- 89 -
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2018, № 1 (90)
NAKHCHIVAN STATE UNIVERSITY.
SCIENTIFIC WORKS, 2018, № 1 (90)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2018, № 1 (90)
OKTAY RZAYEV
NƏRMİNƏ HƏSƏNOVA
Naxçıvan Dövlət Universiteti
oktay-rzayev@ mail.ru
UOT:355.13
FÖVQƏLADƏ VƏZİYYƏT ZAMANI ƏHALİNİN
XƏBƏRDAR EDİLMƏSİ
Açar sözlər: Fövqəladə vəziyyət, xəbərdarlıq siqnalları, hamının diqqətinə, diqqət, hava
həyacanı qurtardı, radiasiya təhlükəsi, kimya həyacanı, yoluxucu xəstəliklər və kimyəvi zəhərlənmə
ocağı
Key vords: Emerqency, Warninq siqnals, Attention, for all, Attention, Air strike stopped,
Radiation hazard, Chemistry excitement, infections diseases, Chemical poisoninq furnace,
Population awareness
Ключевые слова: Чрезвычайные положение, предупредительные сигналы,
внимание!, воздущная тревога, радиоционная опасность, химическая тревога,
инфекционные волезни, очаг химического зарожение
Gözlənilən, yaxud baş verən fəlakət barədə əhalini vaxtında xəbərdar etmək mülki
müdafiənin ən əsas vəzifələrindən biridir. Qəza haqqında xəbər verməyin qaydası onun miqyası və
yayılma sürəti nəzərə alınmaqla müəyyən edilir. Lakin bütün hallarda təhlükə haqqında
xəbərdarlığın əsas vasitəsi radio və televiziya şəbəkəsidir. Adamların diqqətini tez cəlb etmək,
həmçinin onların dərhal radio və televizorların ətrafına toplaşmasına nail olmaq üçün fövqəladə
hallarda sirenlərdən, nəqliyyat vasitələrinin fit səslərindən istifadə etməklə səs siqnalları verilir.
Belə siqnal “hamının diqqətinə” siqnalı adlanır.
Bu həyəcan siqnallarını eşidən kimi hamı dərhal radio və televizorlar qoşaraq hökümət
orqanlarının, mülki müdafiə qərargahının fövqəladə hadisə barədə verdiyi xəbər və məlumatları
diqqətlə dinləməlidir. Təhlükə haqqında xəbərlə birlikdə əhalinin davranış qaydaları barədə qısa və
aydın
məsləhətlər, göstərişlər də verilir.
Xəbərdarlıq siqnalları barədə qabaqcadan tam təsəvvür yaradılmalıdır. Hamı bilməlidir ki,
xəbərdarlıq siqnalları sülh və müharibə dövründəki fəlakətlər zamanı verilir. Ancaq bunların biri
digərindən fərqlənir və bunu əhalinin bilməsi vacibdir.
Öncə qeyd edek ki, bir sıra təbii fəlakətlər barədə qabaqcadan xəbər vermək mümkündür.
Məsələn yaz daşqınlarının ehtimalı bir ay qabaqcadan bəlli olur və bu barədə müvafiq tədbirlər
görülür. Yaxud sel təhlükəsi barədə 10-20 dəqiqə, bəzən 1-2 saat qabaq xəbər çatdırmaq olar. Bu
zaman yerli mülki müdafiə qərargahı belə bir məlumat verə bilər:
“Diqqət! Danışır rayon mülki müdafiə qərargahı. Vətəndaşlar! Çayda suyun səviyyəsinin
qalxması müşahidə olunur. Çayın sağ sahilindəki məhəllələri su basacağı gözlənilir. Həmin
məhəllələrdə yaşayanlar ən vacib və zəruri şeyləri götürüb mərkəzi meydana tələssinlər. Evdən
çıxarkən sobanı, qazı, işığı söndürməyi unutmayın. Bu barədə qonşularınıza da xəbər verin. Radio
şəbəkəsi ilə verilən
xəbərləri diqqətlə dinləyin, göstərişlərə dəqiq riayət edin”.
Belə bir vacib cəhəti də qeyd edək ki, müharibə zamanı adamlar hər cür ekstremal hallara
qarşı ayıq olur, mülki müdafiə siqnalları və məlumatları üzrə çevik hərəkət edilər.
Başqa sözlə, mülki müdafiə qərargahının göstərişlərini yerinə yetirməyə müəyyən dərəcədə
hazır olular. Halbuki təbii fəlakətlər zamanı əhalinin belə çevik və dəqiq hərəkət etməsi heç də az
əhəmiyyətli deyil. Bir sıra hallarda, tutalım, güclü qəzalar zamanı itirilən hər dəqiqə fəlakətin
miqyasını genişləndirə bilər. Buna görə də mülki müdafiə orqanları ehtimal olunan belə qəzalara
qarşı adamlar arasında qabaqcadan geniş izahat işləri aparılmalı, təhlükəli ərazilərdə işləyənləri və
- 90 -
yaşayanları buna hazırlamalıdır. Həmin ərazinin hər bir sakini bilməlidir ki, həyəcan siqnalı
verildikdə necə hərəkət etməlidir.
Bilmək lazımdir ki, təbii fəlakətlərin, habelə qəzaların növündən və bu zaman yaranan
konkret vəziyyətindən asılı olaraq “hamının diqqətinə!” siqnalından sonra mülki müdafiə qərargahı
tərəfindən elan edilən məlumat və göstərişlərin məzmunu müxtəlif ola bilər. Buna görə də hər bir
adam onları
diqqətlə dinləməli, təmkinli olmalı, cəld və mütəşəkkil davranmalıdır.
Müharibə dövründə isə vəziyyət dəyişir. Düşmən hücumu barədə xəbəri əhaliyə hakimiyyət
orqanları verirlər. Bu xəbər radio və televiziya, mətbuat orqanları vasitəsilə əhaliyə çatdırılır.
Düşmən hücumu təhlükəsi yaranan
dövürdə vəziyyət çox müxtəlif, bəzən isə xeyli mürəkkəb olur.
Müharibə zamanı düşmənin nüvə, kimyəvi, bakterioloji silahlar və başqa silahlar işlətmək
qorxusu yarandıqda dərhal mülki müdafiənin xəbərdarlıq siqnalları verilir, bu məqsədlə radiodan,
televiziyyadan, bütün rabitə vasitələrindən, səs və işıq siqnallarından istifadə olunur. Belə hallarda
“hamının diqqətinə!” siqnaldan sonra yaranmış vəziyyətdən aslı olaraq mülki müdafiənin “Hava
həyəcanı”, “Hava həyəcanı qurtardı”. “Radiasiya təhlükəsi”, “Kimya həyəcanı” siqnalları verilə
bilər. Bütün əhalinin bu siqnalları bilməsi və onun tələblərinə əməl etməsi vacibdir. Bu tələfatı xeyli
azalda bilər.
Bu siqnalların hər birisini konkret şəraitdə nəzərdən keçirək: - “
Hava həyacanı” siqnalı
xəbərdarlıq edir ki, düşmənin hava basqını gözlənilir. Öncə sirenlər bunu “
Hamının diqqətinə”
çatdırır.Sonra isə radio-televiziya ilə belə bir elan verilir.” Diqqət! Diqqət! Diqqət! Danişir Mülki
Müdafiə Qərargahı ! Vətəndaşlar, hava həyəcanıdır! Hava həyəcanı! “ bu elan bir neçə dəfə təkrar
olunur. Əhalinin daldalanması barədə göstəriş verilir.
Bu zaman evlərdə olanlara yubanmadan pəncərələri örtməli, qızdırıcı cihazları, işığı
söndürməli və əvvəlcədən tədarük etdikləri ərzağı, suyu, mühafizə və təbii yardım vasitələrini
götürüb ən yaxındakı sığınacağa getməlidirlər. İstehsalatda olan bütün aqreqatları dayandırmalı,
cərəyanı kəsməli və qabaqcadan müəyyən edilmiş qaydada hər bir birqada və növbə onlar üçün
nəzərdə tutulmuş sığınacağa gətirməlidir. Əgər istehsalat rejiminə görə hər hansı aqreqatı, turbini,
peçi, texnoloji xətti dayandırmaq mümkün deyilsə, onlar nisbətən təhlükəsiz iş rejiminə keçirilir,
əvvəlcədən təyin edilmiş müəyyən adamların nəzarəti altında saxlanılır və həmin adamların
qorunması ücün müvafiq yerlər düzəldirlər.
“Hava həyacanı” zamanı bütün tədris müəssisələrində məşğələlər dayandırılır, hamı
mühafizə qurğularına gedir. İctimai yerlərdə (kinoteatrlarda, bazarda, mağazada və s.), nəqliyyat
vasitələrindən olanlar yaxındakı daldanacağa getməlidirlər. Əgər belə sığınacaq yerləri yoxdursa
daldalanmaq üçün yeraltı keçidlərindən, tunellərdən və s. istifadə etmək lazımdır.
“Hava həyacanı” zamanı kəndlərdə əhali ailə daldanacaqlarına yığılmalıdır. Malqaranı
tövlə şəraitində saxlamaq məsləhətdir. Hava həyacanı vaxtı örüşlərdə olan naxır və sürüləri yaxşı
olar ki, meşələrə sürsünlər. Çöl şəraitində maiqaranın qorumaq üçün yarğanlardan, xəndəklərdən,
mağaralardan və s.istifadə etmək məsləhətdir. Ümumiyyətlə, çalışmaq lazımdır ki, malqara düzdə,
açıq sahələrdə qalmasın. Bütün hallarda yalnız “hava həyəcanı qurtardı” siqnalı verildikdən sonra
daldanacaqları tərk etmək olar. Bu zaman yerli radio şəbəkəsi və səs ucaldan qurğular vasitəsi ilə
elan edilir: “Diqqət! Danışır Mülki Müdafiə Qərargahı! Havadan basqın təhlükəsi sovuşdu. Hava
həyəcanı qurtardı!”
Düşmənin zərbə endirdiyi və zədələnmə ocağı yaranan yerlərdə “Hava həyəcanı qurtardı!”
siqnal verilir. Belə hallarda sığınacaqlarda qorunanlara vəziyyətlə əlaqədar olaraq məlumat və
davranış qaydaları barədə tövsiyyələr verilir. Xatırladaq ki, bu zaman yerli mülki müdafiə orqanını
göstərişləri dəqiq yerinə yetirmək son dərəcədə zəruridir. Əks təqdirdə adamlar radioaktiv və ya
kimyəvi zəhərlənməyə məruz qalırlar.
“Kimya həyəcanı” siqnalı kimyəvi və ya bakterioloji zəhərlənmə təhlükəsi olduqda, yaxud
belə zəhərlənmələr bilavasitə aşkar edildikdə verilir.
“Hammının diqqətinə!” xəbərdarlıq
siqnallarından sonra yerli mülki müdafiə qərərgahının belə bir məlumatı əhaliyə çatdırılır: Diqqət!
Danışır Mülki Müdafiə Qərargahı! Vətəndaşlar ! Kimya həyəcanı! Bu, yerlərdə səs və işıq siqnalları
vasitəsilə təkrar olunur. Ardınca aşkar olunmuş zəhərləyici maddənin və ya yoluxucu xəstəlik
törədicisinin növü nəzərə alınmaqla adamların davranış qaydaları haqqında məsləhətlər verilir.