205) Romazulan preparatı hansı bitki xammalındanalınır?
A) Palıd qabığından
B) Adaçayı yarpaqlarından
C) Qaragilə meyvələrindən
D) Çay yarpaqlarından
E) Çobanyastığı çiçəklərindən
Romazulan tərkibcə çobanyastığının ekstraktı, çobanyastığından alınan efir yağı və emulqator olan mayedir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 83
206) Əsasi bismut-nitrat hansı tabletin tərkibinə daxildir?
A) Aspirin
B) Aeron
C) Validol
D) Vikalin
E) Papazol
Əsasi bismut-nitrat mədə və onikibarmaq bağırsağın xora xəstəliklərində istifadə edilir. “Vikalin” və “Vikair” tabletlərinin tərkibinə daxildir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 83
207) Mentol hansı tabletin tərkibinə daxildir?
A) Validol
B) Qastal
C) Vikair
D) De-nol
E) Vikalin
Mentol stenokardiya tutmalarını aradan qaldırmaq üçün istifadə olunan validolun tərkibinə daxildir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 83
208) Yerli anastetikləri xarakterizə edən əsas cəhət hansıdır?
A) Afferent liflərdə impulsların ötürülməsinin müvəqqəti və geridönən blokadası baş verir
B) Sinir uclarını qıcıqlandıraraq müvafiq fizioloji effektlər törədirlər
C) Dəri və selikli qişalarda qoruyucu örtük əmələ gəlir
D) Selikli qişa səthini örtərək hissi sinir uclarına göstərilən qıcıqlandırıcı təsirin qarşısını alır
E) Qıcıqlandırıcı təsirə malik olan faktorları adsorbsiya edirlər
Bu dərman maddələri hissi sinir uclarına və hissi sinirlərə təsir göstərərək oyanmanın əmələ gəlməsinə və ötürülməsinə mane olur.
Ədəbiyyat: E.M.Ağayev, İ.İ.Rəhimov. “Farmakologiya”, “Nurlan”. Bakı, 2005 səh 74
Dostları ilə paylaş: |