16
lar bir anlıq durduğu kimi, gənclər də həmin kontekstdə ilkin başlanğıca,
qadın və kişinin hələ bir-birlərindən ayrılmadığı xaos nöqtəsinə qayıdırlar.
Bu dönüş həmçinin fərdi universal mifologiyaya bağlayır. Başlanğıcda
(xaosda) bir nüvədə birləşən oğlan və qız sevgililər (yaxud ər və arvad)
barədə mif bu zaman donuq mətn kimi deyil, hərəkətdə olan, canlı mif kimi
reallaşır. Burada fərd özü “Adəm və Həvva” mifini daxili psixoreallıq ola-
raq canlı yaşayır. Novruz bayramında yatan, simvolik olaraq ölən gənc də
ritual modeldə başlanğıc zamana qayıdır: bu dönüş gəncə başlanğıca qayı-
daraq yenidən yaradılmaq, ilkin yaradılışı (Adəm və Həvva mifini) imita-
siya etmək imkanı verir. Bu isə öz növbəsində şəxsə “gələcək həyat yolda-
şını görmək” imkanı yaradır.
“Göbəkkəsmə”nin mifoloji semantikasında ilkin başlanğıca, kosmos-
laşma prosesinə işarə edilir. Xaos mərhələsində bitişik olan “qadın və kişi”
başlanğıcı bir-birindən ayrılır ki, bu da kosmoslaşma aktının həyata keçiril-
məsi anlamına gəlir. Bundan savayı, yaxın zamanlarda doğulan uşaqlar
kosmoqoniyaya münasibətdə “bacı-qardaş” semantikası daşıyır. “Göbək-
kəsmə” ritualı vasitəsi ilə onlar arasında mövcud ola biləcək insest müna-
sibəti də simvolik dillə tamamilə aradan qaldırılır ki, gələcəkdə onların
evlənməsinə heç nə mane olmasın. Başqa sözlə, bununla ritual faktı vasitəsi
ilə dünyanın ikiyə bölünərək yaradılmasının imitasiyası ilə yanaşı, insest
münasibətinin də tamamilə aradan qaldırılması nəzərdə tutulur.
Aşağıdakı mətnin də semantikasında qadın və kişini bir nüvədən
yaradılması semantikası vardır:
“Sonra Allah Adəmi yaratdı çamurdan. Fə-
riştələr boğazacan yoğurdular, yuxarını bacarmadılar. Yuxarını Allah yarat-
mış, ona görə də boğazdan yuxarıya söymək olmaz. Adamdan sonra şeytan
gəldi, insanın ağzına girdi. Dedi burda can durmaz, sonra yenə Yasin oxu-
dular, can verdilər. Həzrəti Adəm asqırdı, ayıldı. Kəmiyindən Həvvanı ya-
ratdı. Sonra həzrəti Adəmdən altmış adam törətdi, camahatı törətdi. Şeytan
dedi ki, mən məndən olanı alacam. Adəm qoymadı, lənət etdi şeytana. On-
nan da şeytan itdi gözdən”
22
Bu mətnin mifoloji semantikasında qadın və kişinin bir mahiyyətdən
(torpaqdan) ayrılmasından söhbət gedir. Qadın və kişinin bir yerdə, bir
nüvədə cəmləndiyi mərhələ yaradılışdan öncəki vəziyyəti, xoas mərhələsini
işarələyir. Kosmoslaşma həmin o xaosun ikiləşməsi – qadın və kişiyə
bölünməsi vasitəsi ilə həyata keçirilir. Başqa sözlə, oppozisiyanın doğması
ilə xaos sona çatır, kosmoslaşma aktı başlayır.
İkinci fəslin “Toy ritualında xaos və kosmogenez” adlanan ikinci
yarımfəslində göstərlir ki, toy (düyün) mərasimi cəmiyyətdə kosmik və so-
sial nizamın qorunmasına xidmət edən rituallardan biridir. Bütün mərasim-
22
Əsatir, əfsanə və rəvayətlər. Bakı: Şərq-Qərb, 2005, s.,27
17
lər kimi, bu mərasimin də özünəməxsus həyata keçirilmə məzmunu və tex-
nikası vardır. Toy mərasimi məzmununa görə cəmiyyətin bir üzvünün sta-
tus dəyişməsini, keçidini digərlərinə təqdim etmək mahiyyəti daşıyır.
İki gəncin evlənməsinə xidmət edən toy mərasimini iki yöndən araş-
dırmaq mümkündür:
1. Toyun simvol dünyasının (statik şəklinin) araşdırılması;
2. Toyun süjet strukturunun inkişafının (dinamik şəklinin) araşdırılması.
Şahın, bəyin yaradıcılıq prosesindəki mövqeyinin arxetipik modelini
qədim mədəniyyətlərdəki rituallarda daha aydın görmək mümkündür. Yara-
dıcılıq prosesindəki mövqeyinə, vəziyyətinə görə də “bir günlük bəy” kos-
moslaşma prosesində iştirak edən kral, şah və bəyin ritual situasiyası ara-
sında bir əlaqə, oxşarlıq vardır. Bu məsələyə Arnold van Gennep də keçid
rituallarını araşdırarkən diqqət çəkmişdir: “Çox vaxt toy mərasimləri çox
sıx şəkildə taxt-taca çıxmaq mərasimləri ilə detallarla oxşarlıq nümayiş et-
dirirlər: kralın üzərinə sərilmiş duvaq, ər və arvadın başının üstündəki çə-
ləng; gəlini və evlənən kişini fərqləndirən sakral əşyalar gələcək hökmdarın
hakimiyyət simvollarına bənzəyir; oxşarlıq xüsusən, Şimali Afrikada və
Hindistanın bəzi əyalətlərində özünü büruzə verir: məsələn, burada bəy çar,
sultan və ya şahzadə, gəlin isə çariça, sultan arvadı, kraliça elan olunur,
Çində isə evlənən şəxsə yüksək rütbə olan mandarin adı verilir”
23
.
Toyun bir günlük bəyi ilə bəy, xan rütbəsi arasında əlaqə toy məra-
simindəki paralel simvolizmlə özünü daha açıq və aydın şəkildə ortaya qo-
yur. Yəni toy prosesində müxtəlif şəkillərdə bəy, xan rütbəsinin fəaliyyət-
ləri də imitasiya olunur.
Toy mərasimində bəy və gəlinin yanında aparılan güzgü və şam tim-
salında da kosmoqonik xarakterli Günəş və Ay arasındakı evliliyin canlan-
dırıldığını düşünmək olar. Semantik baxımdan toyda bəyin qız evinə, sim-
volik planda yad dünyaya göndərilməsi və ya onun oğurlanması xaos situa-
siyasında olan kralın (yaxud bəyin) hakimiyyətdən uzaqlaşdırılaraq öldürül-
məsinə, toyun idarə olunmasının toybəyiyə, yaxud da toybaşına tapşırılması
isə kralın simvolik olaraq hakimiyyətdən uzaqlaşdırıldığı zaman yerinə mü-
vəqqəti kral təyin olunmasına uyğun gəldiyi halda, toyda bəyin bəy hama-
mına aparılması kralın mərasimlə təmizlənməsinə, bəyin gərdəyə girməsi
kralın qutsal evliliyinə, bəyin mal-mülk alaraq müstəqil ev qurması kralın
mərasimlə yenidən taxta çıxarılmasına bərabərdir.
Toy mərasimində örtük, fata, duvaq kimi məlum olan “niqab”da daş-
laşaraq yaşayan mifoinformasiyanı araşdırmaq üçün çox böyük əhəmiyyətə
malikdir. Xalq inamlarına görə, “...duvaq gəlini göz-nəfəsdən və çilləli qa-
23
Геннеп А. Обряды перехода. Москва: Восточная литература, 1999, 130 с.