oradan
praktikaya
- həqiqətin dərk edilməsinin dialektik yolu
belədir».**®
İdrak nəzəriyyəsinin mərkəzi problemlərindən biri - özünü
dərk etməkdir. Fəlsəfi mənada özünü dərk etmək - insanın öz
cismani təbiətini bilməsi və hətta öz ruhunun duyğu, hiss və
emosiya kimi tərəflərini dərk etməsi deyil. Bu - insanın özünün
dərk etmək qabiliyyətini, təfəkkürünü, ağlını dərk etməsidir.
Lakin belə biliyə nail olmaq həddən artıq çətin işdir. Bəzi
filosoflar isə belə hesab edirlər ki, bu ümumiyyətlə mümkün deyil
və sübut etməyə çalışırlar ki, funksiyası başqa şeyləri dərk etmək
olan ağıl elə buna görə də özünü dərk edə bilməz.
Bütün fəlsəfə kimi idrak fəlsəfəsi də indiki dövrdə Dekart və
Kantın təmsil etdiyi və rasionallığın klassik növünü əks etdirən
ənənəyə yeni münasibət problemi qarşısındadır. L.Vitgenştey-
nin, M.Haydeggerin, J.Derridanın tələb etdiyi kimi bu ənənə
birdəfəlik kənara atılmalı, yoxsa əhəmiyyətli dərəcədə yenidən
dəyərləndirilərək XXI əsrdə də saxlanılmalıdır? Bizim fıkri-
mizcə ikinci yol daha realdır.
Dostları ilə paylaş: | 
