri onun sağlam
dövlət həyatına yardım etmir;
müasir dövrün böyük məsələləri
çoxluğun nitqləri və qətnamələri ilə
deyil – bu, 1848 və 1849-cu illərin
böyük səhvi idi – dəmir və qan ilə
həll edilir..."
O.Bismarkın Landtaqın büdcə
komissiyasında çıxışından.
30 sentyabr 1862-ci il
LAYİHƏ