398
- Biz dünyaya gələndə fiziki və ruhi ehtiyaclarımızı birbaşa və
utanmadan həyata keçiririk. Süd verilməyəndə, altımızı isladanda
ağlayırıq. Fiziki yaxınlıq və isinmək istədiyimizi hərəkətlərimizlə
bildiririk. Freyd bu “həzz prinsipini” “O” (İD) adlandırır. Biz uşaq
olanda yalnız “0”yuq.
-
Çox maraqlıdı.
- “0”nu, yaxud bu həzz prinsipini böyüyənə qədər və ömrümüz boyu
özümüzdə saxlayırıq. Lakin vaxt keçdikcə istəklərimizi tənzimləməyi
və ətraf mühitə uyğunlaşdırmağı öyrənirik. Zaman keçdikcə həzz
prinsipi öz yerini reallıq prinsipinə verməyə başlayır. Freydin sözlərilə
desək, bu tənzimləyici funksiyanı həyata keçirən bir mən (ego) inkişaf
etdiririk. Bir şeyi nə qədər çox istəsək də, ona nə qədər çox ehtiyacımız
olsa da, onu bizə verənə qədər oturub ağlamırıq.
-
Elədi.
Böyüyəndən sonra biz hər hansı bir şeyi çox güclü şəkildə istəyə
bilərik, lakin ətrafımızdakılar onu bizə verməyə bilər. Onda biz öz
istəklərimizə qarşı gedir, onları itələyir, özümüzdən uzaqlaşdırır,
unutmağa çalışırıq.
-
Hə.
- Freyd insan ruhunda üçüncü bir amil olduğunu da bildirir. Uşaq
yaşlarından daim ata-anamızın və ətrafımızdakı insanların əxlaq
qanunlarıyla qarşılaşırıq. Nəyisə səhv edəndə
ata-anamız “Belə eləmə!”, yaxud “Ayıbdı, ayıbdı, bu pis şeydi!”
deyirlər. Böyüyəndən sonra da əxlaqi tələblər və hökmlər davam edir.
Ətrafımızın əxlaqi quralları bizim bir parçamıza çevrilir. Freyd bunu
şüurüstü (superego) adlandırır.
-
Bu vicdan sözünün sinonimidi?
- Vicdan şüurüstünün tərkib hissələrindən yalnız biridi. Freydə görə,
şüurüstü insanın həm erotik, cinsi istəkləri olanda, həm də
ümumiyyətlə, “pis”, “uyğunsuz” bir şey istəyəndə hərəkətə keçir.
Bayaq dediyim kimi, Freyd belə “uyğunsuz, ayıb” istəklərin içimizdə
hələ uşaqlığın ilk mərhələlərindən etibarən özünü göstərdiyini deyir.
-
Necə?
downloaded from KitabYurdu.org
399
- Bu gün balaca uşaqların öz cinsi orqanlarıyla oynadıqlarını bilirik.
Biz bunu hərhansı çimərlikdə müşahidə edə bilərik. Freydin vaxtında
belə bir şey olanda iki-üç yaşlı uşağın əlinə vurur və “Ayıbdı! Belə
eləmək olmaz!”, yaxud “Əlini çək ordan!” kimi sözlərlə üstünə
qışqırırdılar.
-
Axmaqlığa bax!
- Beləliklə, insanda cinsi orqan və cinsiyyətlə əlaqəli bütün
məsələlərdə günah hissi inkişaf etməyə başlayır. Bu günah hissi
şüurüstündə yerləşdiyinə görə, Freydə görə, bir çox insanlar, insanların
əksəriyyəti ömür boyu cinsi mövzularda günah hissi daşıyırlar. Digər
tərəfdən, Freydə görə, cinsi istəklər insan üçün təbii və həyati istəklər
və ehtiyaclardı. Və beləcə, əziz Sofi, istəklərlə günah arasında ömür
boyu münaqişə yaşanır.
- Bu münaqişə Freydin yaşadığı vaxtla müqayisədə indi ölməyib,
səncə?
- Çox güman ki, elədi. Lakin Freydin neçə-neçə pasienti bu
münaqişəyə elə güclü məruz qalırdılar ki, Freydin nevroz adlandırdığı
vəziyyətə gəlirdilər. Məsələn, Freydin qadın pasientlərindən biri öz
bacısının ərinə gizli aşiq olmuşdu.
Bacısı xəstələnib öləndən sonra “artıq mən ona ərə gedə bilərəm”
düşünürmüş. Amma bu fikir onun şüurüstü ilə uyğun gəlmirdi.
Nəticədə onun daxilində elə bir münaqişəı yaranır ki, qadın bu fikrini
qətiyyətlə özündən uzaqlaşdırmağa çalışır. Və bu fikir onun
şüuraltısına enir. Freyd yazır: “Bu qız xəstə idi,
ciddi isterik vəziyyətlərə düşürdü. Mən müalicəyə başlayanda bacısının
ölüm yatağında qızda yaranan ikrahdoğuran, eqoist fikirləri
xatırlamadığını görmüşdüm. Amma analiz zamanı qız bunları yenidən
xatırladı, həmin duyğuları patogen anda yenidən yaşadı, bundan sonra
sağaldı”.
- Aha, “ruh arxeologiyası” deyərkən nəyi nəzərdə tutduğunu başa
düşdüm.
- İndi insan psixologiyasına ümumi tərif verə bilərik. Bir çox
pasientlə yaşadığı təcrübələrdən sonra Freyd şüurun insan ruhunun
downloaded from KitabYurdu.org
400
yalnız çox kiçik bir hissəsi olması qənaətinə gəldi.
Şüur aysberqin yalnız görünən hissəsidi. Suyun altında, - şüurun altında
“şüuraltı”, yaxud şüursuzluq qatı var.
- Şüuraltı
həmişə
içimizdə
olan,
amma
unutduğumuz,
xatırlamadığımız şeylərdi, eləmi?
- Yaşadığımız hər bir olayı daim şüurumuzda saxlaya bilmərik.
Əvvəllər düşündüyümüz, yaxud yaşadığımız, “beynimizi bir az
qurdalasaq” yadımıza düşəcək şeylərə Freyd “şüuröncəsi” şeylər
deyirdi. “Şüuraltı” sözünü isə özümüzdən uzaqlaşdırdığımız şeylər
haqda işlədirdi. Bunlar bizim “xoş
olmadığına”, “ayıb olduğuna”, “uyğun olmadığına” görə, bir vaxtlar
unutmağa çalışdığımız şeylərdi. Şüurumuz, yaxud şüurüstümüz
xoşlamadığı istək və arzularımızı bir alt pilləyə itələyir. Qaçaq, qoy
orada qalsınlar!
-
Aydın oldu.
- Bu mexanizm bütün sağlam insanlarda işləyir. Lakin bəzi insanlar
üçün xoş olmayan, yaxud yasaq fikirləri şüurdan uzaqlaşdırmaq elə
gərgin keçə bilər ki, axırda insanda ruhi- əsəb xəstəliklərinə gətirib
çıxara bilər. Çünki bu cür uzaqlaşdırılan fikirlər yenidən yuxarı, şüura
çıxmağa çalışır. Bəzi insanlar üçün belə impulsları şüurun tənqidi
nəzarəti altında saxlamaq, özündən uzaqlaşdırmağa, repressiya etməyə
çalışmaq çox böyük əziyyət tələb edir. Freyd 1909-cu ildə psixoanaliz
haqda mühazirələr oxumaq üçün ABŞ-a gedəndə bu repressiya
mexanizminin necə işləməsinə dair bir misal çəkib.
-
Nə misal idi o?
- Freyd demişdi: “Təsəvvür edin ki, bu auditoriyada insanlara
narahatlıq verən hərəkətlər edən, elə hey gülən,
danışan, ayaqlarını yerə vuraraq mənim fikrimi dərsdən yayındıran bir
adam var. Bu zaman mən belə şəraitdə dərsə davam edə bilməyəcəyimi
deyirəm və auditoriyadan bir neçə güclü adam ayağa qalxır, bu
narahatlıq yaradan şəxsi bir az dirəniş göstərəndən sonra dəhlizə
çıxarırlar. İndi o, repressiya edilib və mən dərsə davam edə bilərəm. Bu
adamın yenidən içəri girərək dərsi pozmaması üçün mənim arzumu
downloaded from KitabYurdu.org
Dostları ilə paylaş: |