389
yeni heyvan qruplarının meydana gəlməsi də belə baş verib. Lakin
unutmaq olmaz ki, bu, çox sadələşdirilmiş təsvirdi. Əslində bu gün Yer
üzündə milyondan çox heyvan növü var və bu da bugünədək dünyada
olmuş heyvan növlərinin çox kiçik hissəsidi. Məsələn, burada
gördüyün Trilobit adlı heyvan növünün nəsli kəsilib, artıq mövcud
deyil.
-
Lap aşağıda birhüceyrəli heyvanlardı.
- Bunların bəziləri milyonlarca ildir, dəyişmədən bu günə gəliblər.
Gördüyün kimi, birhüceyrəli heyvanlardan bitkilər aləminə bir xətt
çəkilib. Çünki böyük ehtimal ki, bitkilər də, heyvanlar da eyni ilk
hüceyrədən əmələ gəliblər.
-
Görürəm, amma bir şey mənə çox maraqlıdı.
-
De.
- Bəs bu ilk hüceyrə necə əmələ gəlib? Darvin buna izh verə bilirdi?
- Darvinin tədbirli, ehtiyatlı insan olduğunu demişdim. Amma bu
məsələdə bir ehtimal irəli sürürdü. Belə yazırdı: “Əgər (əgərə bax!)
içində hər cür amonyaklı və fosforlu duzların, işığın, istiliyin, elektrik
və sairin mövcud olduğu kiçik,
isti bir su gölməçəsi olduğunu və burada daha müəkkəb dəyişikliklər
olmasına hazır bir protein birləşməsinin kimyəvi olaraq təşəkkül
etdiyini düşünsək...»
-
Onda?
- Burada Darvin ilk hüceyrənin qeyri-üzvi maddələrdən necə əmələ
gəlməsinə dair ehtimal irəli sürür. Və yenə də ehtimalları son dərəcə
düzgün idi. Çünki bu gün də elm ən birinci həyat formasının Darvinin
təsvir etdiyi belə bir “isti su gölməçəsində” ortaya çıxmış ola biləcəyini
deyir.
-
Davam et.
- Bu barədə danışdığım kifayət edər, çünki Darvin mövzusunu
bitiririk. Yer üzündə həyatın mənşəyi haqda ən son elmi açıqlamalara
keçirik.
- Çox həyəcanlandım. Yer üzündə həyatın necə başladığını bilən
varmı?
downloaded from KitabYurdu.org
390
- Bəlkə də bu dəqiq məlum deyil, amma bu böyük tapmacanın
cavabı tədricən, hissə-hissə tapılır.
-
Davam et.
- Hər şeydən əvvəl onu deyim ki, Yer üzündəki hər növ canlı, həm
bitkilər, həm də heyvanlar eyni maddədən yaranıb. Canlının ən sadə
tərifi budur: qidalı bir şəraitdə özünü bir- birinin eyni olan iki parçaya
bölə bilən substansiya. Bu proses DNT adlandırdığımız maddə
tərəfindən idarə olunur. DNT bütün canlı hüceyrələrdə olan
xromosomlara, yaxud irsi keçən strukturlara deyilir. Əslində DNT
mürəkkəb bir molekul, başqa sözlə, makromolekuldu. Deməli, əsas
sual ilk DNT molekulunun necə ortaya çıxmasıdı.
-Aha?
- Yer kürəsi bundan 4,6 milyard il əvvəl, Günəş sisteminin ortaya
çıxmasıyla yaranıb. Əvvəllər Yer kürəsi yanar kürə olub, zaman
keçdikcə yer qabığı soyuyub. Müasir elmə görə, ilk həyat bundan 3-4
milyard il əvvəl başlanıb.
-
Qəribədi.
- Qalanını eşitmədən heç nə demə. O zaman Yer üzünün indikindən
çox fərqli olduğunu unutmamalısan. Yer üzündə həyat olmadığına
görə, atmosferdə oksigen yox idi. Çünki oksigen yalnız bitkilərin
fotosintezi yoluyla ortaya çıxan
maddədi. O vaxtlar dünyada oksigen olmaması çox mühüm məqamdı.
Çünki DNT-ni əmələ gətirən tərkib hüceyrələrinin oksigenli
atmosferdə ortaya çıxması mümkünsüzdü.
-
Niyə?
- Çünki oksigen son dərəcə reaktiv maddədi. DNT kimi mürəkkəb
molekul oksigenli şəraitdə yarana bilməz, o dəqiqə oksidləşərdi.
-
Aydındı.
- Buna görə də bu gün heç bir yeni canlı növünün, bakteriya və ya
virusun belə, ortaya çıxa bilməyəcəyinə əminik. Dünyadakı bütün
həyat eyni yaşda olmalıdı. Fillə bakteriyanın həyat ağacı, şəcərə ağacı
eyni uzunluqdadı. Fil və ya insan əslində birhüceyrəli varlıqlar
toplusudu. Bədənimizin hər bir hüceyrəsi başqa hüceyrələrilə eyni irsi
downloaded from KitabYurdu.org
391
materialı daşıyır. Yəni kimliyimiz bədənimizin hər bir kiçik
hüceyrəsində gizlidi.
-
Fikirləşəndə adama qəribə gəlir.
- Həyatda ən böyük tapmacalardan biri çoxhüceyrəli heyvanın hər
bir hüceyrəsinin ayrı bir funksiyasının olmasıdı, baxmayaraq ki,
müxtəlif irsi xüsusiyyətlər hər hüceyrədə fəal
deyil. Bu xüsusiyyətlərin, yaxud genlərin bir qismi fəal, bir qismi isə
qeyri-fəaldı. Ciyər hüceyrəsi sinir və ya dəri hüceyrəsindən fərqli
proteinlər istehsal edir. Lakin hər üç hüceyrə eyni DNT molekuluna
malikdi, yəni bütün orqanizmin tərifini ehtiva edir. Atmosferdə oksigen
olmayan vaxtlarda Yer kürəsinin ətrafında dünyanı kosmosdan gələn
radiasiyalardan qoruyan ozon təbəqəsi yox idi. Bu, vacib məqamdı.
Çünki bu radiasiyalar ilk mürəkkəb molekulların yaranmasında mühüm
rol oynayıblar. Bir çox fərqli kimyəvi maddənin birləşərək
makromolekullar əmələ gətirməsinin səbəbi belə bir kosmik radiasiya
olmalı.
- Hə.
- Qoy təkrarlayım: Mürəkkəb molekulların yarana bilməsi üçün ən
azı iki şərt olmalıdı: atmosferdə oksigenin yoxluğu və kosmik
şüalanma.
- Aydın oldu.
- Bu kiçik isti su gölməçəsində, yaxud elmin bu gün adlandırdığı
kimi desək, “ilk şorba”da böyük mürəkkəb bir molekul yarandı. Bu
molekulun bir-birinin eyni olan iki parçaya bölünməsi kimi qəribə bir
xüsusiyyəti vardı. Beləcə, uzun bir
təkamül prosesi başlandı, Sofi. Bir qədər sadələşdirsək, bunun Yer
üzündəki ilk irsi maddə, ilk DNT, yaxud ilk canlı hüceyrə olduğunu
deyə bilərik. Bu hüceyrə bölündükcə bölündü və hər bölünmədə
mutasiyalar əmələ gəldi. Çox, çox uzun zamandan sonra belə
təkhüceyrəli
orqanizmlər
birləşərək
çoxhüceyrəli,
mürəkkəb
orqanizmləri əmələ gətirdi. Beləliklə, bitkilərin fotosintezilə birlikdə
atmosferdə oksigen əmələ gəlməyə başladı. Oksigenin iki əsas faydası
oldu: birincisi, ciyərlərilə nəfəs alan heyvanlar ortaya çıxa bildi,
downloaded from KitabYurdu.org
Dostları ilə paylaş: |