www.azadliqciragi.org
15
Cənubi Amerika?
13.808
(0.000)
Avropa?
13.789**
(0.832)
Afrika?
14.189**
(0.959)
Şimali Afrika və Orta Asiya?
14.836**
(0.656)
Asiya?
15.971**
(0.815)
- əyri 1
6.28 x 10
-4**
(2.04 x 10
-4
)
- əyri 2
-4.63 x10
-4**
(1.56 x 10
-4
)
- əyri 3
1.19 x 10
-4**
(4.41 x 10
-5
)
Kəsik
15.026**
(1.189)
N
2519
Log-mümkünlüyü
-154.297
Əhəmiyyət dərəcələri
+:10% *:5% **:1%
Bu ölkələrdə post-sənaye istehsala keçid artıq baş vermiş və müharibədən istifadə etmənin
əlverişliliyini azaltmışdır. Azad bazar kapitalizmi də bərqərar olmuşdur. Lakin mövcud
kommersiya və maliyyə sisteminin nisbətən açıq sərhədlər boyu saxlanılması cari narahatlıqdır.
Proteksionizm keçmişdə olduğu kimi qayıda bilər. Birləşmiş Ştatlar xüsüsilə qlobal kapitalizmin
genişləndirilməsində öz liderlik rolunu davam etdirməyə ehtiyac hiss edir.
İnkişaf edən ölkələri işğalçılıq müharibələrindən çəkindirən istehsaldakı dəyişikliklər
sonrakı texnoloji, sosial, hərbi, yaxud ətraf mühit dəyişikliyi nəticəsində əks xarakter ala, yaxud
tənəzzülə gedə bilər. Hal-hazırda inkişaf etmiş ölkələr effektiv döyüş qüvvələrinə malikdir, lakin
onlar işğal olunmuş ərazilərin qorunmasını və idarə edilməsini gərgin əmək fəaliyyəti tələb edən
çətin və faydasız iş hesab edirlər. İnkişaf etməkdə olan ölkələr münaqişələrdən daha çox
yararlana bilərlər, lakin bu vaxt onlar müharibələri udmağa qadir hərbi qüvvələrin saxlanması və
yerləşdirilməsi iqtidarında olmurlar. Səddam Hüseyn Küveyti istəyirdi, lakin onu saxlaya
bilmədi. Birləşmiş Ştatlar və onun koalisiya müttəfiqləri Küveyti ala bildilər, lakin onu ən azı
daşınmaz bir mülkiyyət kimi istəmədilər. Əgər oğurluq resurs yenidən keçmişdəki kimi
məqsədəuyğun olarsa, onda biz zəngin ölkələrin yenidən istila ilə məşğul olmasının şahidi olarıq.
Hətta neftin qalxan qiymətlərini nəzərə alsaq belə, yadda saxlamaq lazımdir ki, istilaçı ordu üçün
böyük miqdarda neft bir şüşə sudan daha ucuzdur. Pentaqon hesablamışdır ki, bir əsgərin yaşam
xərcləri 4 miloyon ABŞ dollarını keçir. Gələcəkdə bəzi hərbi işlərdə insan əməyi robotlarla
əvəzlənəcəkdir. Lakin bu “cəsur yeni dünya”ya çatmağa hələ çox var və hər bir halda işğalın
xərclərinin azaldılması mənfəət bərabərliyinin yalnız yarısıdır. İnformasiya iqtisadiyyatı ərazi
genişləndirilməsi baxımından çətin hədəfdir, qlobal informasiya iqtisadiyyatı isə sülhün
təşviqinə xidmət edir.
Vəziyyət inkişaf etməkdə olan ölkələr üçün daha az ürəkaçandır. İqtisadi cəhətdən güclü
ölkələr istilaya maraqlarını itirsələr də, strategiyaları və ya inkişaf etməkdə olan ölkələrin
siyasətini dəyişmək üçün hərbi gücdən istifadə etmək vasitə olaraq qalmaqda davam edir.
Beynəlxalq məsələlərin həllinə münasibətdə dövlətlərin müxtəlif görüşlərə malik olması
müharibələrin davam etməsi üçün əsasdır. “Qırmızı dövlətlər” küylü qalacaqlar. Çinin
yüksəlməsi Asiyada ideologiya və təsir üçün toqquşmaların yaranması mümkünlüyünü ifadə
edir. Buradakı əlamətlər sübut edir ki, iqtisadi azadlığın qabardılması düzgün istiqamət
olmuşdur. Siyasi azadlıq Çinə gəlməlidir və mütləq gələcək, lakin demokratikləşmənin öz-
www.azadliqciragi.org
16
özlüyündə Çini daha sülhpərvər edəcəyi inandırıcı görünmür. Həqiqətən, yeni demokratikləşmiş
ölkələrdəki yüksələn milli hisslər hərbi macəraçılığa doğru genişlənən ehtirasla əlaqəli olmuşdur
(Mənsfild və Şnayder, 2002a, 2002b).
İnkişaf etməkdə olan ölkələr arasında toqquşmalar, həmin ölkələr ciddi hökümət nəzarəti
altında qaldıqca, kapitalist sülhün təsirindən kənarda qalacaq. Beləliklə, əsas diqqəti torpaq,
əmək və qüvvə kimi ənənəvi vasitələrlə güc tətbiq etməkdən, çətin əldə edilə bilən intelektual və
maliyyə kapitalı kimi mənəvi sərvətlərə yönəltmək üçün iqtisadi inkişafa ehtiyc var. Artan sərvət
və daxili siyasi sabitlik inkişaf etməkdə olan ölkələri öz nominal sərhədlərindən kənarda
hakimiyyət layihələşdirmək üçün resurslarla təmin edir. Afrika və Cənubi Amerikanın böyük
hissəsi çoxdan vəfat etmiş Avropa diplomatlarının şıltaqlığı nəticəsində arakəsmələrlə
bağlanmışdır və mövcüd sərhədlər nə tarixi, nə müasir etnik, dil, yaxud mədəni sərhədləri əks
etdirmir. İnkişaf etməkdə olan dünyada iqtisadi inkişaf münaqişənin qızışması üçün sözün əsl
mənasında silah-sursat təmin edə bilər.
İnkişafın Cənub yarımkürəsini gərginlik ocağına çevirməsinin qarşısını almaq üçün
genişlənən tərəqqinin ərazi dəyərinin nisbətən aşağı düşməsi və qlobal kapitaldan artan asılılıq
ilə uyğun gəlməsi çox vacibdir. Sonradan sənayeləşmiş ölkələrin üstünlüyü ondadır ki, onlar
sənayeləşmənin ən qorxulu mərhələlərindən yan keçə bilərlər. Erkən sənayeləşmə, harda
olmasından asılı olmayaraq, təbii resurslara və onları güc vasitəsilə ələ keçirməyə ehtiyac
yaradır. Əmək haqlarının aşağı olması işğalçı orduları insan qüvvəsi ilə təmin etməyə imkan
verir. Daha əhəmiyyətlisi isə, dəyərli mülkiyyət və resursların müharibə vasitəsilə “qarət oluna
bilən “ kimi qalmasıdır. Elm üzrə fəaliyyət sahələri kapital və insan zəkası formasinda böyük
sərmayə qoyuluşu tələb edir ki, bunun ancaq az hissəsi işğalçı tərəfdən talan oluna bilər.
Xidmətlərin göstərilməsi üçün xarici mənbələrin cəlb edilməsi, telemarketinq və kompyuter
proqramı sənayeləri inkişaf etmiş dünyada çoxlarını qıcıqlandırsa da, inkişaf etməkdə olan
dünyada müharibəyə az meylli iqtisadiyyatların yaranmasına kömək edir. Hindistan və Pakistan
arasında münaqişə müntəzəm alovlansa da, hər iki ölkənin liderləri bu yaxınlarda etiraf etməli
olmuşdur ki, onların daha açıq iqtisadiyyatı aktiv düşmənçilikdən çox əziyyət çəkir. Beynəlxalq
kapitaldan artan asılılıq və texnaloji innovasiyaya nisbətən mübahisəli ərazilərin dəyərinin aşağı
düşməsi göstərir ki, sülhyaratma stimulu güclənmiş və müharibənin dəyəri azalmışdır. Kıbrısda
30 illik gərgin sülh, tədricən Avropanın elm iqtisadiyyatına girişin meyvə bağları və otlaqlara
malik olmaqdan daha vacib olduğunun etirafı ilə əvəz olunmaqdadır.
Demokratiya çox aydın dəyərlərə malikdir. Birləşmiş Ştatlar və digər ölkələrin
demokratiyanı təşviq etməsi – hətta qəbul etdirməsi ilə əlaqədar siyasi təşəbbüslərinə ancaq bu
təsirə məruz qalmış əhalinin daxili faydalanması əsasında bəraət qazandırıla bilər. Belə ki, əgər
demokratikləşdirmə siyasətinin açıq niyyəti beynəlxalq sülhü möhkəmlətməkdirsə, onda burada
böyük ehtiyatlılığa ehtiyac var. Əvvəlcə azad bazarları genişləndirmək, sonra isə onlardan
istifadə olunmaqla demokratiyaya hərəkət etməyi dəstəkləmək daha efektiv görünür. Buradan
alınan nəticələr bu fikrə gəlməyə əsas verir ki, avtokratik hökümətlərin dominantlıq etdiyi Yaxın
Şərq və digər ölkələrdə sülhü demokratikləşdirmə vasitəsilə genişləndirmək cəhdləri xüsusilə
şübhəlidir. Məsələn, İraqın sabit demokratiya əldə edib-etməyəcəyi hələ məlum deyil; lakin belə
riskli işlərdə hətta uğurun dövlətlərarası mənasız münaqişələri azaldacağı inanılmazdır. Bir şərtlə
ki, bu, əsaslı və müvəffəqiyyətli iqtisadi islahatlarla birgə aparılsın. Resursların tükənən olmasını
nəzərə alaraq, inkişaf etmiş ölkələrin diqqəti Şimal yarımkurəsinin çox hissəsində sülhün
bərqərar olmasına aparıb çıxaracaq azad bazar prinsiplərinin və praktikalarının güclənməsinə və
təbliğatına yönəlmişdir. Xüsusilə, Birləşmiş Ştatlar kapitalizmi yaymaq və iqtisadi inkişafa
dəstək vermək üçün öz hegemon statusundan istifadə etmişdir. İndi bu cəhdlərin büdrəməsinə
yol vermək olmaz. Belə ki, terrorizm və Soyuq müharibənin başa çatması Birləşmiş Ştatların
diqqətini Sovet İttifaqının qarşısını almaqdan daha proaktiv beynəlxalq siyasətə yönəltmişdir.
Demokratiyaya dəstək verilməlidir, lakin sübutlar göstərir ki, demokratiya təklikdə sülh gətirə
bilməz, belə ki, geniş yayılmış qaydalar da tərəqqinin olmadığı yerdə qeyri-sabit görünür. Qısası,
sülh və azadlıq məqsədlərinə çatmaq üçün dünyanın inkişaf etmiş ölkələri kapitalist institut və
praktikalarına dəstək göstərməyə bilməzlər.