219
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2017, № 7 (88)
NAKHCHIVAN STATE UNIVERSITY.
SCIENTIFIC WORKS, 2017, № 7 (88)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2017, № 7 (88)
SEVİNC
MƏMMƏDOVA
Baytarlıq
Elmi Tədqiqat
İnstitutu
UOT:
619:576.
AZƏRBAYCANDA EV
TOYUQLARINDA
EYMERİOZ
VƏ
HELMİNTOZLARIN
YOLUXMA
DİNAMİKASI
Açar sözlər:
quş, assosiativ invaziya, eymerioz, askaridioz, heterakidoz, koproloji müayinə,
ekstensivlik, intensivlik
Key words:
bird, associative invasion, eymeriosis, ascaridiosis, heterakidosis, coprology
investigation, extensivity intensivity
Ключевые слова: птица, ассоциативная инвазия, эймериоз, аскаридиоз, гетеракидоз,
копрологическое исследование, экстенсивность, интенсивность.
Bazar iqtisadiyyatının mühüm tələblərindən biri istehsal və xidmət sahələrində sağlam
rəqabət mühitinin yaradılmasından ibarətdir. Bu baxımdan vətəndaşların təhlükəsiz ərzaqla təmin
edilməsində, beynəlxalq ticarətin aparılmasında, əhalinin təhlükəli xəstəliklərdən qorunmasında və
s. əvəzedilməz rola malik olan baytarlıq xidmətinin də təkmilləşdirilməsi və müasirləşdirilməsi
vacibdir. Son illərdə kənd təsərrüfatında aparılan aqrar islahatlar çox uğurla həyata keçirilir. Demək
olar ki, hazırda respublikada heyvandarlıq və quşçuluğun 98%-i özəlləşdirilmişdir. Heyvandarlıq və
quşçuluğun intensiv inkişaf etdirilməsi məqsədilə damazlıq-seleksiya işləri və xəstəliklərlə
kompleks mübarizə tədbirləri hazırlanır, təsərrüfatlara tətbiq olunur. Respublika iqtisadiyyatının
əsas sahələrindən biri olan kənd təsərrüfatında aqrar islahatların aparılması nəticəsində yeni
təsərrüfat formaları yaradılmışdır ki, bu da heyvandarlığın, o cümlədən quşçuluğun inkişafına da öz
müsbət təsirini göstərmişdir. Belə fərdi və özəl təsərrüfatlarda quşların xəstəliklərinin öyrənilməsi,
onlara qarşı mübarizə tədbirlərinin işlənib hazırlanması və tətbiq edilməsi əsas məsələlərdən biridir.
Aparılan baytarlıq - müalicə, sanitariya - gigiyena tədbirlərinə və quşçuluq mədəniyyətinin
yüksəldilməsinə baxmayaraq, quşların invazion xəstəliklərlə yoluxması hələ də yüksək səviyyədə
qalır. Onlar orqanizmə toksiki və mexaniki təsir edir, maddələr mübadiləsinin pozulmasına, daxili
orqanların zədələnməsinə və sair bu kimi patoloji proseslərin baş verməsinə səbəb olurlar.
Parazitlərin təsirindən bağırsaq divarının zədələnməsi nəticəsində infeksiyaya yol açılır və yoluxucu
xəstəliklərin baş verməsinə əlverişli şərait yaranır. Parazitologiyada daha çox əhəmiyyət kəsb edən
məsələlərdən biri də assosiativ invaziyaların öyrənilməsidir. Belə ki, çox hallarda quşların
orqanizmində eyni vaxtda bir neçə törədici parazitlik edir (1,2,3).
Eymerioz monoinvaziya halında deyil, assosiativ formada da baş verir. Buna görə də
quşların eymeriozunu öyrənərkən parazitosenozun digər nümayəndələri nəzərə alınmalı və müalicə
- profilaktika tədbirləri hazırlanıb tətbiq edilməlidir. Eymerioz təkcə Azərbaycanın deyil, bütün
dünyanın quşçuluq təsərrüfatına ciddi zərər vurur (4,5).
Müxtəlif quşçuluq təsərrüfatlarında parazitozların öyrənilməsi nəticəsində müəyyən
edilmişdir ki, ev quşlarının parazitar xəstəliklərlə yoluxmasına monoinvaziya şəklində nadir
hallarda rast gəlinir. Ev quşları eymeriyalarla yanaşı digər bağırsaq parazitləri ilə də yoluxur (6). Ev
toyuqlarında eymeriyaların müxtəlif helmintlərlə (askarid, heterakis) eyni zamanda parazitlik
etməsini şəxsi tədqiqatlarımızla müəyyənləşdirmək qarşıya məqsəd olaraq qoyulmuşdur.
Material və metodlar
Tədqiqatlar 2016 - cı ildə Qax rayonunun fərdi quşçuluq təsərrüfatlarından toplanmış
materiallar əsasında BETİ-nin parazitologiya şöbəsində yerinə yetirilmişdir.
Ev toyuqlarının assosiativ bağırsaq parazitlərini (eymeriya, askarid, heterakis) öyrənmək
məqsədilə döşəmə şəraitində saxlanan quşçuluq təsərrüfatlarından 3, 6 və 1 yaşında olan yaş
220
qruplarından 60 ədəd kal nümunələri toplanmışdır. Götürülmüş kal nümunələrindən laboratoriya
şəraitində eymeriya oosistaları və helmint yumurtalarının tədqiqi əsasında quşların invazion
xəstəliklərlə yoluxması müəyyənləşdirilmişdir. Kal nümunələri Darlinq-Fülleborn üsulu ilə
koproloji müayinədən keçirilmiş və eymerioz, askaridioz, heterakidozla (qarışıq invaziya) yoluxma
aşkar olunmuşdur.
Bizim əvvəlki tədqiqatlarımız nəticəsində müəyyən edilmişdir ki, tək bir növ eymeriya ilə
yoluxmaya çox az hallarda təsadüf edilir. Ona görə də qarışıq invaziyalar öyrənilərkən
eymeriyaların diaqnostikası növlərə görə deyil, ümumiyyətlə, kal nümunələrində tapılan oosistalara
əsasən qoyulmuşdur.
Koproloji müayinələr nəticəsində askaridiozun törədicisi -
Ascaridia galli-nin (Schrank,
1788), heterakidozun törədicisi -
Heterakis gallinarum-un (Schrank, 1788) yumurtaları, eymeriozun
törədiciləri -
Eimeria tenella, E.acervulina, E.maxima, E.mitis tapılmışdır.
Məqalədə verilən şəkil Carl Ziess Axio Lab.A1 markalı mikroskopla çəkilmişdir.
Aparılan tədqiqatlar zamanı koproloji müayinə ilə yanaşı natamam helmintoloji yarma
müayinəsi də aparılmışdır. Müayinə zamanı helmintlər toplanaraq fiksasiya edilmiş və
laboratoriyanın muzeyində yerləşdirilmişdir.
Alınan nəticələr və onların
müzakirəsi
Koproloji müayinələr apardığımız Qax rayonunun fərdi təsərrüfatlarında ev toyuqlarının
eymerioz, askaridioz və heterakidozla yoluxması aşkar edilmişdir (Şəkil).
A B C
Şəkil. A-eymeriya (
E.tenella) oosistasının görünüşü
, helmintlərdən: B- heterakis (
H.gallinarum),
C-askarid
(A.galli) yumurtaları
Cədvəl
Qax rayonunda ev toyuqlarının qarışıq invaziya ilə yoluxması ( %-lə )
Ev
toyuq-
larının
yaşı
Müayi-
nə
edilmiş-
dir
Eymerioz
Askaridioz
Heterakidoz
Yolux-
muşdur
Yoluxma
faizi
Yolux-
muşdur
Yoluxma
faizi
Yolux-
muşdur
Yoluxma
faizi
3 aylıq
60
24
40,0
26
43,3
21
35,0
6 aylıq
60
17
28,3
19
31,6
14
23,3
1 yaş
60
11
18,3
10
16,6
12
20,0
Cəmi
180
52
28,8
55
30,5
47
26,1
3 aylıqlar arasında eymeriozla 40,0%, askaridiozla 43,3%, heterakidozla 35,0%, 6 aylıqlar
arasında eymeriozla 28,3%, askaridiozla 31,6%, heterakidozla 23,3%, 1 yaşında olan ev toyuqları
arasında isə eymerioz, askaridioz, heterakidozla yoluxmanın müvafiq olaraq 18,8%, 16,6%, 20,0%
olduğu koproloji müayinələr nəticəsində aşkar olunmuşdur (Cədvəl).
Ümumiyyətlə, Qax rayonunun fermer quşçuluq təsərrüfatlarında təsərrüfat üzrə eymeriozla
28,8%, askaridiozla 30,5%, heterakidozla 26,1% yoluxma müəyyən edilmişdir (Histoqram).