mə’nada Gəncə əhalisinin hansısa problemindən söhbət açılır,
dövrün hadisələrinə əsl ziyalı münasibəti göstərilirdi.
M.S.Ordubadi 1911-ci ildə çapdan çıxmış “Qanlı illər. 1905-
1906-cı illərdə Qafqazda baş verən erməni-müsəlman davasının
tarixi” kitabında istinad etdiyi faktlann böyük bir qisminin haradan
əldə edilməsi barədə yazırdı: “1905-ci il noyabr ayının birindən
başlamış hadisələri Əli Əkbər bəy Rəfıbəyov cənabının topladığı
rusca bir jurnaldan və sairə məktublardan topladım.”
Təsadüfi
deyildi ki, Ələkbər bəy fəal siyasətlə məşğul olduğu
üçün 1908-ci il iyulun 31-də general-qubernatorun əmri ilə 5 il
müddətinə Orenburq quberniyasına sürgün edilmişdi. Doğrudur, bu
sürgün baş tutmamış, o, sərbəst buraıxılmışdı, ancaq hər halda bu bir
xəbərdarlıq idi. Çünki Ələkbər bəy kimi bütün quberniyada böyük
nüfuz sahibi olan bir şəxsin fəal siyasətə girişməsi çar hakimiyyəti
üçün yaxşı heç nə vəd etmirdi və bu yolla onun qarşısına müəyyən
səd çəkmək, gələcəkdə hansı tale ilə üzləşə biləcəyini göstərmək
istəmişdilər.
Oğlu (Ələkbər bəyin başqa bir övladı, qızı Sura vaxtsız vəfat
edib) doğma şəhərə general-qubernator təyin edildiyi ərəfədə bu
əvəzedilməz insanın dünyasının dəyişməsi onu tanıyanların hamısını
sarsıtmış, bütün Gəncəni yasa boğmuş, Azərbaycanın hər yerindən
Ələkbər bəyə qəni-qəni rəhmət oxunan, Xudadat bəyə uca tanrıdan
səbr diləndiyi bildirilən teleqramlar daxil olmuşdu. Mustafa bəy
Əlibəyov Gəncə vağzalından Xudadat bəy Rəfıbəyova vurduğu
teleqramda (19 saylı) yazırdı: “Hürriyyət qəhrəmanı, millətin fəxri
babamız Ələkbər bəyin darülbəqaya rəhmət aparmasını Sizinlə
bahəm ağlayıram. Fəqət o nurlu, yumşaq qəbrin nurla dolmasını arzu
edirəm”.
Hökumətin başçısı Nəsib bəy Gəncə Milli Komitəsində öz
keçmiş həmkarının ölümünə ürəkdən acıyırdı: “Azərbaycan xalqına
və mənim qəlbimə əziz olan böyük ictimai xadim və Azərbaycanın
namuslu vətəndaşı istəkli Ələkbər bəy Rəfibəyovun vəfatı ilə bağlı
dərin kədər hissiylə başsağlığı verirəm.”
Parlamentin sədri Həsən bəy Ağayev Bakıdan öz kədərəni
belə ifadə edirdi: “Milli itkiylə əlaqədar olaraq dərindən sarsıldım.
133
Sənin dərdinə və ümumi bədbəxtliyimizə səmimi-qəlbdən şərik
oluram.”
Nəzərəliyevin Bakıdan vurduğu teleqramda isə hüzn
aşağıdakı şəkildə ifadə olunmuşdur: “Son
dərəcə dəyərli və
əvəzedilməz insan, ictimai xadim olan Ələkbər bəyin vəfatından
kədərlənir, dərin hüznlə başsağlığı verirəm”.
Bakıdan Əhməd bəy
Pepinovun 1919-cu il aprel
ayının 10-da Xudadat bəy
Rəfibəyova
vurduğu
teleqramda
və onlarla başqa
telqamlarda da Ələkbər bəyin
vəfatından dərin hüznlə
başsağlığı
verildiyi bildirilir,
onun barəsində tam layiq
olduğu “millət fədaisi”, “uca
şəxsiyyət”, “hamımızın
ağsaqqalı”, “İslam
aləminin ən
dəyərli mücahidi”, “türk islam
övladını vəfatıyla ağladan”,
“unudulmaz
insan,
əvəzedilməz dost” və s.
ifadələr işlədilirdi.
Ələkbər bəyin xalq, Vtən
qarşısında xidmətlərinin nədən
ibarət olduğunu bu
teleqramlardan
daha konkret
şəkildə ifadə etmək bəlkə də
mümkün deyil.
“Elizavetpolskie qubemskie vedomosti”nin 1909-cu il 24 may
buraxılışında 1909-1913-cü illər şəhər dumasına seçilmiş qlasnilar
arasında Ələkbər bəy, Xudadat bəylə yanaşı daha 6 nəfər
Rəfıbəyovların (Gəncə şəhər Dövlət Dumasının 60 üzvü vardı)
adlan var. Ümumiyyətlə, Rəfıbəyovlar nəslində sayılıb-seçilən
şəxsiyyətlər az olmamışdı. Bütün bunları qeyd etməkdə məqsədimiz
Xudadat bəyin
necə bir nəslin nümayəndəsi, necə
X-A.Pac^^u&f
eH.uı
MSlHlICTp
134
bir atanın oğlu olduğunu, hansı kök üstdə bitdiyini göstərməkdən
daha çox Vətəninin, millətinin layiqli, gərəkli övladları olmuş
insanları bir daha yada salmaqla, onların unudulmasına yol
verməmək istəyidir. Nə qədər acı da olsa etiraf etməliyik ki,
Azərbaycanın ötən əsrlərdə yaşamış Ələkbər bəy kimi neçə uca
şəxsiyyəti barəsində sonrakı nəsillər lazımi məlumatlar əldə
etmədiklərindən bu gün onların çoxunu tanımırıq. Beləliklə də,
nəsillər arasında əlaqənin qırılması milli yaddaşımızda boşluqlar
yaradır, itirdiklərimiz milli genofondumuza çətinliklə bərpa edilən
yaralar vurur.
Xudadat bəyin uşaqlıq və ilk gənclik illəri həmyaşıdı olan
digər ziyalı, imkanlı ailələrin uşaqlarının həyatından bir o qədər də
fərqlənmirdi. Valideynləri onun da mükəmməl təhsil alması, öz
xalqı ilə yanaşı, Avropa musiqisindən və mədəniyyətindən xəbərdar
olması və bir neçə xariçi dil bilməsi qayğısına qalmağa
çalışmışdılar. Bu ümumi ssenari ilə həyata hazırlanan yeniyetmə
1888-ci ildə Gəncədə rusdilli klassik gimnaziyasının hazırlıq
şöbəsinə daxil olur, iki il burada oxuduqdan sonra birinci sinfə qəbul
edilir və 8 il gimnaziyada təhsil alır. 1898-ci ildə 20 yaşı tamam olan
Xudadat artıq təhsilini Xarkovda imperator Tibb Universitetinin tibb
fakültəsinin cərrahlıq şöbəsində davam etdirirdi. 1904-cü ildə ali
tibbi təhsil görmüş bu gənc Xarkovda qalaraq təyinat üzrə 3 il
hospitalda ordinator işləyir. Sərbəst həyata atılan və öz yolunu
müəyyənləşdirməyə qadir olan Xudadat burada işlədiyi vaxt,
1905-ci ildə yaxın qohumu Mirzə bəyin qızı Cəvahir xanımla ailə
qurur və 1907-ci ildə ailəlisi ilə birlikdə Gəncəyə qayıdır (onların 3
uşaqları olub Kamil, Rəşid, Nigar). Bəlkə də 30 yaşlı, hər cəhətdən
tam yetkinləşmiş bu gənc həmyaşıdları arasında yeganə şəxslərdən
idi ki, onun yolunu bir ailə, bir nəsil deyil, az qala bütün şəhər
gözləyirdi. Çünki ölkədən min kilometrlərlə uzaqda təhsilini başa
vurmuş həmin gənc Ələkbər bəyin oğluydu və onun atasının
əməllərinin davamçısı olacağına həmyerliləri çox böyük ümidlər
bəsləyirdilər.
1907-ci il noyabrın 15-də 30 yaşlı Xudadat bəy qubernatorun
əmri ilə Afanasyev adına Yelizavetpol xəstəxanasına direktor təyin
edilir. Əlbəttə, bu faktın özü
təkcə onun biliyinə, təşkilatçı və
135