59
əslində də o sözləri dediyini, yoxsa Matvey və Lukanın həmin sözləri
onun dilindən qələmə verdiklərini bilə bilmirik. Eləcə də “tarixi”
Sokratın əslində dedikləri - daim sirlərlə örtülü qalacaq.
Mənə qalsa, “əsl” Sokratın kim olması vacib də deyil. 2500 ilə
yaxındır ki, məhz Platonun cızdığı Sokrat portreti Qərb
mütəfəkkirlərinə ilham verir.
Müzakirə incəsənəti
Sokrat sənətinin əsas cəhəti budur ki, o, insanları öyrətmək
istəmirdi. Əksinə, onunla danışanlardan nə isə öyrənmək istəyən bir
insan təəssüratı yaradırdı. Ənənəvi məktəb müəllimləri kimi mühazirə
oxumaqdansa, müzakirə aparırdı!
Aydın məsələdir ki, Sokratın işi yalnız başqalarını dinləməklə
məhdudlaşsaydı, o, məşhur filosof olmazdı. Elə olsaydı, heç onu ölümə
də məhkum etməzdilər. O, söhbətə başlamaq üçün ortaya sadəlövh bir
sual atırdı. Rəqibi cavab verirdi. Sokrat onun cavabına növbəti sualla
qarşılıq verirdi. Rəqiblərini arqumentlərinin zəifliyini etiraf etməyə
vadar edən bu növbəti suallar onları küncə dirəyirdi, axırda başa
düşürdülər ki, nə doğru, nə isə yanlışdır.
Sokratın anası mamaça olub. Sokrat özü haqqında deyirmiş ki, onun
da sənəti mamaçalıq kimidir. Mamaça özü uşaq doğmur, uşağın
doğulmasına kömək edir. Sokrat öz işini insanların düzgün dərketməni
“doğmasına” kömək etməkdə görürdü. Zira, əsl dərketmə daxildən
gəlir. Onu başqası adama
pay verə bilməz. Və yalnız daxildən gələn anlama əsl dərketməyə
aparıb çıxara bilər.
İcazə ver, bunu bir qədər də aydınlaşdırım. Doğmaq təbii
xüsusiyyətdir. Fəlsəfi həqiqətləri qavramaq da təbiidir, bunu hamı edə
bilər, sadəcə öz daxili mühakimələrini işlətməlidirlər. Daxili
mühakimədən istifadə etmək öz daxilinə əl uzatmaq, orada mövcud
olanlardan yararlanmaq deməkdir.
Cahil rolunu oynamaqla Sokrat tanış olduğu insanları öz daxili
mühakimələrini işə salmağa vadar edirdi. Özünü olduğu kimi deyil,
axmaq kimi büruzə verirdi. Biz buna Sokrat kinayəsi deyirik. Bu ona
downloaded from KitabYurdu.org
60
insanların düşüncəsindəki zəiflikləri aşkarlamağa imkan verirdi. O,
bunu şəhər meydanının ortasındaca etməkdən çəkinməzdi. Beləcə, sən
Sokratla görüşsəydin, camaatın içində axmaq yerində qalıb meydandan
çıxardın.
Ona görə də təəccüblü deyil ki, zaman keçdikcə insanlar, xüsusən
cəmiyyətdə statusu olan mötəbərlər Sokrata qarşı getdikcə dözümsüz
oldular. Sokratın belə bir cümləsi məşhurdur: “Afina tənbəl at kimidir
və mən onu iynələməklə
silkələyib həyata qaytarmaq istəyən atmilçəyi”. (Biz insanlar
milçəklərlə necə rəftar edirik, Sofi?)
İlahi səs
Sokratın onları iynələməsi onun özü kimi insanlara amansız
olmasından, onlara əzab vermək istəyindən irəli gəlmirdi. Daxilindəki
səs ona başqa seçim qoymurdu. Sokrat həmişə deyirdi ki, onun içində
"ilahi səs” var.
Sokrat etiraz edirdi, məsələn, insanların ölüm hökmünə məhkum
edilməsinə qarşı çıxırdı. Siyasi düşmənlərinə çuğulçuluq eləmirdi.
Nəticədə bu, ona həyatı bahasına başa gəldi.
E.ə. 399-cu ildə o, “yeni tanrılar gətirməkdə və gəncliyi başdan
çıxarmaqda”, həmçinin qəbul edilən tanrılara inanmamaqda ittiham
edildi. Beş yüz nəfərlik məhkəmə heyəti onu təqsirli bildi.
Çox güman ki, o, qərarın yumşaldılması üçün ağız açdı. Nəhayət,
Afinanı tərk etməklə razılaşaraq həyatını xilas edə
bildi. Lakin o bunu etsəydi, Sokrat olmazdı. O öz vicdanını, - və
həqiqəti həyatından üstün tutdu. Məhkəmə heyətini əmin etdi ki, o,
yalnız dövlətin ən yüksək maraqları naminə hərəkət edib. Buna
baxmayaraq, zəhər içməyə məcbur oldu.
Niyə, Sofi? Sokrat niyə ölməli idi? 2400 ildir ki, insanlar bu sualı
özlərinə verirlər. O, tarixdə həyatı belə acınacaqlı sonluqla bitən,
baxışlarına görə ölməli olan yeganə insan deyildi.
Artıq İsanın adını çəkmişəm. Onların arasında bir neçə ciddi
bənzərlik olub. İsa da, Sokrat da öz çağdaşlarının gözündə əsrarəngiz
şəxsiyyətlər idi. Heç biri öz təlimlərini qələmə almayıb, odur ki, biz
downloaded from KitabYurdu.org
61
onların şagirdlərinin, həvarilərinin cızdıqları portretlərə əsaslanmaq
məcburiyyətindəyik.
Amma ona əminik ki, onların hər ikisi müzakirə incəsənətinə vaqif
olublar. Hər ikisində özünə əminlik olub; bu xüsusiyyət həm insanları
ovsunlaya, həm də qıcıqlandıra bilərdi. Sokrat da, İsa da inanıblar ki,
özləri üçün deyil, daha qüdrətli bir şey naminə danışırlar. Ədalətsizlik
və korrupsiyanın bütün formalarını tənqid etməklə cəmiyyəti idarə
edənlərə
meydan oxuyublar. Və sonda, bu fəaliyyət onlara həyatları bahasına
başa gəlib.
İsanın və Sokratın məhkəmələri arasında da aydın paralellər
aparmaq olar. Onlar əfv diləyərək öz canlarını xilas edə bilərdilər,
amma hiss etdilər ki, missiyaları var və sona qədər öz inamlarına sadiq
qalmasalar, o missiyaya xəyanət etmiş olacaqlar. Öz ölümlərini
cəsarətlə qarşılamaqla ölümlərindən sonra da, çoxsaylı ardıcıllarına yol
göstəriblər.
Mən demirəm ki, İsa da, Sokrat da bir-birinə bənzəyiblər. Mən
yalnız belə bir fakta diqqətini çəkirəm ki, onların ikisinin də deməyə
sözü var idi və bu sözün onların şəxsi cəsarətlərilə ayrılmaz əlaqəsi var.
Afinada Coker
Sokrat! Sofi, onun haqqında sözümüz hələ bitməyib. Biz onun
metodu haqda söz açdıq. Bəs onun fəlsəfi layihəsi nə idi?
Sokrat sofistlərlə eyni vaxtda yaşayırdı. Onlar kimi Sokrat da təbiət
qüvvələrindən çox insan və onun cəmiyyətdəki yeri ilə maraqlanırdı.
Romalı filosof Siseron bir neçə yüz il sonra Sokrat haqda bunları deyib:
“O, fəlsəfəni göydən yerə endirdi, onu şəhərlərdə yerləşdirdi, evlərlə
tanışdırdı, həyatı, əxlaqı, yaxşını, pisi öyrənməyə vadar etdi”.
Lakin Sokratla sofistlər əhəmiyyətli bir məsələdə bir- birlərindən
fərqlənirlər. Sokrat özünü “sofist” - oxumuş və ya müdrik adam hesab
etmirdi. Sofistlərdən fərqli olaraq, pul qarşılığında bilik öyrətmirdi,
yox. Sokrat özünü sözün hərfi mənasında filosof adlandırırdı, ‘‘filosof’
sözünün mənası - “müdrikliyi sevən adam”dır.
Yerin rahatdırmı, Sofi? Çünki sofist və filosof arasındakı fərqi
downloaded from KitabYurdu.org
Dostları ilə paylaş: |