201) Hansı xassəsinə görə Benzokain (anestezin) cərrahiyyə təcrübəsində istifadə edilmir?
A) Yağda yaxşı həll olur
B) Spirtdə yaxşı həll olur
C) Suda yaxşı həll olur
D) Efirdə yaxşı həll olur
E) Suda pis həll olur
Benzokain suda pis həll olması ilə əlaqədar olaraq cərrahiyyə təcrübəsində ağrıkəsici maddə kimi istifadə olunmur.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 79
202) Yerli anestiziyanın bütün növlərində istifadə olunan dərman hansıdır?
A) Lidokain
B) Benzokain (Anestezin)
C) Sovkain
D) Trimekain
E) Prokain-hidroxlorid (Novokain)
Lidokaindən yerli anesteziyanın bütün növlərində istifadə edilir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 79
203) Büzüşdürücü maddələrin təsir mexanizmi nə ilə əlaqədardır?
A) Zülalları hidroliz edir
B) Qanı laxtalandırır
C) Qan damarlarını genişləndirir
D) Zülalı pıxtalaşdırır
E) Zülalları dehidratasiyaya uğradır
Büzüşdürücü maddələr zülalları pıxtalaşdıraraq zülallı təbəqə əmələ gətirir. Bu təbəqə toxuma hüceyrələrini və hissi uclarını mexaniki olaraq müxtəlif mənşəli qıcıqlandırıcıların təsirindən qoruyur.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 81
204) Alkaloidlərlə zəhərlənmə zamanı tanninin neçə %-li məhlulundan istifadə edilir?
A) 2%-li
B) 5%-li
C) 10%-li
D) 4%-li
E) 0,5 %-li
Bəzi alkoloidlərlə (morfin, atropin, kokain, nikotin) və ağır metal duzları ilə tanninin həll olmayan birləşmələr əmələ gətirməsilə əlaqədar olaraq həmin maddələrlə zəhərlənmələr zamanı mədə 0,5%-li tannin məhlulu ilə yuyulur.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 82
Dostları ilə paylaş: | 
