88
Nəbi soyuqqanlıqla dilləndi:
-Cənab bəy, kaş belə “görüşümüz” çox olaydı. Biz də gəlib sənin toyunu
əməlli başlı edəydik... İndiki kimi-qəfil! Onu da bil ki, biz bəyin yox, xanımın
də
,
vəti ilə gəlmişik.
Həcər irəli yeridi. O, biləklərindəki, boyun-boğazındakı, belindəki qızıl
zəncirləri qırıb Səlim bəyin başına çırpdı.
-Al, cənab bəy, Nəbini bu toya mən özüm də
,
vət etmişəm, bu toy onun
olmalıdır!
Cehiz aparan dəvə karvanı yolun ayrıcında qalmışdı. Sarbanlar “bu
gözlənilməz toydan sonra” bilmirdilər nərlərin başını geri döndərsinlər, yoxsa
yollarına davam etsinlər.
Qaçaqlar Səlim bəyə sataşır, onu hirsləndirirdilər. Bəy atın üstündə bağlı əl-
qolunu dartışdırıb ağzına gələni söyürdü...
-Ə, Mehdi, təzəbəyin xətrinə dəyməyin, açın onun qollarını. O bu dağlarda
at oynatmağı yenicə öyrənir.
-Quldur oğlu, mən canavar kimi dağlarda yaşamağa adət etmişəm mən
Səlim bəyəm! Dedim ki, biz yenə görüşəcəyik! Bu, sənə baha oturacaq!
At qırxılmış quyruğunu çaldıqca Səlim bəyin sifəti min rəngə düşürdü. Nəbi
isə qəsdən kinayəli nəzərləini ondan çəkmir, bəyə əzab verirdi.
Karapet Səlim bəyin atına bir qamçı ilişdirdi. At quyruğunu qısıb şıllaq atdı.
Səlim bəy az qaldı yıxılsın. Qaçaqlar gülüşdülər.
-Atı da özü kimi nadıncdir!...
...Gəyən düzü susmuşdu Səlim bəy quyruğu qırxılmış Kürənin belində qara
nöqtə kimi görünürdü. Kərbəlayı Cəfərin atlıları yenidən nizamlanıb bəyin dörd
böyründə nidaya dönmüşdülər. Qaçaqlar isə gözə dəymirdilər. Onlar şeh təki hiss
olunmadan hara isə çəkilmişdilər.
PALIDIN ALTINDA
Gözlər gülüşlü... üzlər gülüşlü... Xəyallar gülüşlü... Bu gülüş sanki yanırdı.
Yanırdı – kəmərində cərgələnən sarı güllər kimi!... Alışırdı – Gümüş qınlı xəncər
kimi!.. Qız ceyranlı çulun üstündə uzanıb yəhərə dirsəklənən oğlanı ovsunlayırdı.
Yaşıllıqda ilmələnmiş çiçəklər sanki oğlana həsəd aparır, deyirdilər: “Ey oğlan,
niyə bizi görmürsən? Insafın hardadır! Bir vaxt bizi dərib sevgilinin telindən
asardın. Bəs indi niyə unudulmuşuq?” oğlan isə heç bir şeyi görmək, eşitmək
istəmirdi, sinədəki bir cüt tər qönçəni qoxlayır, hey qoxlayırdı...
Palıd ağacının altında yanan ocaq hərdən dilimlənib şö,lələndikdə Nəbi
Həcərin yanağındakı xalı daha aydın görürdü. Kaş belə axşamların sonu
olmayaydı... Görəsən bu yaşıl otların arasında işıldayan nədir? Bəlkə, Səlim bəyin
başına çırpdığım daş-qaşlardır? Bəlkə, kimsə o qızıl kəmərləri - o qızıl zəncirləri
qəsdən bu çəmənə atmışdır?... Bəlkə, bununla mənə acıq vermək istəyirlər?... Yox
bu tər otların arasında ışıldayan daş-qaşlar deyil, gecə böcəkləridir. Nəbi ona
“çoban çırağı” deyərdi. Insaflı böcəklər siz hardan bildiniz ki mənim bu gəlinlik
axşamında şam yandıranım yoxdur? Mən bəy xanımı deyiləm, qaçaq gəliniyəm.
Kimdir bu ucqar Süsən meşəsində mənə canı yanan, mənim belimi bağlayan, mənə
89
taxt quran, mənə gərdək asan... Şam yandıranım, xeyir-dua verənim də yoxdur.
Araz lap yaxından axır. Elə bil kimsə Arazın sarı simini mənim üçün kökləyib.
Bəlkə Araz bilir ki, mənim toy gecəmdir, çalıb-oxuyanım yoxdur, müğəniliyi
boynuna alıb oxu, mənim Arazım! Qoy səsin mənim qəmimi dağıtsın!
Süküt... Dilsiz baxıçlar... Meşə... Palıq ağacının altı... Nəbi bu zərif, bu incə
sükutu Kərbəlayı Cəfərin bütün var-dövlətinə dəyişməzdi. Həcər bu xoş anlarını
Səlim bəyin ovuc-ovuc göndərdiyi brilyantlara, yaqutlara, zümrüdlərə verməzdi.
Gözəl təbəssümlü, gözlər ehtiraslı... baxışlar sərxoş ulduzlar təki hərdən süzülüb,
min bir gecə nağıllarındakı tilsimlər aləminə düşür...
Nəbi uzun sükütdan sonra zümzümə edirdi:
Araz üstə,
buz üstə,
Kabab yanar köz üstə,
Qoy məni öldürsünlər,
Bir ala göz qız üstə.
İlbizlər Nəbinin səsini alır, bir-birnə ötürür, bu toy gecəsinin şənliyini, fərəhini
sanki uzaqlara aparır, uzaqlara yayırdı. Nəbinin əli qızın qara hörüklərini
sığallayırdı. Həcər nəvazişdən xoşallanırdı. “Bir vaxt vardı belə günləri ancaq
xəyalımda təsəvvür edərdim. Deyirdim ki,görəsən onunla yalqız bir yerdə
görüşəcəyəmmi? Həmişə Nəbini görəndə onu tələsdirirdim:- Mənə bir köhlən tap,
deyirdim elə köhlən ki, Qəmərlə ayaqlaşa bilsin. Mən də səninlə meşələrə, dağlara,
dərələrə getmək istəyirəm.
Qızın nəzəri, xəyalı, baxışları bir nöqtədə qərar tuta bilmirdi; Qəmər day kimi
İrandan vurub Turandan çıxırdı. Lakin bu gecə hər şey onun baxışlarında doğma
ana təki nəzvazişli idi. Bahar çiçəkləri çoban böcəkləri ilə bəzənib özlərini Həcərə
sevdirirdi. Araz göyçəli Aşıq Ələsəgər
təki gah pəsdən, gah da zildən oxuyurdu...
-
Danış, Həcərim, niyə susursan?
-
Sözüm qurtarıb, Nəbi nə danışım?
-
Həcərim, mənsiz keçirdiyin günlərdən danış. Qartal yuvasında olanda heç
yadına düşmürdümmü?
Həcər Nəbinin sualına cavab vermədi, bir-bir çiçək dərib Nəbinin qara saçaqlı
papağına səpdi. Papağının üstünə elə bil kəpənək köçü düşdü.
- Bu ceyranlı çul niyə bir yerdə durmur? – Qız əli ilə altlarına sərdikləri qotazlı
şirəcini hamarladı.
Hörmətli oxucum Baş Cəfərli kəndində yaşayan Kərbəlayı Məhəmməd
Aloya həmişə maddi və mənvi dayaq olub. Nəbi onun nökəri olanda ona atalıq
edib. Nəbi dağlara çəkiləndə ona bir Bozat birdə aynalı tüfəng verib. Nəbi Qəmər
dayı və öz tüfəngini Həcər bağışlayıb.