376
Sirkə turşusunun qıcqırması istisna olunur, çünki o, aşağı
pH-da əmələ gəlir. Qlükon turşusu istehsalında onun çıxımı
95%, limon–80%, sirkə 90-95% təşkil edir.
Qlükon turşusu qıcqırması qlükozanın qlükon turşusuna
çevrilməsinin adi reaksiyasından ibarətdir. Bu qıcqırmanın
törədicilərinə Penicillium və Aspergillus növündən olan
mikromisetlər aid edilir. Onların bəzilərinin ştammları aktiv
qlükooksidaza sintezinə malikdirlər.
Qıcqırma göbələk tərəfindən 30-32
0
C temperaturunda
həyata keçirilir. Mühitdə 10-15% qlükoza və tərkibində bor,
maqnium, fosfor, azot və CaCO
3
saxlayan duzlar olmalıdır,
sonuncu qlükon turşusunun neytrallaşdırılması məqsədilə
vurulur.
Hazır
məhsul
kalsium
qlükonat
şəklində
alınır.
Süzülmədən sonra hazır kütlə 20
0
C-dək soyudulur və
kristallaşma üçün 24-48 saat ərzində saxlanılır. Kalsium
qlükonat kristalları sentrofuqada ayrılır. Qlükon turşusunun
kalsium duzu allergik xəstəliklərdə və uşaq qidalanmasında
əlavə kimi istifadə olunur.
Limon turşusu qıcqırması üçkarbonlu turşular tsikli
əsasında fermentativ prosesdən ibarətdir. Limon turşusunun
toplanması üçün ümumi şərtlərə aiddir:
1) oksaloasetatın əmələ gəlməsi ilə piruvatda karbon
qazının təsbiti nəticəsində tsiklə “ekstra-karbonun”
daxil edilməsi;
2) sitratsintetazanın aktivləşməsi;
3) üçkarbonlu turşular tsiklinin dehidrogenazalarının
fəaliyyətinin dayandırılması.
Müəyyən Asp. niger ştammları limon turşusunun sintezini
həyata keçirmək qabiliyyətindədirlər. Bu ştammlar göstərilən
şərtlərə uyğun gəlirlər, onlarda sitratsintetazanın aktivliyi
yüksəkdir və mədəni mühitdə 15% turşu toplamağa qadirdirlər.
Xammal kimi melassa istifadə olunur. Ondan tərkibində 15-
377
20% saxaroza olan şirə hazırlayırlar. Limon turşusu
qıcqırmasının optimal temperaturu 31-32
0
C-dir.
Limon turşusu qıcqırması iki üsulla həyata keçirilir: səthi
və dərin, onların davamiyyəti uyğun olaraq 3-5 və 5-10 gündür.
Mədəni mühitdən limon turşusu kalsium duzu şəklində
çıxarılır.
Limon turşusu alkoqolsuz içkilərin istehsalında geniş
istifadə olunur. Limon turşusu qıcqırması prosesi aşağıdakı
kimidir (şəkil 1).
Qlikoliz
Piruvat Piruvat
Oksaloasetat
Limon turşusu
Şəkil 1. Limon turşusu qıcqırmasının sxemi
Sirkə turşusu qıcqırması sirkə turşusu bakteriyaları
tərəfindən törədilir. Onlar turşulara qarşı yüksək tolerantlığa
(davamlığa) malik olurlar.
Etil spirtinin sirkə turşusuna qədər oksidləşməsində
NADF aktiv qrup kimi iştirak edir. Bu oksidləşmə nəticəsində
6 ATF molekulu həcmində enerji alınır.
378
Sirkə turşusu qıcqırması sirkə istehsalı üçün istifadə
olunur. Bu qıcqırma sirkə turşusunun sulu məhlulu sayılır.
Sirkə qida sənayesində əlavə kimi geniş istifadə edilir.
Sirkə turşusu qıcqırmasının prosesi sxematik olaraq
aşağıdakı kimidir (şəkil 2).
Etanol
Asetaldehid
Asetaldehidhidrat
Sirkə turşusu
Şəkil 2. Sirkə turşusunun qıcqırmasının sxemi
Sirkə istehsalında iki bakteriya növü istifadə olunur–
Bact. Schzenbachi və Bact. Curvum. Onlar yüksək turşu
əmələgətirmə qabiliyyətinə malikdirlər və pH 3-də yaxşı
inkişaf edirlər. Sirkə turşusu qıcqırılan mühitdə toplanaraq,
onlara məhvedici təsir göstərir.
Sirkə turşusu etil spirtinin oksidləşməsi nəticəsində əmələ
gələn məhsuldur. Đstehsal zamanı sirkə turşusunun miqdarı
379
14%-ə çatanda qıcqırma dayanır. Bununla bağlı olaraq
qıcqırılan mühitdə spirtin miqdarı 10-12% həddlərində
olmalıdır.
Spirtin sirkə turşusuna oksidləşməsini generator üsulu və
ya bakteriyaların dərin yetişdirilməsi üsulu ilə həyata keçirirlər.
Birinci halda spirt məhlulu üzərində sirkə turşusu bakteriyaları
olan yonqar qatından keçirilir, ikinci halda daha təkmilləşmiş
üsulda, bakteriyalar fermentatorlarda intensiv qarışdırılan və
aerasiya edilən mühitdə yetişdirilir.
Qıcqırmanın
temperaturu
32-34
0
C
səviyyəsində
saxlanılır. Bakteriyaların normal həyat fəaliyyəti üçün təmiz
su-şirə məhlulunu yox, tərkibində su, spirt, sirkə turşusu,
mineral duzlar, asan mənimsənilən karbohidratlar və azotlu
maddələr olan şirə istifadə olunur.
Qida sənayesində sirkə turşusu əsasən süd turşusunun və
etil spirtinin fermentativ çevrilməsi nəticəsində əmələ gəlir.
Belə ki, laktatdehidrogenaza fermentinin təsiri ilə süd turşusu
sirkə turşusuna, alkoldehidrogenaza fermentinin təsiri ilə isə,
etil spirti ilk əvvəl sirkə anhidridinə, sonuncu da oksidləşərək
sirkə turşusuna çevrilir.
Qeyd etmək lazımdır ki, şərabçılıq sənayesində sirkə
turşusunun əmələ gəlməsi arzuolunmaz haldır. Sirkə turşusu
şərabçılıq sənayesində ən çox spirt qıcqırması prosesinə
düzgün riayət edilmədikdə daha çox əmələ gəlir. Bu turşu tünd
və desert şərablara nisbətən zəif spirtliyə malik süfrə və
kəmşirin şərabların tərkibində daha çox olur. Bu əsas onunla
əlaqədardır ki, zəif spirt mühitində də etil spirtinin
oksidləşməsi prosesi baş verir. Ona görə də spirtliyi zəif olan
şərabları daim oksidləşmə prosesindən qorumaq tələb olunur.
Əks halda etil spirtinin oksidləşməsi nəticəsində zəif spirtliyə
malik şərablarda sirkə turşusunun miqdarı normadan artıq
olacaqdır. Bu zaman hətta sirkə turşusu ilə yanaşı başqa uçucu
xassəyə malik alifatik turşular da (propion, valerian, yağ və s.)
əmələ gəlirlər.
Dostları ilə paylaş: |