V
BOLMƏ
Praktiki fəlsəfə
İndiki dövrdə sosial və mədəni həyatın əvvəllər görünməyən
yüksək dinamizm qazanması, həyatın müxtəlif sahələrində sosial
fəaliyyətin mahiyyətinin prinsipcə dəyişməsi fəlsəfəni eyni
zamanda praktiki bilik sahəsinə çevirir.
1. İqtisadiyyatın fəlsəfəsi
1.1.
İctimai istehsal
«İctimai istehsal» anlayışı ingilis mütəfəkkirləri Con Lokk və
Adam Smit tərəfindən istifadə edilmişdir. K.Marks bu anlayışı
insanların birgə həyat fəaliyyəti üsuluna tətbiq edərək cəmiyyəti
bu fəaliyyətin məhsulu və nəticəsi hesab etmişdi.
Cəmiyyət sadəcə olaraq təkrar istehsal və adaptasiya
(uyğunlaşmaq) deyil, həmçinin yaradıcılıq, özünü istehsal
etmədir. İctimai istehsal ona görə belə adlanır ki, həyat üçün
vacib olan sosial flınksiyalan icra edir. Bu funksiyalar
müxtəlifdir: yaşamağın maddi şəraitinin təkrar istehsalı; ideya
(ideologiya) və mənəvi dəyərlərin istehsalı; ictimai fərd kimi
insanın özünün istehsalı; sosial əlaqə və münasibətlərin istehsalı.
Bəzi alimlər hətta ailə, dövlət, hüquq, əxlaq, elm, incəsənət və
s. istehsalın xüsusi növləri hesab edirlər.
İctimai istehsalın funksiyasına ümumi ictimai əməyin həyata
keçirilməsi də daxildir. Bu elə əməkdir ki, ayrı-ayrı adamlar
tərəfindən olduğu kimi, sosial cəhətdən təşkilatlanmış insan
qrupları vasitəsilə də həyata keçirilir, lakin hər iki halda əməyin
nəticəsi hamıya aiddir. Elmi kəşflər, texniki ixtiralar, incəsənət
əsərləri bütün insanlara məxsusdur. Bu ictimai sərvətdir.
İnsanların öz ictimai həyatının birgə istehsalı prosesində
cəmiyyətin formaları yaranır: ənənəvi cəmiyyət, sənaye
cəmiyyəti, postindustrial cəmiyyət. Qərb və Şərq cəmiyyətləri.
Beləliklə, iqtisadiyyatın fəlsəfəsi istehsalın texnologiyası,
məhsulun hazırlanma üsulunun özü, insanın təsərrüfat
fəaliyyətinin maddi tərəfi ilə deyil, əmək məhsullarına müəyyən
ictimai forma verən ayrı-ayrı adamların cəmiyyətdəki əlaqə
416
üsullarını müəyyənləşdirən şəraitin cəmi ilə məşğul olur.
Məsələn, kapitalizmdə ümumi ictimai münasibət kimi çıxış
edən əmtəə forması insanları cəmiyyətdə birləşdirən əsas
formadır.
İqtisadiyyatın fəlsəfəsi üçün «qeyri-istehsal sferası», qeyri
məhsuldar əmək növü yoxdur. Məsələn, istehlak istehsalın ay-
nlmaz üzvü hissəsidir. İstehlak olmadan istehsal baş tutmaz.
İqtisadiyyat isə fərdlərin və insan birliklərinin şüurlu fəaliyyəti
ilə təbiət və insan arasında həyata keçirilən maddələr mübadiləsi
deməkdir.
İstehsal prosesində təbiətə təsir edərək və istehsal etməklə öz
tələbatlarını ödəyərək insan eyni zamanda özünü, öz əmək
təcrübəsini, qabiliyyətini və istehsal vərdişlərini də inkişaf
etdirir.
İstehsal deyəndə insanların müxtəlif tələbatlarının
ödənilməsi üçün lazım olan sərvəti yaradan daimi fəali)^ətin
xüsusi sahəsi nəzərdə tutulur. Sərvət - insanın malik olduğu
maddi və mənəvi nemətlərin cəmini özündə birləşdirir.
İstehsal etmək üçün insanlar yalnız təbiət ilə münasibətə
girmirlər, həm də eyni zamanda öz aralannda müəyyən əlaqə və
münasibətlər yaradırlar. Beləliklə, istehsal təkcə maddi
nemətlərin və məhsuldar qüvvələrin istehsalı deyil, həm də
insanlar arasındakı ictimai münasibətlərin inkişafıdır.
Öz əməyini və bilik qabiliyyətini təbiətin verdikləri ilə
birləşdirən, təbii sərvətdən istifadə edən insan özünün yaratdığı
texnologiya vasitəsilə təbiətdə olmayan şeylər istehsal edir. Bu
prosesdə maddi nemətlər yaradılır. Elə bu prosesə də istehsal
prosesi deyilir.
Daha geniş mənada istehsal - cəmiyyətin həyat fəaliyyətidir,
burada maddi tərəf əhəmiyyətli rol oynayır. İstehsal ictimai
həyatın əsasıdır, maddi istehsalın məzmununu isə insanın fiziki
və zehni fəaliyyəti təşkil edir. İstehsal üsulunun dəyişməsi bütün
ictimai həyatın dəyişməsinə səbəb olur (məsələn, bazar
iqtisadiyyatına keçid).
Cəmiyyətin iqtisadi sferası mürəkkəb və çoxplanlı hadisədir.
Onun öz strukturu var. Burada sənaye və kənd təsərrüfatı
istehsalının, yerdən çıxarma və emaletmə sənayesinin başqa
417
bir tərəfi kimi müəyyən ərazilərdə yerləşdirilən bir çox
müəssisə və onların kompleksinin ərazi-istehsal əlaqələri çıxış
edir. Onun başqa xarakter cəhətləri də var ki, onlar istehsalın,
bölgünün, tədavülün və istehsalın fəaliyyət göstərməsi və
inkişafı ilə şərtlənir. Çoxkeyfıyyətli və mürəkkəb olduğu üçün
iqtisadi sfera bir çox elmlər tərəfindən öyrənilir: iqtisad elmləri,
iqtisadi coğrafiya, konkret sahələri öyrənən sosiologiya və b.
Fəlsəfəni isə birinci növbədə onun inkişafının ümumi
qanunauyğunluqları, bütövlükdə tarixi proses maraqlandırır.
Dostları ilə paylaş: