86
Kərbəlayı atinin belinə sıçradı. Tez olun arxamca gəlin, Nəbigil harda
olsalar, gərək tutaq!
Qayalara dəyən güllələr iri çarpanaqlar qoparıb vıyıltı ilə hara gəldi
çovururdu. Ala Mahmud bəy atının cilovunu döndərib qorxa-qorxa dedi:
-Kərbəlayı, tərəkəmə atlıları qabağımızı kəsiblər!
Kərbəlayı Cəfər atına acı bir qamçı çəkib qabağa cumdu.
-Qurddan qorxan qoyun saxlamaz! Bilmirəm siz niyə belə ağciyər
olmusunuz!
...Qəmər day vəfalı sahibinin hənirtisini almışdı. Atın kişnərtisi Qaroun
dərəsinin qayalarında əks olunurdu. Nəbi bulanıq sularda üzə-üzə Papaqlı qayanən
yanına çıxdı. Mehdi, Məhərrəm, Karapet onu burda gözləyirdilər.
Mehdi qardaşını qucaqladı. Karapetin sevincdən gözləri parladı. Məhərrəm
uşaq kimi gülümsədi. Qəmər day ayaqlarını yerə döyüb sahibinin üzünü imsilədi.
Karapet Nəbini tələsdirdi:
-Qardaşım, yubanmaq vaxti deyil, Gözəl xala dedi ki, tufan sovuşan kimi
Səlim bəy Həcəri Şuşaya aparacaq, beş yüzdən çox atlısı var.
-Necə?! – Nəbi əlini Qəmər dayın yalında gəzdirdi. “Sağalıb. Sağ olsun
Ələkbərin arvadı Giləni. Indi Qəmər dayla bir qoşunun qabağını saxlaya bilərəm”.
– Gedək.
Mehdi qardaşının üzəngisini basdı.
-Nəbi, bəyləri Gəyən düzündə haxlaya bilsəydik... Tərəkəmə atlıları bizi
gözləyirlər. Tələsmək lazımdır.
Nəbi Qəmər dayın gözündən öpüb yəhərə qondu. At kişnəyib qanadlandı,
küləyə döndü.
-Kəsə yolla!
Nallar daşları alışdırırdı. Nallar çınqıllı yolları qığılcımlandırırdı. Nallar nəm
torpağa saysız-hesabsız möhürlər vururdu.
Kərbəlayı Cəfərin dəstəsi Papaqlı qayaya çatanda Nəbigilin dəstəsi gözdən
itmişdi.
-Məmməd bəy, necə olursa-olsun biz o qulduru tutmalıyıq!
-Kərbəlayı, hara deyirsən gedək.
Kərbəlayı Cəfər atını muşqurdu.
-Qaçaqlar kəsə yolla gediblər.
Bəylər nəbigilin izinə düşüblər.
-Toy atlıları həcəri ordu kimi müşayiət edirdilər. Qara zurnanın qoşa
nağaranın səsi Gəyən düzünü oynadırdı. Cavanlar yol boyu gah at çapır, gah da
nişan alırdılar. Güllələr Dağtutmasın qayalarını dəlik-deşik etmişdi.
Göylər ləkəsiz, yollar təmiz, hava küləksiz... Çiçəkli Gəyən düzü tufandan
yenicə çıxıb. Üfüq Həcərin boyun-boğazı kimi odlanmışdı.
Nəbigil toy atlılarını İncə kəhrizin yanında haqladı. Kəhrizin ətrafını yaşıl
pöhrəlik bürümüşdü. Qaçaqlar atlarını pöhrəlikdə gizlədib özlərini qayaların
dalına verdi.
Qabaqda dəvə karvanı qatarlanmışdı. Şələpapaq sarbanlar qumaşa bürünmüş
nərlərin
üstündə yırğalanırdılar. Hacabud mayalar nərildəyə-nərildəyə
zınqırovlarını çalır, yovşan iyi hopmuş Gəyən düzü ilə asta-asta irəliləyirdi.
87
Dəvələrin birinin üstünə Həcərin cehiz xalçası sərilmişdi. Xalçadakı şəkillər təkcə
tacir Hacı Fərəcoğlunun yox, çox sarbanları dilə gətirmişdi. Sarbanlar yol boyu bu
xalçadan danışırdılar.
Qabaqda iki atlı çapırdı. Şüşaya-bəy evinə müjdə aparırdılar. Cavanlardan
birinin əlində qırmızı şal var idi. Kim ötdü dərhal şalı rəqibinidən alırdı. Gəlinin
gəlməsini birnici xəbər verən adam xələt alacaqdə.
Qaçaqlar hazır dayanmışdılar. Durbin şal aparan atlıları çəkib Nəbinin
gözünə yaxınlaşdırırdı.
-Qoy dərəyə ensinlər!
Aynalı açılanda atlıların ikisi də yəhərdən aşdı. Birinin ayağı üzəngiyə
ilişmişdi. At onu sürüyə sürüyə dərə aşağı aparırdı. O biri isə yerdə sərilib
qalmışdı: külək qırmızı şalı onun əlindən üfürüb alır, göyə qaldırır, Nəbiyə tərəf
uçururdu.
Cəngi çalınır, nağara gumbuldayır, nallar cingildəyirdi. Atlılar qıy
vururdular. Sanki onlar Yazıda yarımçıq qalmış cıdırı Gəyən düzündə davam
etdirirdilər.
Atlılar pöhrəliyə yaxınlaşmaqda idilər. Karapet istədi atəş açsın, Nəbi
qolundan yapışdı:
-Tələsmə, qoy yaxına gəlsinlər.
Səlim bəyin dünyadan xəbəri yox idi. O, papağını gözünün üstünə endirib
Kürənini qırmızı qanovuza bürünmüş Həcərin gah sağında, gah solunda səyirdirdi.
Qız isə oğrun-oğrun onun bütün hərəkətlərini izləyir, hərdən köhləninin cilovunu
yığıb ətrafa göz gəzdirirdi: “Bunlar bəs harda qaldılar?! Yox, necə olursa-olsun
onlar gəlib çıxmalıdır”. Birdən qızın nəzəri pöhrəlikdə qeyri adi bir qızıl çubuğa
sataşdı: “Aman allah, bu, suca ilandır. Qırmızı paltarımı görüb gəlib, bu məndən nə
istəyir, onsuzda ilanların içindəyəm də...”
Qaçaqlar toy atlılarını lap yaxına buraxdılar. Nəbi birdən nərə çəkdi:
-Vurun!...
Sərrast güllələr bəyləri bir-bir atdan endirdi. Dəstə pərən-pərən düşdü. Toy
atlıları pöhrəlikdə gizlənən qaçaqları mühasirəyə almağa çalışdılar. Lakin tərəkəmə
atlıları onlara imkan verədi. Nəbigil köhlənlərinin belinə sıçrayıb meydana girdilər.
Toy atlıları vuruşa davam gətirməyib qaçmağa başladılar. Səlim bəy əlində
tapanca onların qabağını kəsdi:
-Hara, qorxaqlar! Bu imiş sizin kişiliyiniz?!
Kərbəlayı Cəfərgil özlərini yetirdilər. Ürəklənən bəylər yenidən qaçaqların
üstünə cumdular. Lakin bu dəfə də niyyətləri baş tutmadı. Hərə bir tərəfə qaçırdı...
Nəbi Səlim bəyi diri tutdu. Qaçaqlar bəyin bığının bir tayını və kürənin
quyruğunu dibindən qayçıladılar.
-Tez ol min atına, yoldaşların getdi, çata bilməzsən.
Nəbi Səlim bəyi qırxıq atına tərsinə mindirdi.
-Hə... hə... hə cənab bəy, eşitdiyimə görə məni toya yallı oynamağa
də
,
vət etmisən. Buyur gəlmişəm. Birlikdə oynaya bilərik. Gərək bağışlayasan,
təzəbəyin toyunda bundan artıq oynamağı bacarmıram.
-Bu sənə baha oturacaq, Nəbi! Biz yenə görüşəcəyik! Bu, namərdlik oldu,
qəfldən üstümüzə basqın etdiniz!