434
-
Deməli, sən fövqəltəbii şeylərə inanmırsan.
- Bu barədə artıq danışdıq. “Fövqəltəbii” sözünün özü çoxmənaldı.
Yox, mən yalnız bir təbiətin olmasına inanıram.
Bu, özü də heyrətləndirici bir şeydi.
-
Bəs mənə o kitablarda göstərdiyin sirli şeylər?
- Əsl filosofların gözləri açıq olmalıdı. İndiyə qədər heç vaxt ağ
qarğa görməsək də, onu axtarmağı dayandırmamalıyıq. Gün gələr,
hətta mənim kimi skeptik də əvvəllər inanmadığı şeyləri qəbul etməli
olar. Bu imkanı açıq saxlamasam, əsl filosof deyil, ehkamçı olaram.
Alberto və Sofi bir müddət skamyada səssiz oturdular. Göyərçinlər
sinələrini qabağa verib gəzişir, bəzən bir qəfil hərəkətdən, keçən
velosipedlərdən ürkürdülər. Axırda Sofi dedi:
-
Mən gedim şənliyə hazırlaşım.
- Ayrılmazdan
əvvəl
sənə
ağ
qarğa
göstərəcəyəm.
Düşündüyümüzdən daha yaxındadı.
Alberto qalxdı, kitab dükanına girdi. Bu dəfə onlar fövqəltəbii
fenomenlərdən yazan kitabların yanından keçib dükanın dərinliyindəki
nazik rəflərdən birinin qarşısında dayandı. Rəfin üzərindəki kiçik
lövhədə “Fəlsəfə” yazılmışdı.
Alberto bir kitabı göstərdi, Sofi əyilib kitabın adına baxdı və ürəyi
yerindən oynadı: “Sofinin dünyası”.
-
İstəyirsən bunu sənə alım? - Alberto soruşdu.
-
Nə deyəcəyimi bilmirəm.
Bir azdan Sofi bir əlində kitab, o biri əlində şənlik üçün aldıqlarının
olduğu kiçik çantayla evə tərəf gedirdi.
Bağda şənlik
...ağ qarğa...
Hilde çarpayısına mıxlanıb oturmuşdu. Ağır qovluğu tutmaqdan əl-
qolu ağırlaşmışdı. Saat on birə iki-üç dəqiqə qalırdı. İki saatdan artıq
oxumuşdu. Bəzən gözlərini mətndən ayırıb ucadan gülmüş, bəzənsə o
biri böyrü üstə çevrilib doluxsunmuşdu. Yaxşı ki, evdə tək idi. Bu iki
saatda nələr olmuşdu, nələr! Hər şey Sofinin mayorun diqqətini özünə
cəlb etməyə çalışmasıyla başlamışdı. Axırda ağaca dırmaşmış, buradan
downloaded from KitabYurdu.org
435
onu qoruyucu mələk kimi Livandan gələn qaz Morten xilas etmişdi.
İndi üstündən çox illər keçsə də, Hilde atasının ona “Nil
macəralarf’nı oxuduğunu unutmamışdı. Ondan bir neçə il sonra
atasıyla birlikdə özlərinə həmin kitabla bağlı gizli dil yaratmışdılar.
İndi o, köhnə quş dostuyla yenidən qarşılaşırdı.
Sonra Sofinin ilk dəfə təkbaşına kafeyə getməsi... Hildeni ən çox
Albertonun Sartr və Ekzistensializm haqda dedikləri təsirləndirmişdi.
Alberto az qala onu ekzistensialist edəcəkdi. Baxmayaraq ki,
qovluqdan əvvəl də buna cəhd etmişdi, indi isə onu demək olar ki,
dəyişdirə bilmişdi.
Bir dəfə, təxminən bir il əvvəl Hilde astrologiya haqqında bir kitab
almışdı. Bir dəfə isə evə Taro kartlarıyla gəlmişdi. Bundan sonra isə
spiritualizm haqda kitab almışdı. Hər dəfə atası ona mövhumat haqda
mühazirə oxumuş, onu belə şeylərə tənqidi baxmağa çağırmışdı, amma
son zərbəni indiyə saxlayıbmış. Görünür, qızını belə şeylərə qarşı
hərtərəfli xəbərdar etmədən ürəyi dincəlmirdi. Tam əmin olmaq üçün
dükandakı televizor ekranından ona əl yelləmişdi. Gərək bu qədər
əziyyət çəkməyəydi...
Amma Hilde daha çox Sofiylə maraqlanırdı. Sofi... sən kimsən?
Haradan gəlirsən? Həyatıma niyə girmisən?
Nəhayət, Sofiyə özü haqda yazılmış kitab verilmişdi. Görəsən, o
kitabla indi Hildenin əlində olan eyni kitabdı? Onun əlindəki kitab
deyil, qovluq idi. Amma nə olursa olsun, adam
özü haqda yazılmış kitabın içində özü haqda kitab görəndə nə hiss
keçirər? Sofi o kitabı oxumağa başlasa, nə hiss edəcək?
Bəs indi nə olacaq? Nə ola bilərdi? Qovluqda cəmi bir neçə səhifə
qalmışdı.
***
Sofi şəhərdən evə qayıdanda avtobusda anasıyla rastlaşdı. İlahi! İndi
anası Sofinin əlindəki kitabı görüb nə deyəcək?! Sofi kitabı şənlik üçün
aldığı bəzəkli kağızların və şarların olduğu çantaya dürtdü, amma kitab
çantaya yerləşmədi.
-
Salam, Sofi! Eyni avtobusa minmişik, nə gözəl!
downloaded from KitabYurdu.org
436
-
Salam!
-
Kitab almısan?
-
Yox, əslində almamışam.
-
“Sofinin dünyası”... Nə maraqlı!
Sofi yalan demək şansının olmadığını gördü.
-
Alberto verdi.
- Deməli, belə. Bu adamla görüşmək üçün səbrim çatmır artıq. Olar
baxım?
- Evə çatana qədər gözləmək istəmirsən? Həm də kitab mənimdi.
- Bilirəm, sənindi, əlbəttə. Sadəcə birinci səhifəsinə baxıb
qaytarıram, yaxşı?
“Sofi Amundsen məktəbdən evə qayıdırdı. Yolun yarısını
Coannayla gəzə-gəzə gəlmişdilər, söhbət robotlardan düşmüşdü...”
-
Doğrudan, burada belə yazılıb?
- Hə, Sofi, Müəllifin adı Albert Knaq. Yəqin yeni yazardı. Yeri
gəlmişkən, Albertonun familiyası necə idi?
-
Knoks.
- Onda belə çıxır ki, bu qəribə adam sənin haqqında kitab yazıb,
təxəllüsdən istifadə edib.
- O deyil. Niyə təslim olmursan ki, onsuz da məsələnin nə yerdə
olduğunu başa düşməyəcəksən.
- Yox, başa düşməyəcəyəm. Şənliyimiz sabahdı. Sonra hər şey
yerini alacaq.
- Albert Knaq tamamilə başqa reallıqda yaşayır. Ona görə də bu
kitab ağ qarğadı.
-
Dayan, bəsdi! Ağ dovşan deyildi? İndi qarğa oldu?
-
Sən dayan!
Böyük Mülklər küçəsinin sonundakı dayanacaqda enənə qədər daha
heç nə danışmadlar. Küçədə qarşılarına bir nümayiş çıxdı.
İlahi! - Elen Amundsenin dilindən nida qopdu, - Mən də biz
tərəflərdə küçə siyasətçiləri olmur deyə sevinirdim.
Nümayişçilərin sayı on-iyirmi nəfər olardı. Əllərindəki şüarlarda
yazılmışdı:
downloaded from KitabYurdu.org
Dostları ilə paylaş: |