İşığm dalğa təbiətli olmasına əmin olmaq üçün onun düzxətli yayılmasının dalğa nəzəriyyəsi
ilə izahı tələb olunur.
Frenel dalğavari nəzəriyyə əsasında işığın bircins mühitdə düz xətt boyunca yayılmasmın ilk
dəfə aydın izahını vermişdir.
Hüygens–Frenel prinsipi
Dalğanın yayılmasının xarakterik xüsusiyyəti ondan ibarətdir ki, hər bir dalğa yayılarkən
maneə arxasına keçmək qabiliyyətinə malikdir.
Dalğanın difraksiyasının baş verməsi dalğa uzunluğuna nisbətən maneənin hansı xətti ölçüyə
malik olmasından asılıdır. Məsələn, suyun səthi üzrə yayılan iri dalğalar bütünlüklə dönüb
dirəyin arxasına keçir. Kiçik ləpə isə dirəyin arxasında yaxşı görünən – kölgə-sahəsi əmələ
gətirir.
İnterferensiya hadisəsi və bu hadisəyə əsaslanaraq çoxlu sayda təcrübi faktların izahı işığın
dalğa xarakterli olmasını təsdiq edir.Belə olduqda işığın bircins mühitdə, düz xətt boyunca
yayılması və kiçik manlələrə rast gəldikdə düzxətli yayılma istiqamətindən kənara çıxması
hadisələri də dalğa nəzəriyyəsinə əsasən izah edilməlidir.Lakin Hüygens prinsipi bu suallara
cavab verə bilmədi. Belə ki, müxtəlif istiqamətlərdə yekun dalğa intensivliyinin müəyyən
edilməsi məsələsi Hüygens prinsipinə görə həll edilməmiş qaldı. Frenel ikinci dalğaların
koherentliyini nəzərə alaraq Hüygens prinsipini interferensiya prinsipi ilə tamamladı və qarşıya
çıxan yuxarıda qeyd etdiyimiz çətinliyi həll etdi. Bu səbəbdən də Hüygens prinsipi Hüygens–
Frenel prinsipi adlanır.
Hüygens–Frenel prinsipi işığın difraksiya hadisəsini bütün təfsilatı ilə izah edir. Bu prinsipin
Hüygens prinsipində formal olaraq daxil edilmiş dalğaların qurşayanına dərin fıziki məna verdi.
Belə ki, Hüygens prinsipi, dalğa cəbhəsinin əvvəlki anda hər bir nöqtəsi yanında əmələ gələn
elementar dalğalara qurşayan çəkərək cəbhənin yeni vəziyyətini qurmağa imkan yaradır. Burada
qurşayan səth elementar koherent dalğaların qarşılıqlı interferensiyası nəticəsində intensivliyin
böyük qiymətlərinə müvafıq olan nöqtələrin həndəsi yeri kimi başa düşülür.
Frenelin ideyasına görə istənilən anda dalğa səthi yalnız sadəcə ikinci dalğaların qurşayanı
yox, onların interferensiyasının nəticəsidir.
Dostları ilə paylaş: