395
***
Yenidən qapı döyüldü.
Qulaqlarımızı tıxasaq, olmaz? - Alberto soruşdu, - Bəlkə onda səsi
eşitmərik.
Olmaz. Kimin gəldiyini bilmək istəyirəm. Alberto da Sofinin
dalınca getdi. Qapıda çılpaq biri vardı. Çox vüqarla dayanmışdı, amma
əynində başındakı tacdan başqa nəsə yox idi.
Həə, - adam əl-qolunu ölçməyə başladı, - Deyin görək, Kralın yeni
əlbisəsi necədir?
Alberto və Sofi çaşqın-çaşqın baxırdılar.
Bu nə deməkdi? Deyəsən təzim etmək fikrində deyilsiniz? - çılpaq
adam qışqırdı. Alberto cəsarətini toplayıb dedi:
Doğrudu, amma bəs siz niyə çılpaq gəzirsiniz?
Çəlpaq adam ədasını pozmadan dayanmışdı. Alberto Sofinin
qulağına pıçıldadı:
Özünün hörmətli adam zənn eləyir.
- Burada gələnlərə senzura tətbiq olunur? - bu vaxt çılpaq adam
soruşdu.
- Xeyr. Biz ikimiz də ayığıq, ağlımız başımızdadı. Buna görə də biz
cənab Kralı bu qiyafədə bu qapıda içəri sala bilmərik.
Bu özündənrazı çılpaq adamın vəziyyəti Sofiyə elə gülməli göründü
ki, özünü saxlaya bilmədi. Bu gülüş yəqin ki, çılpaq adama təsir etdi, o
anda əynində paltar olmadığını gördü. İki əliylə bədənini gizlətməyə
çalışaraq qaçmağa başladı. Kim bilir, bəlkə də orada Adəm və Həvva,
Nuh, Qırmızıpapaq və Vinni Puhla rastlaşar.
Alberto və Sofi kandarda durub gülürdülər. Axırda Alberto dedi:
Gəl, içəri keçək. İndi sənə Freyddən və onun şüursuzluqla bağlı
maraqlı nəzəriyyəsindən bəhs edəcəyəm.
Yenidən pəncərənin yanında əyləşdilər. Sofi saatına baxdı:
- Saat 3-ün yarısıdı. Şənliyə görə, çoxlu işim var, hazırlıq
görməliyəm.
- Mən də. Amma əvvəlcə Ziqmund Freyd haqda bir neçə söz
deməliyəm.
downloaded from KitabYurdu.org
396
-
Freyd filosof olub?
- Ona ən azı mədəniyyət filosofu deyə bilərik. Freyd 1856- cı ildə
doğulmuşdu, Vyana Universitetində tibb təhsili almışdı.
O zaman Vyana mədəni həyatın son dərəcə canlı olduğu bir
şəhər idi. Freyd həyatının çoxunu bu şəhərdə keçirmişdi. Əvvəlcə
tibbin nevrologiya sahəsində təhsil almışdı. XIX əsrin sonlarından XX
əsrin əvvəlinədək isə özünün “dərinlik psixologiyası”, yaxud
“psixoanaliz” deyilən metodunu inkişaf etdirdi.
-
Nə deməkdi bu söz?
- “Psixoanaliz” termini həm insanın ümumi ruhi vəziyyətinin təsviri,
həm də əsəb və ruhi xəstəliklərinin müalicəsində istifadə olunan üsul
mənasında işlənir. Mən burada nə Freydin şəxsiyyəti, nə də onun
metodunu tam təsvir edəcəyəm. Lakin bir insanı başa düşmək üçün
Freydin şüuraltıyla bağlı baxışlarını mütləq bilməlisən.
-
Çox maraqlı gəldi. Danış!
- Freyd insanın özü ilə ətraf mühiti arasında daim bir gərginlik
olduğunu düşünür. İnsanın öz istək və ehtiyacları ilə onun mühitinin,
cəmiyyətin istək və ehtiyacları daim münaqişədədi. Freydin insan
davranışlarının kökündə duran səbəbləri kəşf etdiyini desək,
yanılmarıq. Bu onu XIX əsrdə çox məşhur olan Naturalizm cərəyanının
rəmzinə çevirmişdi.
- İnsanların davranışlarının kökündə duran səbəblər deyəndə nəyi
nəzərdə tutursan?
- Davranışlarınızı müəyyən edən şey təkcə ağlımız, şüurumuz deyil.
İnsanlar XVIII əsr rasionalistlərinin inanıb inandırmaq istədikləri qədər
rasional varlıqlar deyillər. Fikirlərimizi, yuxularımızı, davranışlarımızı
çox vaxt heç də məntiqli olmayan bir sıra irrasional impulslar müəyyən
edir. Belə irrasional impulslar içimizdə hiss etdiyimiz bir sıra istəklərin,
yaxud ehtiyacların ifadəsi ola bilər. Məsələn, böyük insanın cinsi
ehtiyacı uşaqların süd əmmək instinkti qədər ilkin ehtiyacdı.
-Aha?
- Bu, öz-özlüyündə yeni kəşf olmaya bilər. Amma Freyd bu cür ilkin
ehtiyacların “cildini”, “formasım” dəyişdirərək, sublimasiya edərək,
downloaded from KitabYurdu.org
397
özümüzdən xəbərsiz davranışlarımızı müəyyən etdiyini də deyir.
Bundan başqa, balaca uşaqların da cinsi ehtiyacları olduğunu deyirdi
ki, “uşaq cinsəlliyinə” dair bu iddiaya Vyanadakı nüfuzlu orta sinif
nümayəndələri kəskin
reaksiya vermişdi. Bu, Freydin pis ad çıxarmasına səbəb olmuşdu.
- Təəccüblənmirəm.
- Həmin dövr cinsi mövzuların tabu sayıldığı “Viktorian dövrü” idi.
Freyd ilk dəfə uşaqların cinsəlliyindən psixoterapiya ilə praktik məşğul
olduğu vaxtda xəbər tutmuşdu. Yəni onun irəli sürdüyü tezislərin
empirik əsası vardı. Nevroz və digər əsəb xəstəliklərinin səbəbinin
uşaqlıqda yaşanmış bir sıra münaqişələr olduğunu görmüşdü. Freyd
tədricən “ruhun arxeologiyası” adlandıra biləcəyimiz bir müalicə
üsulunu inkişaf etdirdi.
- Bu nə deməkdi?
- Arxeoloqun işi müxtəlif mədəni dövrləri araşdıraraq uzaq
keçmişdən izlər tapmaqdı. Arxeoloq məsələn, XVIII əsrdən bir bıçaq
tapır. Sonra torpağın bir az da dərin qatlarına keçir, XIV əsrdən qalma
daraq tapır. Sonra da V əsrdən qalma bir qab...
-Aha?
- Eynilə, psixoanalizçi də pasientinin köməyilə axırda psixoloji
xəstəliyə gətirib çıxarmış, pasientin keçmişdə yaşadığı
və şüuraltında yatan səbəbləri gün işığına çıxarmağa çalışır. Çünki
Freydə görə, bütün yaşadıqlarımız əslində şüuraltımızda yığılır.
-
Aydındı.
- Psixoanalizçi pasientin uzun illər unutmağa çalışdığı, amma
əslində həmişə mövcud olan və o insana həmişə mane olan pis bir
xatirəni tapıb çıxara bilir. Belə bir “travmam” şüurun üzünə çıxararaq
pasienti bununla üzləşdirəndə o, artıq bu “məsələni həll etmiş” olur və
yaxşılaşır.
-
Məntiqli səslənir.
- Amma mən bir az qabağa qaçdım. Əvvəlcə Freydin insan ruhunu
necə təsvir etdiyinə baxaq. Heç yaxından balaca uşaq görmüsənmi?
-
Dörd yaşlı bir xalam oğlu var.
downloaded from KitabYurdu.org
Dostları ilə paylaş: |