T.37. c.394-395.
420
1.3.
iqtisadi sistem
İqtisadiyyatın sovet modeli üçün xüsusi mülkiyyətin və
sahibkarlığın ləğv edilməsi, onların yerində idarə və
planlaşdırmanın nəhəng bürokratik aparatın olmasını tələb edən
və bütün sahələri əhatə edən dövlət mülkiyyətinin yaradılması
həlledici əhəmiyyətə malik idi. Sovet İttifaqında mərkəzləşmiş
planlaşdırmanın həyata keçirilməsi nəticəsində dünya
praktikasında birinci dəfə olaraq dövlət bütün istehsalın
bilavasitə təşkilatçısı və rəhbəri olur, bazar lazımsız olur və plan
ilə əvəz edilir. Bununla yanaşı iqtisadiyyatın sovet modeli
böyük siyasi effektə malik olaraq uzun illər hakim dairələrə
rejimi möhkəmlətmək imkanı yaratdı.
Sovet İttifaqında guya Marksın təliminə uyğun yaradılmış
iqtisadiyyat (Lenin və Stalinin əlavələri ilə) bütün
parametrlərinə görə əsassız olduğunu göstərdi, yəni artımın
ümumi tempinə, istehsalın strukturunu formalaşdırmağa,
səmərəliliyinə (əmək məhsuldarlığına, enerji və maddi
tutumuna) görə kapitalist iqtisadiyyatı ilə müqayisədə çox geri
qaldığını nümayiş etdirdi. Maodan sonrakı Çinin təcrübəsi.
Şimali və Cənubi Koreyanın, Almaniyanın Şərqi ilə Qərbinin
müqayisəsi buna misaldır.
Marks sübut etməyə çalışırdı ki, kapitalizm «axırıncı
istismarçı formasiya» kimi özünün bazar iqtisadiyyatı ilə
birlikdə zəruri ölümə məhkumdur. Belə mücərrəd nəzəri
nəticəyə gəlmək üçün «dəyər qanunu» kifayət idi. Marksa görə
bu qanun əmtəə mübadiləsini onun ictimai dəyəri, yəni
əmtəənin istehsalına sərf edilən ictimai zəruri əməyin miqdarı
ilə tənzimləyir. «Dəyər qanunu»nun köməkliyi ilə Marks
məntiqi yolla bir neçə tendensiyanı üzə çıxardı: kapitalist yığımı
və proletariatın dilənçiləşməsi qanunu, gəlirin orta normasının
aşağı düşməsi meyli, sərbəst rəqabətin inhisar (monopoliya)
tərəfindən sıxışdırılması və s. Marks bütün qüvvəsini bu
qanunun sosial aspekti üzərində cəmləmiş və kapitalizmin
ölümə məhkum olduğunu sübut etməyə çalışmışdır.
Siyasi iqtisad elminin yaradıcıları olan A.Smit (1723-1790)
və D.Rikardonun (1772-1823) əsas xidməti sərvətin nə ticarət
421
prosesində, nə də təbii ehtiyatlar sayəsində deyil, hər şeydən əwəl
istehsal prosesində insan əməyi ilə yaradıldığını sübut etmək
olmuşdur. Hələ Marksa qədər iqtisadi fikir birdəfəlik belə
nəticəyə gəlmişdir ki, fiziki xarakterli hər hansı bir şey dəyərin
meyan (ölçüsü) ola bilməz (Marksdakı kimi) və bu meyar bazar
münasibətlərinin özündə gizlənir.
XIX əsrin axırı - XX əsrin əvvəllərində müvazinət
nəzəriyyəsinin yaradıcıları L.Valras (1834-1910) və V.Pareto
(1848- 1923) ilk dəfə göstərdilər ki, iqtisadi dəyərlər sistemində
bütün elementlər - həm əmək, həm özünün müxtəlif formalann-
da kapital, həm təbii ehtiyatlar, həm müxtəlif əmtəə və xidmət
növləri dinamik müvazinət vəziyyətindədir. Belə vəziyyət op-
timuma can atır, yəni elə bölgü yaradır ki, müxtəlif tələbatların
bütün cəmi maksimum təmin edilir. Bu sistemdə hər bir
dəyişiklik optimumu pozur və beləliklə, dəyərin ümumi həcmini
azaldır. A.Smit və D.Rikardonun belə izahatı obyektiv
substansiya tərəfindən hər hansı dəyər yığımının yaradılmasını
tamamilə inkar edir və xüsusən K.Marks tərəfindən göstərilən
problemi aradan götürür: tələb təklif edilən əmtəənin
qiymətindən asılı olduğu üçün, guya qiyməti tələb və təklif ilə
izah etmək olmaz.
İndiki dövrdə kompüter texnologiyasının inkişafı iqtisadi
sistemlərdə keyfiyyətcə yeni dəyişikliklər yaradır. Dünya iqtisadi
birliyi bu və ya digər dərəcədə qarşılıqlı əlaqədə olan dövlətlərin
mexaniki cəmindən bütöv iqtisadi sistemə çevrilir ki, burada
milli sosiumlar vahid ümumdünya iqtisadi orqanizmin tərkib
hissəsi olur. Qloballaşma şəraitində milli və ümumdünya iqtisadi
münasibətləri rollarını dəyişməyə başlayırlar. Əvvəllər milli
münasibətlər aparıcı rol oynayırdılarsa, indi ümumdünya iqtisadi
münasibətləri aparıcı, müəyyənedici qüvvəyə çevrilməkdədir.
Milli dövlət artıq əvvəllər olduğundan fərqli olaraq milli
iqtisadiyyatı arzuolunmaz xarici təsirlərdən qoruya bilmir.
İqtisadiyyatın qloballaşması çox hallarda ölkələrin iqtisadi
açıqlığına, ticarətin və kapital axınının milli rejimlərinin
liberallaşmasına, qlobal maliyyə bazarının və ümumdünya infor-
422
masiya şəbəkəsinin formalaşmasına aid edilir. Bütün bunlar
doğrudan da təsərrüfat həyatının beynəlmiləlləşməsi yolunda
çoxəsrlik prosesin ən yeni mərhələsi olan qloballaşmaya xas
olan cəhətdir.
İqtisadi sistem cəmiyyətin nisbətən xüsusiləşmiş yarım
sistemidir və
0
bu və ya digər dərəcədə cəmiyyət üzvlərinin
tələbatını ödəyir, bu mənada onların yaşayışını təmin edir.
İqtisadi sistem yalnız özünün daxili məntiqi ilə (Marksda
olduğu kimi) deyil, həm də milli, etik, dini, ideoloji amillər ilə
(M.Veber) müəyyənləşir. Bu iki görüş bir-birini tamamlayır.
Hələ vaxtilə A.Smit tərəfindən irəli sürülən - hər bir fərdin
özünün şəxsi marağını təmin etməyə can atması fikri - həqiqətən
də bazar iqtisadiyyatının normal fəaliyyəti üçün çox mühüm
olmuşdur. Çünki, bazar iqtisadiyyatı şəxsi marağı ictimai rifaha
doğru yönəldən rəqabətin əsasıdır. İqtisadi sistemin işti-
rakçılan humanistliyə yox, özlərinin şəxsi marağına müraciət
edirlər. Məhz bu yolla cəmiyyət üzvlərinin subyektiv azadlığı
iqtisadi cəhətdən təmin edilir. Lakin belə sistemdə təsərrüfat
fəaliyyəti ilə məşğul olan hər bir iştirakçı üçün məcburi olan
formal qaydaların rolu da böyükdür. Burada söhbət ilk növbədə
heç bir güzəşt və qayda ilə məhdudlaşdırılmayan azad
rəqabətdən, kontraktın məcburiliyindən və mülkiyyət
hüququnun etibarlılığından gedir.
Məlumdur ki, M.Veber (1864-1920) kapitalizmin əxlaqi
əsasının vacibliyini qeyd edirdi, yəni öz kapitalını çoxaltmaq
sadəcə olaraq praktiki müdriklik deyil, həm də insanın
mənəvi-əxlaqi borcudur. İqtisadi fəaliyyətin müvəffəqiyyəti
əsas məqsəddir. Əgər kapitalizmə qədərki dövrdə «xarici əxlaq»
hökmran idisə, kapitalizmdə vəzifə, borc intizamı daxili amilə
çevrilir.
Qərb kapitalist ideologiyasının vacib cəhətlərindən biri,
özünü yalnız iqtisadiyyatda deyil, həm də fəlsəfədə,
ədəbiyyatda, incəsənətdə göstərən fərdiyyətçilikdir. Bazar
iqtisadiyyatına keçid dövrü bizim ölkədə də həmvətənlərimizin
mentalitetində fərdiyyətçilik xüsusiyyətinin güclənməsi ilə
səciyyələnir.
423
Başqa bir fikir də geniş yayılmışdır. Bir çox alimlər hesab
edirlər ki, postindustrial cəmiyyətin tələblərinə Qərb fər-
diyyətçiliyindən daha çox kollektivçilik cavab verir. Bu fikrin
tərəfdarları Şərqi Asiyanın inkişaf etmiş bir sıra ölkələrinin
(Yaponiya, Cənubi Koreya, Tayvan və s.) təcrübəsinə müraciət
edirlər. Çünki bu təcrübə fərdiyyətçi olmayan kapitalizmin
mümkünlüyünü sübut edir.
Ənənəvi sənaye kapitalizminin inkişaf etmiş ölkələrdə artıq
öz dövrünü keçdiyi və postindustrial mərhələdə olduğu fikri
demək olar ki, hamı tərəfindən qəbul edilibdir. Kapitalizmin
indiki inkişaf mərhələsi haqqında olduqca çox yazılır, müxtəlif
fikirlər irəli sürülür. Onlardan bir neçəsini misal gətirək.
Piter Drakerin
Dostları ilə paylaş: |