tədqiqatlar deyəcəkdir. N.Nərimanovun Azərbaycan tarixində hansı
rolu oynaması barədə mübahisələrə qoşulmadan və bu böyük
şəxsiyyətin xalqımız qarşısındakı danılmaz tarixi xidmətlərini
azaltmadan yalnız onu deyə bilərik ki, Azərbaycan daxilində
aparılan bolşevik təbliğatı nəticədə respublikanın dövlət
müstəqilliyinin itirilməsinə, Rusiya imperiyasının yeni cilddə
sərhədlərimizdə peyda olmasına və Vətənimizi işğal edilməsinə
gətirib çıxardı. Yerli xəyanətkarların əli ilə baş tutmuş həmin
çevriliş aktından təqribən iki il sonra vaxtilə bolşevik təbliğatı
aparan N.Nərimanov bir nömrəli bolşevik Leninə yazacıqdı:
“Müstəqil Azərbaycan sözü məgər sizin dilinizdən çıxmamışdırmı”.
Ancaq onun az qala acı fəryad kimi səslənən bu sualına yalnız 71
ildən sonra cavab veriləcəkdi.
Xosrov Paşa oğlu Sultanovun keşməkeşli həyatının
Azərbaycanın XI qırmızı ordu tərəfindən işğal olunmasına qədərki
dövrü haqqında qısa şəkildə qeyd etdiyimiz bu faktların, eləcə də
ömrünün mühacirətlə bağlı mərhələsinə aid faktlann arxasında onun
çoxsahəli, əvəzedilməz fəaliyyəti, Azərbaycanın tərəqqisi və
xoşbəxt gələcəyi yolunda böyük xidmətləri durur. Qədirbilən
xalqımız bu gün həmin xidmətləri yüksək qiymətləndirir. Xosrov
bəyin adı Azərbaycanın ilk Demokratik Respublikasının yaradıcdan
olmuş millət fədailəri sırasında fəxrlə çəkilir.
122
Rəfibəylilərdən biri
“Zati Alilərinizə 1689 saylı məktuba əlavəni və Hökumətin
102 saylı sərancamınm surətini göndərərirəm. Zati Alilərinizdən
xahiş edirəm, ordumuzun hazırkı vəziyyətində vətənimizi müdafiə
etməkdə son dərəcə vacib olan partizan işinin təşkilində yardımınızı
əsirgəməyəsiniz.
Yalnız Daxili İşlər Nazirliyi, şəhər idarəetmə orqanlarının və
gələcək torpaq şöbəsi idarələrinin birgə fəaliyyəti ilə silah
gəzdimıəyə qadir müsəlman əhalisini tezliklə səfərbərliyə almaq və
təşkil etmək, Azərbaycan silahlı xalqının zərbə qüvvəsi olacaq hərbi
hissələrin kadrlarını səfərbər etmək mümkündür.
Gəncə quberniyası partizanlarının toplantı məntəqələri ümumi
hərəkət planına görə Gədəbəy və Qazax təyin edilir. Əsgərlərin
sayının müharibə dövrü miqdarına çatdırılması, qoşunların
komplektləşdirilməsi üçünsə, silahlı adamların toplaşacağı məntəqə
Gəncə şəhəri olmalıdır.
Bu sənədlə yanaşı bütün quberniyada ümumi iş üçün vahid
sxem kimi qəbul edilməsini mümkün saydığım general-mayor
Vəkilovun Qazax dəstəsi üzrə qeydlərinin surətini əlavə edir və onu
da bildirirəm ki, böyük partizan dəstələrinə başçılıq üçün təyin
edilmiş zabitlər olacaqdır, daha azsaylı dəstələrə isə köməyinə
zabitlər veriləcək yerli nüfuzlu şəxslər komandirlik edəcəklər.
Adamlar dəmiryolu ilə, yaxud piyada toplantı məntəqələrinə -
123
Gəncə, Qazax, Gədəbəyə gələrkən öz təminatlarını özləri
ödəməlidirlər, toplantı yerlərində isə onlara yemək pulu
veriləcəkdir. Quberniyadan təqribən nə qədər silahlı piyada toplana
biləcəyini müəyyənləşdirmək yaxşı olardı. Onda bəri başdan
adamların güllə və ərzaqla İntendant və Artilleriya anbarlarından
təminatı üçün işlər gönnək olardı. Hansı gün hansı stansiyaya nə
qədər adam üçün qatar göndərilsin ki, lazımi toplantı məntəqəsində
tezliklə yığılmaq mümkün olsun. Bütün anlaşılmazlıqlar və
aydınlaşdırma tələb olunan məsələlərlə bağlı zəruri izahat verilməsi
üçün general-mayor Vəkilova tapşırıq verilmişdir. Tiflisdən qayıdan
kimi o, təcili surətdə yanınıza gələcəkdir.
P.S. Fövqəladə məxfi olduğu üçün xahiş edirəm saxlamaq
lüzumu yoxdursa göndərilən surəti geri qaytarasınız. General-
leytenant Sulkeviç. general-kvartimeystr vəzifəsini icra edən
podpolkovnik Zeynalov”.
Tam məxfi qrifli, 1906 saylı 25 may 1919-cu il tarixli bu
məktub Azərbaycan Xalq Cümhuriyyəti Hərbi nazirliyinin Baş
qərərgah rəisi general-leytenant Məmməd bəy Sulkeviç tərəfindən
Gəncə qubernatoru Xudadat bəy Rəfıbəyova göndərilib. Bu həmin
vaxtlar idi ki, gənc respublikanın öz ərazi bütövlüyünü təmin etməyə
gücünün çatmayacağma inanan erməni daşnaklarının başçılıq etdiyi
silahlı dəstələr İrəvanda, Naxçıvanda, Zəngəzurda və Qarabağda
qanlı qırğınlar törədir, qədim türk torpaqlarını ələ keçirmək üçün on
illərlə cızılmış planları reallaşdırmağa çalışırdılar. Azərbaycan Milli
Ordusunun hələ tam təşkilatlanmadığı, adı çəkilən bölgələrə yaxın
ərazilərdə yerli əhalinin hərtərəfli müdafiəsi üçün qüvvələrin kifayət
qədər olmadığı bir dövrdə quberniyalarda bu işin təşkilini Vətənin
xilası naminə fədakarlıqla xidmət göstərməyə hər an hazır olan və
xalq arasında böyük nufuza malik Xudadat bəy kimi şəxsiyyətlər öz
üzərinə götürmüşdülər.
Xudadat bəy Rəfibəyov kim idi və onun Azərbaycan
qarşısındakı xidmətləri nədən ibarət olub? Bən oaşdan deyək ki,
indiyədək bu suallara Xuaadat bəyin mənsub olduğu çox məşhur
nəslin - Rəfibəyovlarm barəsində yazan müəlliflər faktik
materialların imkan verdiyi dərəcədə toxunmuş, bəzi tarixi
124
126
tez-tələsik güllələdiyini bilmək lazımdır. Nə üçün o, yeni
hakimiyyətin nəzəaində daha təhlükəli düşmən idi və N.Nəri- manov
kimi çox yüksək bir vəzifə sahibi və şəxsiyyət “Xudadat bəyin
ondan xəbərsiz öldürülməsindən” dərin təəssüf hissi keçirmişdi.
Bu barədə yazmağa bir də məni Xudadat bəyin sözün həqiqi
mənasında nəsillərə örnək olaeaq həyat və fəaliyyəti ilə əlaqədar bir
neçə mənbədən əldə etdiyim məlumatlara istinadən onun haqqında
daha geniş təsəvvür yaratmaq, xalqımıza layiq olduğundan qat-qat
az tanıdılmış bu görkəmli şəxsiyyətin qarşısındakı ümumi mənəvi
borcumuzu qismən də olsa yerinə yetirmək istəyi sövq etdi.
Belə mənbələrdən birində - “Azərbaycan Cümhuriyyəti
sənədlər və materiallar 1918-1920-ci illər” məcmuəsində Xudadat
həy haqqında aşağıdakı avtobioqrafık məlumatlar verilib: “Xudadat
bəy Ağa oğlu Rəfıbəyov (1878-1920) - AR-in dövlət və siyasi
xadimi. Xarkov Dövlət Universitetinin tibb fakültəsini bitirib
(1903). Azərbaycanın ilk cərrahlarından biri. Fəal ictimai xadim,
Yelizavetpolda (Gəncə) maarif işinin təşkilatçılarından. Bir sıra
cəmiyyətlərin, o cümlədən ehtiyacı olanlara pulsuz yardım göstərən
“Yelizavestpol tibb cəmiyyəti”nin təşkilatçısı və həmsədrlərindən
biri olmuşdur. 1917-ci ilin martında müsəlman cəmiyyətlərinin Bakı
komitəsinin üzvü seçilmişdir. Xalq səhiyyəsi və himayə naziri
(iyun-dekabr 1918-ci il). 1919-cu ilin may ayından Gəncə
quberniyasının general-qubernatoru. Gəncədə antisovet üsyanı
yatırıldıqdan sonra (may 1920-ci il) həbs olunmuş və güllələnmişdir.
Bu tərcümeyi-hal qeydləri Xudadat bəy Rəfıbəyov haqqında
yeganə rəsmi məlumatlardan biridir. Çünki sovet hökuməti özünə
qatı düşmən hesab etdiyi şəxsiyyətlərimiz barəsində nəinki yazmağı,
hətta bu adamların adlannı belə çəkməyi yasaqlamışdı. Ona görə də
Xudadat bəyin yada salmması üçün onun bütün varlığı ilə düşmən
kəsildiyi və çox qısa bir müddət də olsa mübarizə aparmağa imkan
tapdığı bir rejimin ömrünün sona yetməsi lazım idi. Ancaq yuxanda
adı çəkilən məcmuədə Xudadat bəyin təvəllüd tarixi və atasının adı
başqa mənbələrdəki və istintaq işindəkindən
127
Dostları ilə paylaş: |