89
18 Mart – Şair Mahir Rəfizadənin anadan olmasının 80 illiyi, (1938)
Rəfizadə Mahir Bəşir oğlu 1938-ci il martın 18-də Gəncənin Bağbamlar
qəsəbəsində qulluqçu ailəsində anadan olmuşdur. Burada 16 saylı şəhər orta
məktəbini bitirmişdir. Kənd təsərrüfatı texnikumunda təhsil almışdır (1957-1960).
ADU-nun hüquq fakültəsinin axşam şöbəsində təhsil almışdır (1965-1973). Bakı
şəhəri Abşeron xalq məhkəməsində iclas katibi (1964-1972), “Bilik” cəmiyyətində
müvəkkil (1972-1973), Azərbaycan Respublikası Ədliyyə Nazirliyi yanında
Respublika Notariat və Vətəndaşlıq vəziyyəti Aktları İdarəsində məsləhətçi (1974)
işləmişdir. Bədii yaradıcılığa 50-ci illərdən başlamış, “Hacıkənd” adlı ilk şeiri 1958-
ci ildə çap olunmuşdur. “Azərbaycan”, “Göyərçin” jurnallarında, “Ədəbiyyat və
incəsənət”, “Gəncənin səsi” qəzetlərində lirik və satirik şeirlərini müntəzəm dərc
etdirmişdir. Bir sıra şeirlərinə musiqi bəstələnmişdir.
Kitabları: “Təbiətin mahnıları” (1990), “Taleyimiz” (1996), “Nəvəli dünyam”
(1999), “Yağan yağış deyildi” (2001) və s.
Ədəbiyyat: Əhmədov T. Azərbaycan yazıçıları (XX-XXI yüzillikdə) : Ensiklopedik məlumat
kitabı. – Bakı : Nurlar Nəşriyyat-Poliqrafiya Mərkəzi, 2011.
90
20 Mart – Şair, publisist Kələntər Kələntərlinin 85 illiyi, (1933-2012)
Kələntər Kələntərli 1933-cü ildə mart ayının 20-də
Qusar rayonunun Sudur kəndində kolxozçu ailəsində
anadan olmuşdur. Atasını erkən yaşlarından itirən
K.Kələntərli burada orta məktəbin 7-ci sinfini
bitirdikdən sonra 5 il kolxozda işləmişdir. Sonra
o, 1950-1954-cü illərdə Quba Pedaqoji Texnikumunda
təhsil almağa başlamışdır. O, 1954-1958-ci illərdə
Azərbaycan
Pedaqoji
İnstitutunun
Ədəbiyyat
fakültəsində təhsil almışdır. Lakin ağır, çətin ailə vəziyyətinə görə ali təhsili başa
vura bilməmiş və dördüncü kursdan çıxıb işləməyə məcbur olmuşdur. 1959-cu
ildə Azərbaycan Elmlər Akademiyasının Kitabxanasında şöbə müdiri, 1960-cı ildə
"Mübariz keşikdə" qəzetində şöbə müdiri, 1961-1962-ci illərdə "Azərbaycan
gəncləri" qəzeti redaksiyasında ədəbi işçi vəzifəsində işləmişdir. K.Kələntərli 1962-
ci ildən Azərbaycan Yazıçılar Birliyinin üzvüdür. 1963-1964-cü illərdə Natəvan
klubunun direktoru olmuşdur. 1966-1968-ci illərdə Azərbaycan Dövlət
Nəşriyyatında İncəsənət şöbəsinin redaktoru, 1984-1986-cı illərdə "Qızıl Şərq"
mətbəəsində korrektor, 1990-1992-ci illərdə "Amal" qəzetində şöbə müdiri
işləmişdir. K. Kələntərli 1959-cu ildən 1966-cı ilin axırına kimi, "Azərbaycan
gəncləri" qəzetinin Sabir adına Kitabxanada təşkil etdiyi "Ədəbi məclisin" rəhbəri
olmuşdur. 1993-cü ildən Azərbaycan Respublikası Dövlət Televiziya və Radio
verilişləri şirkətində radionun Ləzgi Redaksiyasının Baş redaktoru vəzifəsində
çalışır. Əsərlərini Azərbaycan və ləzgi dilində yazır. Bədii yaradıcılığa 50-ci illərdən
başlamışdır. Şeirləri, poemaları, ədəbi-tənqidi və publisist məqalələri "Azərbaycan",
"Qobustan", "Ulduz" və s. jurnallarda, eləcə də qəzetlərdə müntəzəm çap olunur.
"Dağlar silkələndi", "Şöhrət axtaran xanım" və "Lənət şeytana, yaxud belə-belə
işlər" mənzum pyesləri xalq teatrında tamaşaya qoyulmuşdur. "Şuşam geri
alınmasa" və "Ağ atlı oğlan" poeması xüsusilə diqqəti cəlb edir. 2006-cı ildə
Azərbaycan Respublikası Prezidenti İlham Əliyevin Sərəncamı ilə "Tərəqqi"
medalına layiq görülmüşdür.
Kitabları: “Dəniz nəğmələri” (1963), “Öz qitəmi axtarıram” (1968), “Qatar gedir”
(1968), “Dəniz və məhəbbət” (1972), “Şirin nübar” (1979), və s.
Ədəbiyyat: Əhmədov T. Azərbaycan yazıçıları (XX-XXI yüzillikdə) : Ensiklopedik məlumat
kitabı. – Bakı : Nurlar Nəşriyyat-Poliqrafiya Mərkəzi, 2011.
91
21 Mart – Şair Ağacavad Əlizadənin 90 illiyi, (1928-1995)
Ağacavad Əlizadə 1928-ci il martın 21-də Azərbaycanın
Salyan şəhərində anadan olmuşdur. Bakıda 40 saylı fəhlə-
gənclər orta məktəbini bitirdikdən sonra ADU-nun filologiya
fakültəsində təhsil almışdır (1953-1958). Əmək fəaliyyətinə
Salyan mərkəzi kitabxanasında kitabxanaçı kimi başlamışdır
(1942-1944). Sonra Salyan Dövlət Dram teatrında aktyor və
rejissor müavini (1944-1948), Salyan rayonu 2 saylı uşaq
evində pioner baş dəstə rəhbəri, radio qovşağında ədəbi
müvəkkil və direktor (1948-1949), yenə kitabxanaçı, mədəniyyət evində təlimatçı,
eyni zamanda pioner və məktəblilər evinin direktoru, "Qələbə" qəzeti redaksiyasında
məsul katib olmuşdur. O, universitetdə tələbəlik dövründə "Lenin tərbiyəsi ugrunda"
çoxtirajlı qəzet redaksiyasında məsul katib, təyinatla "Bakı" axşam qəzeti
redaksiyasında məsul katibin müavini və tərcüməçi (1958-1960), "Azərbaycan"
jurnalı redaksiyasında ədəbi işçi, tənqid və biblioqrafıya şöbəsinin müdiri, məsul
katib, "Ədəbiyyat və incəsənət" qəzeti redaksiyasında məsul katib (1960-
1976), "Yazıçı" nəşriyyatında böyük redaktor (1978-1987) işləmişdir.
İlk mətbu
şeiri "9 May" 1946-cı ildə Salyan rayonunun "Sosializm yolu" qəzetində çap
olunmuşdur. Dövri mətbuatda müntəzəm çıxış etmişdir. Oçerk, publisistika və bədii
tərcümə ilə də ardıcıl məşğul olmuşdur. Bir sıra televiziya filmlərinin ssenari
müəllifıdir. Onun sözlərinə bir neçə mahnı bəstələnmişdir. Hekayə və oçerkləri
müsabiqələrdə mükafata layiq görülmüşdür. Bədii qiraət ustasıdır. Ən yaxşı şeir
oxumaq müsabiqələrində dəfələrlə festivalların laureatı olmuşdur. O, ədəbiyyat üzrə
ümumittifaq tədbirlərində (poeziya bayramlarında, ədəbiyyat günlərində və s.)
Azərbaycanı təmsil etmişdir. Fəal ictimaiyyətçidir. Bir sıra ədəbi dərnəklərə
rəhbərlik etmişdir (1950-1987). Azərbaycan Yazıçılar İttifaqında yerli komitənin
sədri olmuşdur (1962-1975). "Azərbaycan" jurnalındakı fəaliyyətinə görə respublika
Jurnalistlər İttifaqının Fəxri Fərmanına layiq görülmüşdür. Bir medalla təltif
olunmuşdur. 1995-ci il aprelin 25-də vəfat etmişdir.
Kitabları: “Çinarın söhbəti” (1961), “Sovet ittifaqı qəhrəmanı Məhərrəm Dadaşov”
(sənədli povest) (1975), “Hələ söhbətim var” (1977), “Sən yanımda olanda” (1983)
və s.
Ədəbiyyat: Əhmədov T. Azərbaycan yazıçıları (XX-XXI yüzillikdə) : Ensiklopedik məlumat
kitabı. – Bakı : Nurlar Nəşriyyat-Poliqrafiya Mərkəzi, 2011.