37
Bəzi sələf alimlər buyurur ki, özlərini əzablardan və
bəlalardan qorumaq üçün doğru olmayan bəzi ifadələr işlədirlər.
(“Đğasətul Ləhəfən” 1/381) Rəsulullah (s) bir neçə səhabəsi ilə
olarkən müşriklərin dəstəsi ilə qarşılaşır. Onlar soruşurlar: Siz
kimlərdənsiniz? Peyğəmbər (s) cavab verir: “Biz sudanıq”.
Müşriklər bir-birilərinə baxıb: “Bunlar yəqin Yəmən əhlidir.
Onlar burada çoxdurlar” dedilər və getdilər. (Đbn Hişam
“Peyğəmbər həyatı” 2/255)
Peyğəmbər (s) “biz sudanıq” deməklə Allah taalanın bu
ayəsinə istinad edirdi: “Axan sudan yaradıldı”. (ət-Tariq, 6)
Həmmadın (Allah ona rəhmət etsin!) yanına onunla
oturmaq istəmədiyi biri gələndə əlini dişinə tutub: dişim! dişim!
deyərdi.
Əhməddən Mərvazinin harada olmasını soruşdular. O da
Əhmədin yanında idi. Lakin, çölə çıxmaq istəmədi. Əhməd
barmağını ovucunun içinə qoydu və gələnlərə dedi: Mərvazi
burada deyil. O, burada nə edə bilər…? Əhməd bu cür hiylə
işlətməyi üç növə ayırmışdır:
1) Yaxınlaşmaq və itaət üçün. Bu, Allah qatında ən
fəzilətli əməllərdəndir.
2) Caiz və bəyənilən əməllərdə bunu yerinə yetirən və
ya tərk edən günah qazanmaz. Lakin, yerinə
yetirmək tərk etməkdən daha yaxşıdır. Və ya
şəraitdən asılı olaraq tərk etmək də olar.
3) Haram olan. Bu Allaha və onun rəsuluna (s) qarşı
yalan danışmaqdır. Allahın vacib etdiyini dəyərsiz
hesab etmək, dindən hesab etdiyini batil saymaq,
haram etdiyini halal saymaq, sələfləri, imamları və
hədis alimlərini inkar etmək bu növə aiddir.
(“Đğasətul Ləhəfən min Məsaidiş Şeytan” 1/384)
38
YALAN ŞAHĐDLĐK
Uca Allah mömin qullarını vəsf edərkən onların
yalandan şahidlik etmədiklərini buyurur.
Ey Allahın qulları, yalan yerə şahidlik etməkdən çəkin!
Allah taala buyurur: “Ey iman gətirənlər! (Şahidliyiniz) sizin
özünüzün, ata-ananızın, yaxın qohumlarınızın əleyhinə olsa
belə, ədalətdən möhkəm yapışan Allah şahidi olun!
(Əleyhinə şahidlik edəcəyiniz şəxs) istər dövlətli, istər kasıb
olsun, hər halda Allah onların hər ikisinə (sizdən) daha
yaxındır. Nəfsinizin istəyinə uyub haqdan üz çevirməyin!
Əgər dilinizi əyib büzsəniz və ya (doğru şəhadət verməkdən,
yaxud ümumən şahidlikdən) boyun qaçırsanız, (bilin ki)
Allah etdiyiniz işlərdən xəbərdardır”. (ən-Nisə, 135)
“Ey iman gətirənlər! Allah qarşısında (borcunuzu
yerinə yetirməkdə) sabitqədəm və ədalətli şahidlər olun. Hər
hansı bir camaata qarşı olan kininiz sizi ədalətsizliyə sövq
etməsin. Ədalətli olun. Bu, təqvaya daha yaxındır. Allahdan
qorxun. Allah etdiklərinizdən xəbərdardır”. (əl-Maidə, 8)
Həmçinin, Allah taala buyurur: “
O kəslər ki, düzgün
şəhadət verərlər. Və o kəslər ki, namazlarını (layiqincə)
hifz edərlər. Məhz onlar cənnətlərdə ehtiram olunacaq
(əzizlənəcək) kimsələrdir”. (əl-Məaric, 33-35)
“O kəslər ki, yalan yerə şahidlik etməz, faydasız bir
şeylə rastlaşdıqları (lağlağı bir söhbət eşitdikləri) zaman
onlardan üz çevirib vüqarla keçər”. (əl-Furqan, 72)
Allah taala buyurur: “Səfərdə olub katib tapmasanız,
girov saxlayın. Əgər bir-birinizə e’tibar edirsinizsə, e’tibar
olunmuş şəxs əmanəti geri qaytarsın və Rəbbi olan Allahdan
qorxsun! Şahidliyi (şahidi olduğunuz şeyi) gizlətməyin! Onu
gizlədən şəxsin qəlbi günahkardır. Allah etdiyiniz əməlləri
biləndir”. (əl-Bəqərə, 283)
39
“Yoxsa siz Đbrahimin, Đshaqın, Yə’qubun və onun
övladının (nəslinin) yəhudi və ya xaçpərəst olduqlarını iddia
edirsiniz? Allah sizin nə etdiklərinizdən xəbərsiz deyildir”.
(əl-Bəqərə, 140)
“Bunların (bu qadınların) gözləmə müddəti başa
çatdıqda (barışmaq istəsəniz) onları yaxşılıqla (mehrlərini
verib) yola salın. (Sonradan aranızda ixtilaf olmasın deyə)
içərinizdən iki ədalətli şahid tutun. (Siz də ey şahidlər!)
Allah üçün (doğru) şahidlik edin! Bununla Allaha və axirət
gününə iman gətirənlərə öyüd-nəsihət verilir. Kim Allahdan
qorxsa, Allah ona (hər çətinlikdən) bir çıxış yolu əta edər”.
(ət-Talaq, 2)
“(Ey insanlar! Həccin sizə vacib olan əməli) budur.
Və hər kəs (ihramda ikən) Allahın haram buyurduqlarına
hörmət (riayət) etsə, bu, Rəbbi yanında onun üçün xeyirli
olar. (Haram olduğu "Maidə" surəsində) sizə deyilənlərdən
başqa, qalan heyvanlar (onların ətini yemək) sizə halal
edilmişdir. Belə olduğu təqdirdə, murdar (başdan-ayağa
murdarlıq olan) bütlərdən qaçın, yalan sözlərdən də (Allaha
şərik qoşmaqdan da) çəkinin!” (əl-Həcc, 30)
“Bilmədiyin bir şeyin ardınca getmə (bacarmadığın
bir işi görmə, bilmədiyin bir sözü də demə). Çünki qular, göz
və ürək-bunların hamısı (sahibinin etdiyi əməl, dediyi söz
barəsində) sorğu-sual olunacaqdır.” (əl-Đsra, 36)
Allah taala buyurur: “De: "Rəbbim yalnız aşkar və
gizli alçaq işləri (zana etmək, lüt gəzmək və s.), hər cür
günahı, haqsız zülmü, Allahın haqqında heç bir dəlil nazil
etmədiyi hər hansı bir şeyi Ona şərik qoşmağınızı və Allaha
qarşı bilmədiyiniz şeyləri deməyinizi haram buyurmuşdur”.
(əl-Əraf, 33)
Imam Əbdürrəhman bin əl-Cövzi (Allah ona rəhmət
etsin!) Allah taalanın bu ayəsi barəsində deyir: “Bu ayə dində
Dostları ilə paylaş: |