12
olaraq ortaya çıxmır. O, folklor faktı daxilində simvolik davranışlar əsasında
təzahür edir. Əkizlər mif modeli özündə bir çox sosial-mədəni münasibətlər
çərçivəsini təcəssüm etdirir. Daha doğrusu, şüur həmin o ikiliyi bir çox
sosial-mədəni modeldə qəbul edir və əsaslandırır:
a) Bacı-qardaş
b) İki bacı
c) İki qardaş
d) Ata-oğul
e) Qəhrəman və dostu (və ya dostları)
f) İki dost
Bundan savayı, əkizlər mif modeli ayrı-ayrı münasibətlər konteks-
tində də əsaslandırılır:
a) Cinsi münasibətlər.
b) Qohumluq münasibətləri.
c) Dərketmə qabiliyyəti (ağıllı-axmaq).
d) Emosional özünüifadə qabiliyyəti (qorxaq-cəsarətli, xeyirxah-bəd-
xah, hiyləgər-sadəlövh).
e) Fərqli məkan və zamana aid olma baxımından (Məsələn, Basat bu
dünyaya, Təpəgöz isə o dünyaya aid olan cizgilərdə təqdim olunur).
f) Heyvan-insan münasibətləri kontekstində (qəhrəman və at).
Əkizlər mif modelində təqdim olunan yuxarıdakı xüsusiyyətlər bəzən
qarşıdurmada, bəzən isə vəhdətdə, birgə fəaliyyət göstərən obrazlar kon-
tekstində təcəssüm olunur. Amma əkizlər mif modelinin əsasında qarşıdur-
ma semantikasının təcəssüm olunması mədəniyyətlərdə daha geniş yayıl-
mışdır. Təsadüfi deyildir ki, Levi Stros tanrıdan və triksterdən döllənməklə
doğulan ekiz uşaqlar haqqında mifdən danışarkən “Əkizlər arasında qarşı-
durmanın lap döllənmə anından mövcud” olduğunu diqqətə çatdırır
13
.
Birinci fəslin
“Mifoloji insest xaotik paradiqma kimi” adlanan dör-
düncü yarımfəslində göstərilir ki, antropoloqlar tərəfindən mədəni, sosial
və biososial fenomen kimi araşdırılan
14
insest tabusu Levi Strous tərəfindən
insanın təbiətdən mədəniyyətə keçidinin işarəsi kimi dəyərləndirilir
15
.
Mədəni nümunələrdə aktuallaşan insest aktı:
a) insanlığın təhtəlşüur emosiyasını aktivləşdirir;
b) təhtəlşüur emosiyasına verilən reaksiya (tabular və s.) əsasında
13
Стросc К.Л. Миф и значение (перевод Александра Островского).
http://rl-online.ru/articles/3-04/467.html
14
Kupiainen T. The Forbidden Love of Sister and Brother: The Incest Theme in Archangel
Karelian Kalevala Meter Epic // Myth and Mentality Studies in Folklore and Popular
Thought. Helsinki, Finnish Literature Society, 2003, p. 272
15
Göst. əsər, s. 3-273
13
obrazın və ya obrazların daxili psixoloji inkişaf dinamikası açıqlanır ki, bu
da bizə obrazın ritual-mifoloji situasiyasının təsvirini verir;
c) insest münasibətlər modeli olmaqla ilkin yaradılış kontekstinin
təsvir dilini, üsulunu və əsaslandırma şəklini ortaya qoyur. Yəni inçestin
mədəni kontekstdə aktuallaşması ilə yuxarıda sadalanan üç xüsusiyyətin
hamısı aktuallaşmış olur.
Dünyanın müxtəlif yerlərindən toplanılmış və Azərbaycan folklorun-
da da rast gəlinən “atanın öz qızına aşiq olması” süjetinin də əsasını insest
münasibəti təşkil edir ki, D.L.Ashilman bu beynəlxalq süjetin aşağıdakı
motivləri ehtiva etdiyini vurğulayır:
1) Ölən qadın öz ərindən söz alır ki, o yalnız o vaxt yenidən evlənəcək
ki, müəyyən təsvirlərə uyğun gələcək qadın tapacaq.
2) Matəmdən sonra dul kişi müəyyən edir ki, yalnız qızı ölmüş arva-
dının yenidən evlənmə şərtlərinə cavab verir və ona evlənmək təklif edir.
3) Qız atasını fikrindən yayındırmaq üçün möhlət istəyir və atasına
bəzi hədiyyələr gətirməsini tələb edir, ata da bunları asanlıqla tapır.
4) Qız öz probleminin heç bir həlli yolu qalmadığını gördükdə qeyri-
adi paltar geyinərək uzaqlara qaçır.
5) O, qulluqçu kimi saxlanıldığı adamın təsərrüfatında sığınacaq əldə
edir və zaman-zaman təhqirlə qarşılanır.
6) O, vaxtaşırı işlədiyi mətbəxdən qaçır və ayrı-ayrı bal paltarlarında
müxtəlif görünüşlərdə özünü təqdim edir
7) Şahzadə cazibədar paltardakı qadına vurulur. Və sonra o müəyyən edir
ki, bu qəşəng qız onun qulluqçusundan başqası deyil və onunla evlənir
16
.
Süjetlərdəki motivlərdən aydın olur ki, qadın (ana) dünyasını dəyişir
və o, ərinə gələcəkdə evlənmək üçün öz əlamətlərini təsvir etməklə elə öz
qızının əlamətlərini demiş olur. Yaradılışın başlanğıcını ifadə edən münasi-
bətlər – ər və arvad, qardaş və bacı, ana və oğul, bacı və qardaş kimi müna-
sibətlər kontekstində ifadə olunduğunu nəzərə alsaq, qeyd olunan bu süjetin
də əsasında xaosdan komosun yaradılışı anına aid elementlərin izlərini gör-
mək mümkündür.
Nağıllara diqqət edilsə görərik ki, ər öz arvadına oxşayan qadınla
evlənmək istəyindədir, qadın da yalnız və yalnız ona bənzəyən və ya onun
müəyyən əlamətlərini daşıyan adamla evlənməyi məsləhət görür. Semantik
planda burada bir çox məsələ aydınlaşa bilər. Qadının ərinə ona bənzəyən
biri ilə evlənməyi məsləhət görməsində və kişinin öz arvadına bənzəyən
birini axtarmasının əsasında ilkin situasiyanın, seçimin olmadığı, ilk insan
cütündən ibarət bir “cəmiyyət”in işarəsindən söhbət gedir. Odur ki, ananın
16
Ashliman D.L. Folktales of Aarne-Thompson-Uther Type 510B.
http://www.pitt.edu/~dash/type0510b.html