Dintanıw pa’nine kirisiw joba

«Dintanıw» pa’ninin’ wazıypası – studentlerge h’a’zirgi dawirdegi dinlerdin’ ma’lim xalıq turmısında tutqan ornı h’aqqında ulıwma teoriyalıq tu’sinikler beriw, olardın’ ma’mleket h’am dini katnasıqları, dinler ara bawrıken’lik ideyası h’am ma’deniyatı h’aqkındag’ı bilimlerin bayıtıw, sol menen birge:

• Dinnin’ jamiyetgi sotsiallıq, ma’nawiy, ruwxıy tasiri h’aqqında bilimler beriw;

  
  

• Alg’ashqı diniy tusinikleri, milliy h’a’m jah’an dinleri ta’liymatları h’aqqında mag’lıwmat beriw;

  
  

• Dinnin’ mazmunı h’a’m onın’ insaniyat jamiyeti rawajındag’ı tu’rli tariyxıy basqıshlarda tutqan ornı h’aqqında mag’lıwmat beriw;

  
  

• Ja’miyetti ma’nawiy tarepten kamal taptırıwda diniy ka’diriyatlardın’ axmiyetin jaratıp beriw;

  
  

• Du’nyalıq ma’mleket h’am dinnin’ o’z ara qatnasıqların jarıtıp beriw;

  
  

• Diniy aqidaparastlıq, ekstremizm h’a’m fanatizm sıyaqlı unamsız illetler tusindirip h’am olarg’a karsı ideyalıq immunitetti ka’liplestiriw;

  
  

• O’zbekistan Respublikasında dinge bolg’an qatnasıqlardın’ tu’pten o’zgergenligi, islam dini qa’diriyatların tiklew jolında islenip atırg’an ilajlar h’aqqında ken’nen tu’sinik beriw.

  
  

«Dintanıw» pa’ninin’ a’meliy a’h’miyeti sonda ko’rinedi, ol studentlerge barlıq dinler qa’diriyatlarına h’u’rmet penen qaraw, olardı qa’dirlew ma’deniyatın ta’rbiyalaydı.
Dintanıw tariyx, filosofiya, psixologiya, sotsiologiya, arxeologiya h’a’m basqa gumanitar pa’nler menen bekkem baylanıslılıg’ı dintanıw teoriyasının’ bayıwına xızmet qıladı.


Din fenomenologiyasi. Fenomen, sa’wleleniwshi, ko’zge ko’riniwshi na’rsenin’ sistematik turde analiz qılınıwı. Dinnin’ ko’zge koriniwshi, sırtta ko’riniwshi ta’replerin u’yreniwshi ilim tarawı «Din fenomenologiyasi» dep ataladı. Din fenomenologiyasi, tariyxiy qa’liplesiwlerin itibarg’a almag’an h’alda diniy fakt h’a’m wapqıyalıqtın’ bizge ma’lim bolg’an ta’replerin tiykarg’ı orıng’a ko’reredi. Tu’rli dinlerdin’ ibadat h’a’m meresimlerin, muqaddes orınların analiz kılıp birdeylik ta’replerin tabıwg’a h’areket qıladı.
Din fenomenologiyasi diniy tuyg’ı h’a’m bul tuyg’ının’ ko’rinislerin derlik pu’tin du’nyada bir-birine uqsawına bildiredi. Barlıq dinlerdin’ ideyalarının’ bir ekenligin sıpatlawg’a h’a’reket qıladı. Sonın’ menen birge diniy belgilerde jasırıng’an ma’nilerdi ashıw h’a’m ka’ramatlı so’zlerdin’ muqaddes mazmunın jaratıw sıyaqlı isler onın’ wazıypasına kiredi.


Din fenomenologiyasi, materiallardı dinler tariyxınan aladı. Biraq ol bul materiallarg’a tariyxıylıqtan ko’re ko’birek sistematik tarepten jandasadı.