29
yaratmışdı. Hafiz Əbru (1430-cu ildə vəfat etmişdir) və
Tacəddin əs-Səlmani həmin tarixçi-salnaməçilərin arasında
xüsusilə fərqlənənləri olmuşdur. Tacəddin əs-Səlmani 1409-cu
ildə Teymurilər sarayında baş vermiş çevriliş cəhdində iştirakına
görə bir dəstə şəxslə birgə həbs olunmuş, ağır cəzaya məhkum
edilmişdi.
55
«Tarixnamə» əsəri müəllifi həbs olunduğu,
cəzalandırıldığı üçün yarımçıq qalmışdır. Teymuri hökmdarının
Azərbaycanı işğal etmək, onu öz təsiri dairəsində saxlamaq
cəhdləri Tacəddin əs-Səlmaninin əsərində aşkar şəkildə təsdiq
olunur. Müəllif əsas diqqətini dövrün hərbi-siyasi fakt və
hadisələrinə yönəltmişdir.
Şərəfəddin Yəzdi XV əsrin İran tarixçisi olmuşdur. O,
Teymuri hökmdarı Şahruxun (1405-1447) sarayında yaşamışdır.
Şahrux dünyasını dəyişdikdən sonra bu tarixçi bir müddət
Yəzddə yaşamış və 1454-cü ildə oradaca vəfat etmişdir. O,
əsərlərini fars dilində yazmışdır. Onun 1424/25-ci ildə bitirdiyi
əsər müxtəlif adlarla tanınır: «Zəfərnamə», «Zəfərnameyi-
Teymuri»,
«Fəthnameyi-Sahibqrani», «Tarixe-cahanguşaye-
Teymuri». 3 «məqalə»dən ibarət olacaq (müəllifin fikrinə görə)
bu əsərin yalnız 1 «məqalə»si (Əmir Teymura həsr olunmuş
qismi) araşdırıcıların ixtiyarındadır (Güman olunur ki, əsərin
sonrakı 2 «məqaləsi» ya yazılmamış, ya da bizədək gəlib
çatmamışdır). Mötərizədə olan «fikrin birinci hissəsi ilə
razılaşmaq olar».
56
Beləliklə, Şahruxa xidmət etmiş tarixçi «öz
hökmdarının» və bu hökmdarın oğlunun «qələbələrini» qələmə
almaq imkanı tapmamışdır. Müəllif dövrün hərbi-siyasi
çəkişmələrinə daha çox fikir vermiş, Əlincə qalasının 14 illik
mühasirəsinə, Sultan Əhməd Cəlairiyə və Qara Yusifə diqqət
yetirmişdir. Əsərin Azərbaycana aid olan hissələri bunlarla
məhdudlaşır.
Əbdürrəzzaq Səmərqəndi (1413, Herat-1482, orada) uzun
müddət Teymurilərin sarayında (Səmərqənddə) xidmət etmişdir.
1463-cü ildən isə o, Sultan Şahruxun Heratdakı xanəgahının
şeyxi olmuşdur. O, fars dilində yazdığı «Mətlə əs-sədeyn və
məcmə əl-bəhreyn» («İki xoşbəxt ulduzun doğulması və iki
dənizin qovuşması») əsərində
57
1304-1470-ci illərin hadisələrini
30
əks etdirmişdir. Əsərin II cildində Çobanilər, Cəlairilər,
Qaraqoyunlular,
Şirvanşahlar, Teymurilərin Azərbaycana
yürüşləri, onların Şirvanşahlarla münasibətləri, Azərbaycanda
baş vermiş üsyanlar haqqında məlumatlar vardır.
Əbubəkr ət-Tihrani əl-İsfahani XV əsrin İran tarixçisi idi.
O, öncə Teymuri Şahruxa, 1452-ci ildən sonra Qaraqoyunlulara
xidmət etmiş, hərbi yürüşlərdə iştirak etmiş, Cahanşahın
ölümündən sonra Qəzvində yaşamış, 1469-cu ildə Uzun Həsənin
dəvətilə Ərdəbildə onun xidmətinə keçmiş, onun yaxın
şəxslərindən birinə çevrilmişdi. Bu şəxs bir müddət Ağqoyunlu
hökmdarı Uzun Həsənin sarayında münşi (katib) olmuş və onun
sifarişilə «Kitabi-Diyarbəkriyyə» əsərini yazmışdır. Əsərdə
Uzun Həsənin hakimiyyəti illəri, Qaraqoyunlular və Teymurilər
barədə məlumat verilir. Bu əsər Azərbaycan tarixini öyrənmək
üçün mühüm mənbədir.
Fəzlullah ibn Ruzbihan Xuncinin (yaxud Xunəcinin) vəfatı
tarixi dəqiq bəlli deyildir. O, İsfahanda anadan olmuş, gənc ikən
Hicaza getmiş, Məkkə və Mədinədə təhsil almış, 1487-ci ildə
Təbrizə (Ağqoyunlu Sultan Yaqubun sarayına) gəlmiş və
Ağqoyunlu dövlətinin tarixini yazmağa başlamışdı. I İsmayılın
hakimiyyətə gəlməsindən sonra o, Kaşanda 3 il yaşamış,
ölkədən qaçaraq Şeybani Məhəmməd xana (Səmərqənddə)
xidmət etmişdir (1510-cu ilədək). O, 1512-13-cü ildə Şeybani
Übeydulla xana xidmətə başlamış, 1514-1515-ci ildə onun üçün
«Süluk əl-müluk» əsərini yazmışdır. «Onun «Tarixe-aləmaraye-
Əmini» adlı əsəri Əbubəkr Tihraninin əsərinin bilavasitə
davamı» hesab olunur.
58
«Tarixe-Əmini»də Səfəvi sülaləsinin
əcdadlarının dini etiqadı, onların islamın sünni məzhəbinə
mənsub olmasına dair ən nadir dəlillərindən biri vardır. «Tarixe-
Əmini» müəllifinin Ərdəbil şeyxlərinə mənfi münasibətinə
baxmayaraq onun əsərində heç bir digər mənbədə təsadüf
etmədiyimiz xeyli çox maraqlı təfərrüata rast gəlirik. Şeyx
Heydərin öz ardıcıllarına Şəriətin qadağan etdiyi təlimi və
«Babək Xürrəmilərinin» qanununu təbliğ etməsi haqqındakı
məlumat müstəsna əhəmiyyətə malikdir ki, qızılbaşlar arasında
sosial bərabərlik haqqında əski Babəki ideyaları yayılmışdı. O
31
da təsadüfi deyildir ki, Səfəviləri Qaradağ və Talış vilayətlərinin
əhalisi dəstəkləyirdi. Bu vilayətlər vaxtilə Babəkin başçılığı
altında baş vermiş hərəkatın ocağı olmuşdur».
59
Əsərin qızılbaş
ideologiyasına, Ərdəbil şeyxlərinin fəaliyyətinə həsr olunmuş
hissəsində müəllifin öncə sünni olmuş nəslin nümayəndələrinə,
hərəkata düşmən münasibəti (əsər müəllifi qatı sünni idi)
aşkardır.
60
Bu əsər Azərbaycan tarixinin, milli mədəniyyət
tarixinin öyrənilməsi üçün qiymətli mənbədir.
Mir Yəhya ibn Əbdüllətif əl-Hüseyni əl-Qəzvini (1481-
1555) İran tarixçisidir. Onun farsca yazılmış və 4 hissədən
ibarət olan «Lübb ət-təvarix» («Tarixlərin özəyi») adlı əsəri
ümumtarix səciyyəsi daşıyır. Əsərdə Qaraqoyunlu və
Ağqoyunlu sülalələri (III hissənin V fəsli), habelə Səfəvilər (IV
hissə) haqqında da məlumatlar verilir. Dövrün başqa
mənbələrində olmayan qısa, lakin dolğun ictimai-iqtisadi
səciyyəli materiallarla zəngin olan bu əsərdə I İsmayılın
fəaliyyətinə xüsusi diqqət yetirilir.
61
Həmin əsər dövrün
öyrənilməsi üçün mühüm mənbələrdən biridir.
Ümumiyyətlə, təqribən XIV əsrdən etibarən Yaxın və Orta
Şərq bölgəsində, eləcə də Azərbaycanda baş vermiş hadisələri
əks etdirən tarixi mənbələr, müxtəlif məzmunlu sənədlər fars
dilində tərtib olunmuşdur. Həmin əsərlər və sənədlər müxtəlif
xalqların nümayəndələri tərəfindən tərtib edilmiş, mövcud
sülalələrin, hakim dairələrin siyasi-ideoloji mövqeyini əks
etdirmişdir. XVI-XVIII əsrlərdə də yazılmış əsərlərin
əksəriyyətində müəlliflər əsasən müasiri olduqları dövrün hərbi,
siyasi faktlarına diqqət yetirmiş, mədəniyyətin inkişafına dair
cüzi məlumatlar vermişlər. Dinamik hərbi-siyasi mühitlə
səciyyələnən orta çağlarda tarixçilərin əsasən siyasi məsələlərə
üstünlük verməsi təbii hal idi. «Orta əsrlərdə tarixçilik işinin
əsasən saraylar nəzdində təşkil edilməsi tarixçilərin və
vəqiənəvislərin istər siyasi, istərsə də maddi cəhətdən
hökmdarlardan asılılığı ilə əlaqədar idi. Belə tarixçilərin əsas
vəzifəsi hökmdarı tərifləmək, onun mütləq hökmranlıq iddiasını
əsaslandırmaq
olduğundan,
onlar
əsərlərində
dövrün
nöqsanlarını ört-basdır etməyə, cinayətlərə bəraət qazandırmağa,
Dostları ilə paylaş: |